 | | |
| | |
|
Spaces home  野蠻豬手記'(oo)'PhotosProfileFriends |  Tools   |
|
June 29 28-6-2008 - 愛過一場作曲：朱敬然 填詞：娃娃 編曲：朱敬然 監製：陳熙 戒指已還給了你 卻留下一道淡淡的痕跡 一個人在這城市 藍色的心情飄著灰色的雨滴 你是我心中唯一 最初到最後忘了告訴你 離開早已千里又萬里 為何還翩翩飛著那回憶 我曾經看到彩虹落在某個幸福的地方 聽到寂寞的腳步聲走過傷心的時光 雖然迎向太陽 愛是慢慢融化的翅膀 我們曾努力的飛翔 戒指已還給了你 卻留下一道淡淡的痕跡 一個人望著天空 藍色的心情飄著灰色的雨滴 是否你也會想起 相愛到分離我們的感情 我的日子已不再有你 為何還翩翩飛著那回憶 我曾經看到彩虹落在某個幸福的地方 聽到寂寞的腳步聲走過傷心的時光 雖然迎向太陽 愛是慢慢融化的翅膀 我們曾努力的飛翔 我曾經看到彩虹落在某個幸福的地方 聽到寂寞的腳步聲走過傷心的時光 雖然迎向太陽 愛是慢慢融化的翅膀 我們曾努力的飛翔 我曾經看到彩虹落在某個幸福的地方 聽到寂寞的腳步聲走過傷心的時光 就算迎向太陽 愛是慢慢融化的翅膀 我們努力擁抱過希望 至少我們 愛過一場 May 24 3-5-2008 - 又一年.....由上年既<朋友心>同今年既<難以取替>咁又一年喇
講緊既係咩....咪就係沙田組兩週年囉......估唔到咁又識左你地年幾喇
正確黎講應該係年幾喇....今年都有舊人, 又多左d新人
Emily仲捱左幾晚夜整左隻mv比沙田組添.....
希望出年都會一樣咁多人啦......
May 04 20-5-2008 - 越南之旅尾聲今日係我地越南之旅既最後一日喇
聽日我地又要番番果個忙到癲既工作環境喇
今日有半日活動時間, 而趙小姐就比我地自由活動
我地一早就約左阿ming佢地食早餐
因為我地食飽飽要去游水嘛, 酒店個泳池咁靚, 梗係要享受下啦
我地又想曬喎~~~最好不過啦.......我地仲放棄同趙小姐食飯
自己曬完太陽, 出左去買手信同食野添.....食乜....又係越南河粉囉
haha~~老公仲話番到香港佢會唔食越南野一排喎....
我地買左好多野食呀....有越南咖啡啦....腰果, 仲買左越南河粉比媽媽
趙小姐話六月喎, 六月有event搞又搵我地番去幫手, 仲有呀.....佢叫我地得閒上去佢屋企玩喎....好呀~~!!! April 23 19-4-2008 - 第二天越南之旅今朝又一早起身, 因為今日要跟當地既tour去觀光
聽聞今既行程好緊密呀.....又要去前總統府啦~又要去天后廟
仲要去食好好味既法國菜.....仲要去參觀一個法國建築既郵局
仲要去埋隔既既巴黎聖母院縮小版.....
黎到越南先至覺得原來香港既熱都唔算係咩
係越南一到十點, 成個地方都好似個蒸籠咁呀
九點半出發去第一站, 就係前總統府...
行完總統府, 再去一個批發市場, 但係又係咩都買唔到
入到去淨係睇左一個越南政府為一個華人起既紀念碑
再跟經過一個天后廟, 之後就去左一間好靚既法國餐廳食法國菜呀
呢餐法國菜聽阿ming講話book左足足十日呀
仲要晚餐係full晒架, 佢特登為我地開左個午市架
好勁呀~~~~
食飽飽又係去觀光, 去左一間法國建築既郵局
仲用緊架...我d團友咪就係去寄明信片比自己囉~~
跟住番左酒店, swimming呀......梗係想晒下啦.......
今晚又係食越南菜, 但係今晚就冇琴晚咁好食喇
都係琴晚果餐正好多呀.....不過有野睇囉
就係呢個燒椰子喇~~~
18-4-2008 - 第一天的越南之旅睇番原來有成三年冇同過你去旅行喇
今次因為有個好既舊老闆請我地去, 我地又再一次可以去旅行喇
今次去邊?? 本來就係日本或者泰國既~可惜咪就係次次都夾唔到你假期囉
結果.....今次去越南.....都ok架....最緊要係一大班人去玩開心啫
七點半既機場集合....好早呀....仲驚住會遲到
點知遲既都唔係我地........邊個...?? 你估下啦.....
一落街.....一個字......熱
你話泰國既機場都唔會冇冷氣啦...點知胡志明市呢個國際機場....
真係冇冷氣架....你話死未.......一大班人衝出機場第一件事係做咩
咪係食煙囉........隆隆隆~~~呢邊有雷暴呀......仲好大聲既添
一程車.....足足坐左九個字...咪就係因為塞車囉
你仲話好似一個地方...似中山...同行既朋友仔都話好似大陸咁~~haha...
去到酒店, 放低行李都仲未可以check-in....因為慢一個鐘, 去到只係十二點咋
咁咪去食野囉....以為好遠, 點知坐車都唔駛五分鐘, 行路都係兩個街口
食左好越式既越南牛肉河.....係咪即係等於去札晃一定要食拉麵一樣呢??
跟住我地就去左一個好似市集咁既地方買野
趙小姐話呢度d野好平, 如果佢地開五蚊美金就可以還佢兩蚊咁話
結果買左咩, 買左個袋仔囉.......老老咩都買唔到, 因為佢睇唔啱
個市集好熱架~~所以我地去左飲野, 等到四點九, 上車喇
番到酒店, 抖一抖又出發喇, 因為要去食晚飯呀
去左一間好特色既餐廳, 係食越南野既....我仲試左佢既啤酒添
之後我地去左睇當地既賭場, 仲去做左一個越式按摩添
嘩~好勁架.....踩晒背架...咁就完成左一日行程喇
聽日再同你講去左邊啦..... April 06 5-4-2008 - 每日都係忙...忙...忙...番左新工都三個星期喇, 每日都係得一個"忙"字
最好既係可以準時收工, 但係每日都會有接種以黎既野做
因為每日都有唔同既野做囉.....我而家做緊一間財務公司既行政部
原來同以前一般做既野都唔同架, 除左要做一般行政部要做既野
例如, 訂下文具呀, renew下BR呀, 仲要做下續牌啦~每間分行開之前又要安排下送傢俬呀....
總之臨臨種種...好多好多......除左做行政部既野, 我而家仲會處理埋人事部d野架
又學多左好多囉....但係可能自己記性差啦
有好多時都要人提, 果個就係谷生喇
谷生其實都算係一個好老細....因為佢有好多時見我忙
佢都會幫我手處理一下我d野, 我唔記得既, 佢又會提我
而家好難搵到好老細架喇.....可能公司既福利係少d, 但係唔緊要啦
路係人行出黎架嘛...何況我係行政部既一份子
我都要為我既同事打下江山既....努力呀.......  22-3-2008 - 狂歡的一夜今日係vicky既生日, 我地好多人為佢慶祝呀
仲玩得好開心好愉快添
舊年既今日雖然冇份去見証你同肥佬結束愛情長跑既一幕
但係今年, 好多謝你邀請我黎既生日會
好朋友, "生日快樂, 希望你開開心心..."
出年記得都要預埋我呀... March 19 18-3-2008 - 最愛的歌呢排有好多好聽既歌呀
都鍾意左好多好聽既歌....尤其係<我的最愛>入面既每一首歌
仲有我既林狗都出左碟啦.....
真係好想可以每一首都可以同你地分享
但係今日放工番黎既時候聽收音機, 聽到呢首歌
陳小春既<我不是偉人>...最初係係我朋友既msn入面見到呢首歌既歌名既
最初仲以為唔好聽, 但係聽過真係覺得好好聽........
<我的最愛>係講兩個相愛過既人, 分開左都好掛住對方
就算分開左, 個心都仲係掛住對方當日對方對自己點樣好.......
<我不是偉人>就係講一個人對前度好好.....分開左
對方同左第二個一齊, 但係佢唔想祝福對方
因為佢個心仲係好鍾意佢......所以自己好唔開心.......
係呢度, 同大家分享住陳小春既<我不是偉人>先啦.......
不肯祝你兩人戀愛愉快 是否很古怪 要去肢解 舊情人即使假裝好友狀態 誰又希罕我賣口乖 肯祝福你有如肯放下你 還是肯寬恕 對我不起 未別離花光好心地去待你 留下的骨氣還是想刻骨至死 無法死心 忘掉自私非愛人 還有私心 仍能令你為我牽掛 餘生偉大到自卑也是人 無法誠懇豁達做偉人 恕我狠心 無限大方非愛人 還有真心 才難偽裝自己遮蓋良心 你就當我小氣殘忍 餘情未了總有記恨 我講真 真想不到你如此看重我 難道祝福你 你更好過 我為何必須扭曲本性做我 難道委屈我來為你點播情歌 如要講真 忘掉自私非愛人 還有私心 仍能令你為我牽掛 餘生偉大到自卑也是人 無法誠懇豁達做偉人 恕我狠心 無限大方非愛人 還有真心 才難偽裝自己遮蓋良心 我待你曾恩厚像神 然而為愛總有記恨 我講真 無法死心 忘掉自私非愛人 還有私心 仍能令你為我牽掛 餘生偉大到自卑也是人 無法誠懇豁達做個偉人 恕我狠心 無限大方非愛人 還有真心 才難偽裝自己遮蓋良心 你就當我小氣殘忍 從前絕配不夠道行 變配襯 17-3-2008 - 番新工喇今日開始番新工喇
最初諗住番朗豪坊, 好開心啦, 因為夠方便丫嘛
但係點知番到去, 谷生話朗豪坊太多人喎....所以要番住荃灣先
因為黎緊仲有兩間分行(包括埋荃灣啦), 同埋我地既head office都會係呢個月入面開
所以我好多野做既, 但係好多野都係我之前做開既野
暫時黎講都可以應付得黎...
襯食晏既時候走左去買野呀
(偷笑)係呀~~~~又買野呀....其實之前同vicky去行街街都買左好多架喇
但係因為對高踭鞋實左太唔岩著喇, 所以走左去買左對新既
唔係今晚番學對腳就會好攰同好痛喇
番學番左一個鐘左右啦....悶到要走喇
都唔知佢講咩~~~死啦.....又唔想番學喇
不如唔好讀喇....  March 13 12-3-2008 - 若要人不知, 除非己莫為今日係屋企悶左一日, 又係度諗野
好在有個好朋友幫我分擔一下, 唔係都唔知點算
之後, 等佢地番黎食飯
有人同我講過, 其實我地呢班人好簡單
轟轟烈烈鬧完一餐就冇事
不過咁, 都要多謝一d鍾意搞事既人
唔係呢d人, 我地唔會睇到真正既友誼係點
都唔會學識咩叫珍惜........
 若要人不知, 除非己莫為都係果句啦~~~我只係想食餐安安靜靜既飯咋 March 12 11-3-2008 - 師傅話:"係時候要對自己好d"哈哈!!真係好耐都冇試過呀...
今朝一早就比我隔離床位既寶貝老細嘈醒, 但係訓番
一訓就訓到十二點九喎, 唔記得邊個打黎喇
總之一句講晒~好訓.......
跟住呀~~今日既節目安排好精彩架
第一件事就係打比我朋友....你呀...講緊你呀~~~我起左身喇
過去佢屋企搵佢, 之後一齊去食下午茶, 食意粉屋既下午茶
勁呀~~~~超飽!!! 之後行旺中, 估唔到第一間舖頭就有收穫喎
我今日都買左花花裙喇...下次我可以一齊著喇~~
由旺角行番落太子, 行左咁耐, 就上黃大仙黎個腳底按摩
咁就完成一日既行程喇...未喎....仲想睇套<綁架>
可惜<綁架>比人綁架左, 唔緊要....因為有套<屍城30日>頂上
等老細番黎接我回歸........嘩....兩點喇, 訓咯~~~~
係呢.......師傅話:"係時候對自己好d"
點解呢....!?!? 有咩開心得過, 搵番自己, 搵番朋友同搵番愛情啫
咁仲話唔係對自己好d...........講左啦....機會唔係人人都有架嘛
學識珍惜你既機會係最重要架........
我今日把握左喇, 你呢?? March 10 10-3-2008 - 點解會咁架~好嬲呀~~~~~~我張提款咭用左五年喇, 佢今日竟然唔聽話喎
佢條磁帶壞左呀.........咁今日係我第一日既悠長假期
唯有帶佢去換左佢啦....仲有九萬幾樣野要做......
激死~~~~~
十點就比銀行電話嘈醒, 發覺我既枕邊人已經起左身
仲出埋街添.....下~~~咁都唔叫我, 明知我今日咁多野要做
十一點左右出街, 第一站行過好運中心匯豐銀行, 咪就係要搞掂果張唔聽話既提款咭囉
一聽到佢話要4個工作天先有得囉........即刻唔開心晒
跟住就要攞定d錢啦, 攞多又驚駛多, 所以下一站走左去交通銀行
先要入錢落去current acount, 開票唔入錢, 一陣又罰錢呀
再將頭先攞既錢入落呢邊個saving, 下一站咪係幫我老細交保險囉
明明係辭左職架.....係呀.....我屋企個老細呀.......又要去埋恒生
幾好玩....銀行半日遊.....
之後要番學校放低張票買書, 因為呢個semester又要買書
咁又洗多二百幾蚊, 有句說話我真係覺得講得好啱, 就係"越窮越見鬼"呀
唔到你唔信~~~~~~
上到去, 又係一肚氣, 呢間不知所謂既institute.....admin都唔知點做架
佢問我做咩特登上去比張票佢喎, 仲叫我今晚先比同學
點解咁搞笑呢, 我都上左去開票比票, 佢又叫我攞番走
佢唔可以幫我keep住先, 最後個同學收左咪又係比佢, 都唔知咩admin黎架....
好在sammi係附近做野, 我交低左比佢今晚幫我比同學...thz sammi
 8-3-2008 - 活像分手最近好多時都會同番我d朋友仔出街
今晚都唔例外, 今晚既節目安排好多
先會同細佬食飯, 再會同嘉寶飲野
細佬-BB, 識左6年啦, 係識阿tif識佢既, 失散左兩年左右啦, 又因為阿tif
我同佢重遇, 之後就約左今晚食飯喇, 同佢講野好舒服, 都列入我好朋友中
嘉寶, 識左8-9年啦, 係我既師兄.........失散一排, 又會再聚番
但係無論我地每一個失散幾耐, 出黎都會同以前一樣
又再證明友情既真諦~~~
同BB, Emma去左亞士厘道食日本野, 好好味呀
食左好多好味既壽司, 仲可以好有情調咁坐露台食
最好係有得食煙丫嘛....hello仔, bb佢話識得有人係火間土做架
我地可以先試呢間亞士厘道既東京再去火間土食過
之後就去左搵阿tif喇.....佢條友你又話係寶勒巷
點知原來去左加拿芬道, 我地三個係咁行黎行去搵佢
下次都係等佢黎搵我地喇.........
我地去左麼地道搵埋嘉寶飲野, 仲識左新朋友, 阿得, 阿榮同佢老婆
唉~~期間發生左小插曲呀.......但係唔想多講, 在場人仕知道就算
我都知道我地大家都太緊張大家, 但係我地對對方既表達方式可能錯左
仲慘過人地要講分手呀......
不過我知我同你好快有事啦....係咪呀......再下個星期過銅鑼灣呀
Friendship Forever!!!!! March 08 7-3-2008 - LAST DAY今日終於都到左last day喇...
最唔捨得可能係一班同事, 短短4個月唔係長, 但係大家好似一家人咁
日日都會講下笑下又一日, 放一個星期假就番工喇
新環境新地方, 又要重新學習過
新工做番我最熟手既admin, 終放都做到officer, 但係唔知會唔會壓力又大左呢
希望自己應付得黎啦......
放工之後過左車房, 食左一個好好味既蛋糕
唔止係因為個栗子蛋糕好味, 而係因為當中既........(唔知用咩詞語)
總之真係好開心........多謝你比左呢個機會我
我會好好珍惜.....
yuki打過黎呀, 叫我地去唱k
但係冇去到...anyways我知我地來日方長, 仲有大把機會既 6-3-2008 - 暢飲上個星期六已經同yuki決定左今晚同阿tif去食飯飲野傾下計
因為佢最近唔開心, 但係真係比呢個朋友仔激親
講左成晚希望真係明白我地同佢講咩啦
我明白當朋友唔開心既時候係好想身邊既朋友關心
但係當你開心既時候你有冇諗起過你身邊既朋友呢
唔開心既時候係好想同身邊既朋友分享
但係當你開心既時候, 你有冇比時間你身邊唔開心既朋友分享佢地既唔開心呢
人...總係自私既我明白, 因為我都係曾經迷失過
最近我終於都學識左...........朋友真正既定義, "唔計較, 愛分享, 不自私"
當你需要我既時候我一定會係你身邊.....縱使我地活係唔同地方
呢排其實我都有我既唔開心, 所以又飲番酒喇
好多謝陪過我既所有朋友, 特別係一個係加拿大既朋友.........
March 01 29-2-2008 - 戀愛預告呢排聽番d舊歌, 諗起呢一首歌好好聽
係陳百強作曲, 林珊珊唱既<戀愛預告>
但係原來陳百強都有唱過架喎~
你會鍾意邊個版本呢~~??
愛神也有苦惱 問他可知道 看看我的心似是醉了櫻桃 人如熟了櫻桃 愛情常向窗邊低訴 恨他不知道 但願今夕在情人夢裡 寫下痴心記號 窗外天空每朵白雲 滿寫醉人曲譜 夜空星星向月兒說 甜蜜是這戀愛預告 February 20 19-2-2008 - 感激遇到你這是愛承諾用心戀愛 注定要和你同步飛身愛海 誰人是最愛 全程投入去愛 有你每日也精彩 永遠與你一起 日後都只愛你 永遠的心動每日也令我回味 珍惜就像調味 能維繫便銘記 愛你能教我幸福一世紀 Oh Baby, I love you, I love you everyday 永遠的心動每日也令我回味 珍惜就像調味 能維繫便銘記 愛你能教我幸福一世紀 感激遇到你 February 17 16-2-2008 - 盡情玩一晚唔記得有幾耐冇醉過我記得佢話我知, 每次我飲醉都一定會喊, 然後成晚都要對住個<大口仔>講'我愛你'
 琴晚反而冇喎~~~唔係.....應該係講今朝
好似好耐都冇玩到咁癲......好耐都冇試過同朋友出去飲酒飲天光
 今朝一朝早就起身, 因為去見一份係尖東既工
好呀!!因為我好想番番尖東番工呀, 尖東......比左我一個好快樂既回憶呀!!
見埋老闆, 佢地話星期一會通知我, 因為公司三月先至開張
所以可以等到我三月, 但係我要三月中喎....點算呢.....
見完工, 十一點幾去左搵hello仔食飯....吹下水......
發生左件好笑事呀.............就係一個關於'辣水'既笑話......
究竟咩係'辣水'呢~~~~我同hello仔腦入面突然有好多問號??經燒味部師傅解釋.....'辣水'為熱水, 我地兩個既疑團解開喇
食過飯後, 跟住我好乖咁番左學, 但係訓覺同玩電話多過留心聽書
放學後既安排先至係今日既重點呀......因為我知道佢會約左朋友出去
所以我都約左我既朋友仔去街......去飲酒.....好耐冇試過喇
今晚真係好開心, 因為飲醉酒唔再喊........只係訓.........訓到佢番左工都唔知
我成朝就係訓左係廳張梳化, 直至三點, 我就起身洗白白, 但係都係再訓
好想可以再同你去飲野...........
February 09 8-2-2008 - 分手的禮貌分手的禮貌歌手：鄧麗欣
作曲：李峻一
填詞：李峻一
編曲：Ted Lo
繁花不會哭訴 被蝴蝶捨下 只怕你昨日曾愛我 你別說出真相 February 03 2-2-2008 - 意外驚喜仲記得琴日成班八妹仔圍埋係度講拍拖以來收到既禮物
我仲係度講, 今年收唔到佢送比我既生日禮物
其實佢一早同我講左話因為上個月財政緊張, 會遲d送
當我以為我今年會失落於生日禮物
 之際, 佢今日送左比我喇係一部pda電話....當然好開心啦, 但係唯一方面又好擔心
因為佢已經辭左工, 又仲未搵到野做, 所以佢買份咁貴既禮物比我...
 其實我都收左好多佢送既野架....除左平時會送我最愛既hello kitty
佢仲有送過衫啦, 錶啦(同佢一對架, 可惜我呢隻大頭, 唔見左自己果隻囉)
仲有兩個agnes b既袋...可能真係好似vicky咁話齋, 知足常樂呀~~~~
今晚仲要係咁比佢話我, 話我好成日話自己冇禮物喎.....(比我呻下咪有囉...hehe
 )我好鍾意你送比我個電話呀~~~多謝你!!!!   |
|
|
'&referrer=){kind=small}
Print
