Connie Pig's profile野蠻豬手記'(oo)'PhotosBlogListsMore  |  Tools Help |
|
September 29 28-9-2006 - 北京回程篇今日要離開北京喇
因為琴晚係房度等同事出去飲野
等到好晏先訓......今日好晏先至起身
連早餐都冇得食........所以要捱肚餓
到左下晝, 一行四人
落酒店樓下附近個商場食野
我食左一個麻婆豆腐飯, 都唔記得講
呢幾日食既每一餐都幾乎係辣既
好好味, 但係有d同事食唔到辣就會覺得好辛苦囉
一點半係lobby等齊人, 二點鐘出發.....
嘩.....又係塞車囉......足足用左個幾鐘先至到機場呀
係車度都訓左........又要排隊過關, check-in都用晒d時間
入到去都差唔多要登機, 我地去左食少少野先上機
結果都係要排隊等上機......上到飛機又係訓
都唔知點解咁訓得架...到空姐派餐
原來今日有雪糕做下午茶...好開心呀
因為係我最鍾意既Haagen-Dazs呀......
 番到香港差唔多八點幾, 同同事道別之後就去搭車番屋企
當然要記得第一件事打比個大帝啦.........
呢幾日好攰, 但係聽日又要考試, 但係都未溫過書喎.....點算好呀!?!?!
 27-9-2006 - 北京做野篇今日係正式做野既一日喇
一日起身落去食早餐
跟住就即刻開會......開始有d緊張
話晒都係第一次做d咁大規模既function
我仲要係負責記者果part, 又話叫我唔好得罪d傳謀喎
真係有d驚架~~~~因為驚住做得唔好呀
我對自己都好有要求, 因為覺得要開始為自己既事業發展下
十二點換好衫, 化好妝, 就開始招呼傳謀朋友
做到三點先至食飯咋.....慘~~~
不過我知各同事都好忙好多野做
辛苦晒喇......同事們!!!
有好多野要做......做野又做到亂晒
唔係關我事囉.....係關一d同事囉
唉~~~~真係唔好提喇
event完左之後, 我要同其中一d客去一個叫做後海既地方食飯
呢間餐廳又係好特式架
因為又係老闆娘介紹架...入面係食雲南菜
裝修都好有特式, 仲有呀......佢仲係一間酒吧黎架......
食完飯之後就番左酒店, 因為d客要番酒店間pub度飲野
我好想去架, 最初怕唔夠位, 所以我地要番上房先
後來又叫左我落去飲喎
終於都可以一嚐公司既香檳, 又真係幾好飲喎~~~~
過左一陣就番上房喇~~~好唔開心囉
估唔到忙完一輪, 都係冇得玩~~~~~
 September 28 26-9-2006 - 北京出發篇今日一早就要起身
因為今日係全公司出發北京做野既第一日
我地約好左八點係機場集合
但係未到八點, 同事都已經到晒
仲諗住唔會比人催啦.......最尾一個先至好似好樣衰咁~~~
入閘喇......好似好唔慣咁.....個心始終都係心掛掛
本來十二點半就應該到北京
但係因為飛機要等泊位, 所以攪攪下到兩點先出閘
北京咁大個城市.......估唔到個機場.....唉~~~~~
坐左一陣車, 老闆娘提議去食左飯先
結果三點先至食午飯, 最初佢同我地講, 話食少少野先
點知呢個少少既午餐, 竟然係去食北京出名既涮羊肉同牛肉火鍋囉
yummy~~~~
最衰唔記得影相啦!!!四點番到酒店, 經過check-in之後上房......嘩~~~~靚到呢!!!
睇相啦~~~唔識講呀
我同Annie同亞Ming一間房, 我地d細既, 梗係要讓間房比d大架啦
Annie一個訓一間套房, 我同亞Ming就share一間房......
兩個仲好似傻左咁四圍影間房添
之後, 就要落樓下幫手喇.......
好攰呀~~~~
 今晚老闆娘帶我地去北京中國會食飯
果度好靚架.......係一間舊既四合園做既
建築好特式架.....食完飯就番酒店喇
本來好想去行下, 但係好多地方都收左喇
又有d同事要開會, 所以冇去度, 唯有留係房啦
都好既~~~因為聽日又要一早起身做野.......  September 25 23-9-2006 - 生日快樂篇話說琴日係我一個識左六年既老死鐵夫生日
生日快樂~~~~~~
今年已經係第六年同佢慶祝生日喇
話咁快同佢都識左六年喇
佢係一個我識得最耐, 而仲有keep住搵既朋友
可能同佢有好多過去啦.....佢屋企對我又有恩
所以.......好多謝有呢個"最佳損友".....hahahhaha
做好晒屋企既野, 先至出去
因為要落旺角買禮物比佢, 我知佢好鍾意史力奇
但係因為今年我冇錢, 但係都買左佢最鍾意既龜龜比佢
希望佢唔會因為咁, 唔開心啦~~~~
十點到去搵佢........見到佢同亞rain好攪笑囉
點解?!?! 因為一個著米奇, 一個著米妮........只可以講"絕"呀
開開心心影下相, 唱下歌, 飲下酒, 又一晚
Anyways......my best friend......wish you have a HAPPY BIRTHDAY!!!!
出年..後年, 大後年...年年.....你唔請我都到喇.......
September 22 22-9-2006 - 重覆犯錯我大妹話呢首歌好聽, 聽左之後
真係愛上左呢首歌......
重複犯錯 不知你 難過寂寞 聽到你說 毫不快樂 令我想 我這一生 往後娛樂 亦難快樂 如若我還尊重愛情 無謂問那次飛關島暢泳 其實你 找不到任何的高興 也許跟我吃喝進睡 會一生都使你有陰影 但求要逃命 彷彿以往接吻過程無異於吻過路人 所以細雪無聲 ＊突然之間很喜歡你恨我 我從未愛到 要生生死死那麼多 結束感情最悲壯結果 原來似 以掌心撲火 未算得到 偏得到你是哪位錯 難道你我以相戀失戀去切磋 會令情侶受苦已是愛 但我答應我永不要重複犯錯＊ 最慘戀愛會有過程 到沙灘多一次看星星 亦難以償命 當初與你有過愛情 同樣一吻有任何反應 已結成冰 如若我還尊重愛情 我會放棄了呼吸般鎮定 唯望你 吻別時做回些反應 沒有感情不怨命 REPEAT＊ 回味過去每一吻 真切得 於嘴邊掠過 你的內心竟在避我 21-9-2006 - 執屋篇 II開始覺得好攰, 唔想做, 唔想郁
吸麈抺地, 樣樣都係自己
整窗簾又係自己.....連攞都係自己
好攰呀~~~~~以前咩都有得倚賴
覺得好似冇而家咁煩
而家咩都要自己諗, 自己做
覺得好力不從心...........呢d日子幾時先至會完呀!?!?
前幾日落左花園街整左d窗簾有得攞
所以決定今日放工去攞
前兩日又買左件衫比亞B, 但係因為亞B個頭大得濟著唔到
順便拎埋去換, 我用左一個最平既方法
搭船過尖沙咀, 用搭巴士落旺角, 然後搭巴士番屋企
過程可能要耐D, 但係我覺得幾好丫
反正番到屋企都係得我一個人
耐D都唔緊要架~~~~~
好開心呀, 因為今日揀既兩件衫衫都啱亞B著架!!!!
遲D同佢著住D衫衫影下相先得....hehe 20-9-2006 - 歡迎篇最近發覺多左朋友係呢度留言
其實係好事黎架
因為有d朋友會好少見既
例如: 馬仔啦, Carol啦, 亞芯啦.......
佢地都可以藉住msn同呢度留言比我
咁我地就可以知道對方既近況喇
連呢個鐵夫都走黎熱鬧埋一份, 係度留下言
可惜佢呢隻蠢豬...唔識留底自然個名呢
真係比佢激死呀~~~~~
有d人我係好擔心既
因為已經好似好耐冇見佢出現係呢度
同埋佢又唔同我msn, 唔知係咪因為嬲左我唔去唱k
陪佢過生日呢...點都好啦....我果日真係有野做
希望你體諒下我啦......... September 18 17-9-2006 - 執屋篇呢幾日做既事
都係離唔開執屋....執屋, 再執屋.....
搬出黎住, 再加上屋企咩都冇
就係咁煩架喇~~~~
就好似星期六(16/9)咁丫
明明係放假架, 但係都要一早起身
因為要執屋啦, 吸塵啦, 拖地啦......仲有攞衫落街洗
唉~~~~總之就係多野做啦
話咁快又六點幾喇
又要趕住落去攞衫, 因為我知星期日仲忙呀........
跟住就出左九龍塘又一城攞耳環同介子
本來仲想去埋尖沙咀攞褲同攞番六月買左到而家都未攞既OSIM腰帶
但係攞褲唔記得帶單, OSIM收左工......唉
我就係咁架喇, 所以有好多朋友呀, 屋企人呀
都話我係大頭蝦, 個頭甩得既都甩左喇喎~~~
跟住就落左旺角食飯同睇戲, 因為冇皇管嘛~~~~haha
睇左《大丈夫2》睇到某d位都幾touching架
就好似, 講班老公去滾咁, 屋企有個老婆, 入得厨房, 出得廳堂, 都唔識珍惜
係要出去滾......到個老婆唔緊佢既時候先至識得珍惜
都太遲啦~~~~~男人滾完, 識番屋企........
女人滾完, 就會去左人地屋企架喇......呢個講得好精影囉!!!!!
不禁要嘆一口氣呀~~~~
 September 13 12-9-2006 - 草妹生日篇今個月點解咁多人生日呢~~~
先講九月8 - 有梁榮忠, 同馬仔
九月9, 有我daddy
九月十二, 二號皇帝妹草妹
再遲d九月21, 有飛翔....
九月24, 又輪到我呢個天下無敵好老友.....鐵夫
一個二個.....呢個果個......一次過.....生日快樂!!!!!!
 本身今日約左草妹去唱歌仔
同佢過生日, 個傻妹兩個禮拜前已經約好左我
但係因為我今日實在太多野做
又唔係咁方便......結果, 都冇去到
老人家話白事同紅事係唔好撞既
咁誤打誤撞冇去到.....雖然個傻妹話唔介意
但係都係唔好啦~~~~
草妹~~~點都好啦.....姐姐補番同你食飯丫
最後....草妹....生日快樂!!!!!  September 11 10-9-2006 - shopping篇近呢個月駛左好多好多錢
點解?? 因為搬左屋囉
有好多好多野都要買過
先至覺得原來要擔起一頭家, 真係好難架
今日又走左去實惠買野
因為好想係厨房同廁所整d架用黎放d毛巾同煲等等
一買就買左差唔多九百蚊
死啦~~~~下個月又唔知點算喇
最慘就係買左番屋企先知
原來唔啱用囉~~~~~
 激死呀!!!!!!!有d勉強都可以用到既, 就真係幾勉強囉
唔係唔想買貴野, 只係冇錢啫
鬼唔知貴野好用d咩!?!??!?! 有錢先得架!!!!
今日都好攰喇, 做多左一陣功課就訓, 因為聽日要番工
放左咁多日假, 個心好似有d散散地添, 點算呢?!?!
唔可以咁架~~~  9-9-2006 - 重生篇今日係爹嗲既生日
 我知道佢一定唔會黎呢度睇到我寫呢一個blog
但係我都好想同佢講生日快樂同希望佢身體健康
因為公公既離開, 令到我覺得珍惜同家人相處既機會係好重要
佢地既身體健康都要關注
我最愛既爹嗲....生日快樂~~!!!!!!
今日訓到十點就起身, 因為出左九龍公園游水
好耐都冇試過去泳池游水, 多數都係去海灘
一係就係昇仔既私家池
而家冇得去私家池喇......所以就要出公眾池喇
游完水落大雨喎, 咁咪番屋企先囉
又book唔到時間去整頭喇
最後, 都係要經大妹先至book到去整頭
屋企人有個習俗, 就係凡做完白事
都會去剪頭髮~~~我個頭想電左好耐喇
咁啱公公又過身, 所以攪掂晒所有野先至整囉
電完髮都七點喇, 又番屋企
最後都係出左街.......去左睇《黑白道》
我覺得好睇, 因為三個做得戲之人做
黃秋生, 吳鎮宇同張家輝.......勁呀!!!!!  September 10 8-9-2006 - 送別篇(二)今朝又要一早起身, 因為公公既大殮係十二點進行
換好衫, 上香比公公
平時係屋企都會間唔中幫媽咪上香比祖先
估唔到~~~今日, 係上香比公公
好多親戚都一早就到左
估唔到我爹嗲呢邊d親戚都咁早
伯父, 伯娘, 五叔同五嬸一早都到左
五叔仲要係番完通宵更就過黎
梗係啦......因為佢地都見過公公
仲同公公成日食飯, 感情都好好架~~~~~
幾個禮拜以黎強忍既淚水, 今日好似一次過缺堤
我喊到人地火葬場既地下都濕晒
我真係唔想去接受呢個係事實, 我最愛最愛既公公
切切實實咁離開左我地.......  September 09 7-9-2006 - 送別篇(一)今日係我屋企攪白事既日子
因為公公既離開, 令我屋企變得好傷感
因為白事, 我同公司請左兩日假
十二點起身, 攞衫落街洗
兩點番到媽咪度同佢飲茶
飲完茶就幫手拎野出殯儀館
離晒譜....由四點等到六點先至做儀式
因為舅父佢地遲到囉~~~~
因為我見到我媽咪好辛苦
佢為公公既事, 奔波左好耐喇.........
其間有幾次做儀式既時候都忍唔住喊左出黎
廿八年喇.......對住一個人....仲要係親人廿八年
又點會唔傷心丫!?!?
今日既事總算辦完.........成班親戚去食飯
食完就番屋企喇~~~因為聽日仲有好多事要做.... September 06 5-9-2006 - 回家篇今日冇咩特別事發生
公司唔算係好忙
係因為我老闆未番工, 好似話佢唔係咁舒服
衰d話句丫~~~佢唔舒服, 我就好舒服lu......
六點鐘準時走, 因為今晚要番媽咪度食飯
因為好耐都冇番過媽咪度食飯
所以琴晚一早打左比佢同佢講叫佢煲湯比我飲
番到屋企見到bb, 佢好開心呀
我地兩姐弟, 當然要第一時間黎個擁抱同親吻先啦
見到佢隻腳跛跛下, 個心好唔舒服
因為bb好老喇....真係怕......
 食媽咪煮既飯, 飲佢煲既湯, 覺得自己好幸福
因為有番d家庭溫暖......
好想自己都可以煮飯同煲湯
但係屋企, 好似好多野都未執好
間屋仲係亂糟糟......見到, 都唔想煮啦..........
係媽咪度, 又食又拎, 好似好過份
不過我知佢唔會介意既~~~~因為我係佢個女丫嘛!!!!  September 05 4-9-2006 - 受氣篇激氣呀
~~~~~我今次真係頂唔順要打去投訴呀~~~
咪就係樓下間衰惠康囉.....
琴日已經話送貨比我
送到今日都送唔到, 都唔緊要啦......
果個咁既經理呀, 不知所謂呀~~~~講粗口都唔緊要啦
我話佢兩句, 佢竟然同我講話唔係比我鬧喎
離晒譜架~~~~咩人黎架, 究竟惠康請左d咩人呀!?!?  September 04 3-9-2006 - 失眠篇今日都係多野做既一日
因為琴日先至搬晒d野入屋
今日就係度執屋喇
因為太多野塞左係個廳度
終於都走左去買左d架同個盒暫時用住黎放d衫先.....
執執下.....死喇....醒起要攞衫添.....
係呀~~~我步入左攞衫落街洗既行列
每個星期洗一次, 一個月$96
仲有人熨埋, 摺好........仲香噴噴添......
本來想買個洗衣機, 但係諗諗下
攞落街洗好似連水電都慳番
諗起黎, 咁好似化算d~~~haha
唔知係咪新屋有d唔慣, 定係因為窗出面太光呢(因為窗簾未整好)
眼光光望住個天花板到四點先至訓得著......唉~~~~ 2-9-2006 - 撤走昇仔今日一早就起左身, 其實都唔係早架喇
十二點, 算唔算係早丫......
今日開始就要撤離昇悅居
搬番沙田, 一個屬於我自己既地方
租係自己, 水, 電同煤既開支都係自己
以前有人照顧, 覺得好似好多野都唔駛自己諗
自己煩, 但係一個人搬出黎住
係生活上既洗費, 各樣這樣那樣
樣樣都好頭痛........之前都唔發覺原來要黎既時候
真係好大壓力~~~~~  September 02 好大工程.....今日再一次將昇仔既野搬到新屋
而家先至發覺原來自己係咁多野架囉~~~~
執死我呀.......所以執執下都放棄左
真係好辛苦呀.....如果你可以幫下我就好喇........
由兩間六百幾呎既屋
搬去一間四百幾呎既屋, 原來d地方真係咁唔見駛架...
天呀~~~~我幾時可以中六合彩呀?!?!?!?
唉~~~~~~~~~~~ |
|
|
'%3a+September%2c+2006&referrer=){kind=small}
