|
|
August 31 今個星期超辛苦, 因為今日要測驗
星期五又要交功課, 最慘係份功課
唔知點解, 又開始張diploma到而家
一科比一科深, 有時真係好想放棄
但係, 唔讀落去又覺得自己好無用
想搵多d錢, 學歷唔夠, 你又叫人點比多d人工你呢......
見有好多舊同學, 朋友, 都搵錢多過自己
就覺得自己真係好無用, 我真係係時候要檢討一下
自己究竟有咩問題!?!
公司臨時搵左我去做一個seminar既MC
係公開場合, 對住d嘉賓, 都係第一次
最初有d緊張, 到正式都係緊張
但係當每一個同事, 甚至老闆都讚自己做得好既時候
就有d開心........但係, 我覺得自己可以再做好d
放工已經七點, 仲要即刻番九龍塘番學
因為今日測驗丫嘛, 諗住讀埋呢科
之前有提過可能因為出trip唔可以考試
而家就諗住申請補考........但係搵笨既浸會大學, 要比$200手續費
事旦啦~~~~唔駛要我比多千幾蚊再讀過就得架喇
番到屋企超攰..........係梳化度都訓著左
唉~~~都係入房訓喇 August 28
歌手：方力申 | 作曲：陳輝陽@好好笑
填詞：林夕 | 編曲：陳輝陽@好好笑/吳國恩
大概三角才好 你有本領兩個得到
令你身價抬高 誰亦害怕未搶到
而愛情 要用尺度 極懷疑全非真愛慕
而最後 讓你苦惱決定誰好
或兩匹布 你自問未著到
＊你想相戀的高估你
還是失戀的憎恨你
難道愛情 需找兩個人優點去比
每次給挑選都被拋棄
其實我以心來挑選你
卻像 競技賣藝遊戲＊
是我想我人好 每次都信勉強不到
亦信純真的愛慕 何用做戲地討好
如愛情 需踏血路 是情人誠懇抑冷酷
如我們 煩惱該去禮讓誰好
就當憎你 我但願你聽到
REPEAT＊
你想一起都苦等你
還是想一起爭奪你
難道愛情 需找兩個人優點去比
每次給挑選都被拋棄
其實我以心來挑選你
卻像 競技賣藝遊戲
怕贏了亦恨透你 August 27 續琴晚飲唱酒事件發生之後
今日好辛苦咁起身
沖埋個涼, 又要出街
又番新屋果邊等人送微波爐同焗爐過黎
順便執下野, 整好張書枱
方便下個星期做功課
整下呢樣, 整下果樣, 結果四點先至食"早餐"
因為有個朋友入大醫院
又用左d時間去探佢......好想去睇戲
但係發覺冇戲睇.......又係行街囉
仲買左部新電話----銅色K800i
好似好多錢, 發左達咁, 但係好平咋
因為我有朋友係百老匯做....trade埋部7610
$2200, 有一張64mb咭跟機, 但係我買多左一張512mb咭
$2500埋單~~~~~算啦.......兩年先換一次電話......就當係氹自己開心啦!!!!
今日有朋友生日
所以今晚去左唱k
可能呢排真係發生左好多好多事
個人唔知點解, 因為酒精既影響
攪到我好唔開心, 好唔開心
唔係飲左好多, 但係就溝酒飲
飲到好醉, 個人好自然諗起d唔開心既野
自己一個人係條街到行
好想可以搵個地方"喱"下
結果都係番左屋企
一番到連涼都冇沖, 就訓左
都唔知發生咩事~~~~~~~~~
有人講過, 當你唔開心諗起既人
就係你最愛...........
August 24  實在太過份喇~~~~其實係幾日前已經知道公公冇得咁快入土為安
因為公公離開既時候, 腦部仲有一舊瘀血
都係因為咁, 所以瑪麗話仲未可以出死亡證比我地
仲要將公公呢個case放上死因研究庭咁話
咁即係點呀.....即係話我地有心拖公公
等佢腦出血喇喎.....仲要將公公解剖
係咪痴線架.....離q晒譜架
我地幾時先至可以送公公呀?!?!?!
話咁快今日已經係星期四喇
番埋聽日就放假.....今日好忙呀, 成七點先至放工
無計啦.....因為今日老細番左工啦嘛
成日都困左係間房入面做野
做到隻眼仔都慒埋......好慘呀.......
聽日都好多野做, 怕自己唔記得
所以一早就寫晒落簿喇.......因為一直都比人話自己係大蝦......hahahah August 23 心肝寶貝
作曲：The Invisible Men
填詞：劉德華
編曲：The Invisible Men
我 我為你付出所有的
我的擔心 我的甜蜜 我的呼吸
你的笑 絕對的神奇
你的哭 絕對的可惜
因為你 讓我明白生命的真諦
＊可知道 你的不小心
會讓我傷心一輩子
我是願意為了你 今生永不渝＊
＃為我 你要好好自己保護自己
慢慢的學習 不要乾焦急
一步一步走出每一個谷底 堅定不移
為我 你要好好自己保重身體
在每一段的路 總會一身污泥
心肝寶貝 不要懷疑
最愛就是你 (最愛的是你)＃
你 你是我一生的唯一
你的聲音 你的鼓勵 我的意義
REPEAT＊＃
如果沒好好的身體
你我怎能永遠在一起
外面的風和雨 已不是問題
REPEAT＃
August 22 同類
曲:李偲松 詞:易家揚
雨後的城市 寂寞又狼狽
路邊的座位 他空著在等誰
我拉住時間 他卻不理會
有沒有別人 跟我一樣很想被安慰
風 停了又吹 我忽然想起誰
天 亮了又黑 我過了好幾歲
心 暖了又灰 世界 有時候孤單的很
需要另一個同類
愛 收了又給 我們都不太完美
夢 做了又碎 我們有幾次機會 去追
不曉得為什麼愛 又稀少又昂貴
雲在半空中 被微風剪碎
回憶也許美 可是正在飛走對不對
August 21 今日收到好多朋友既慰問同留言
有打電話比我, msn mgs同留言o係我呢個分享空間
多得你既慰問同關心, 我冇前日咁唔開心喇.......
多謝~~~~~
公公既離開, 我以為媽咪會承受唔到
一直都好擔心佢, 但係原來媽咪比我更堅強
可能見到公公呢幾年身體越黎越差
媽咪同大家心裡面一直有預計到呢一日
但係...呢一日對於我黎講真係好難接受
因為...離去既...係我最錫...亦都係最錫我既公公
公公既笑聲, 笑容, 每一句同我講過既說話(縱使唔係全部記得)
一一都仲o係我腦海入面.....公公, 我真係好唔捨得你.....
好記得小學一年級一次英文默書唔合格, 要留堂補默,
佢年紀大, 都要夜一夜黎接我
仲要係落住雨, 個個同學同家長都行得好快, 我同公公行最尾
我仲要話佢行得慢....公公..對唔住呀~~~~~
好掛住你煮既野食.....好掛住你每一個笑容
好掛住你同我一齊打牌......好掛住你 August 20 零晨兩點.....雷聲雨聲過後先至去訓, 臨訓之前已經對自己講：「今晚千祈唔好收到電話....」
一覺訓到大天光, 十點八左右收到電話.....一聽到來電既鈴聲......
係媽咪打黎, 但係傳黎老爸既聲音, 佢話我知公公已經去左
我最初以係公公唔得, 叫我地上去睇佢(因為當時我都未醒), 原來老爸係話公公已經去左
當時我冇即時反應, 只係知道想盡快出門口.......
再收到媽咪打黎既電話, 佢話佢出門口, 叫我自己搭車上瑪麗
我搭到車上去已經係最後一個, 見到公公好安祥, 就好似訓著左咁~~~~~
但係淚水, 都係呢個時候忍唔住流左出黎.....
一家人送婆婆番利東邨....飲完茶, 商討一下跟住落黎要做d咩
之後, 就各有各走....我同表妹出左去行街
到七點度, 佢男友黎左接佢, 我唔想做電燈膽
所以叫佢地自己搵節目...
原來當一個人靜落黎既時候......果份傷感同孤清
係會不停咁跟住你........ August 17 琴晚瑪麗醫院再一次打黎比媽咪
話醫生想見我地, 因為公公既情況進入不明朗階段
但係因為媽咪住得太遠
叫左舅父上去, 醫生同舅父講
話亞公已經進入最後階段
睇下有咩人想見公公, 有既就叫佢地黎睇公公
我一聽到個心即刻好澀
最錫我既公公就黎要走喇.....你叫我點面對呢?!?!
今日本來去國泰見工, 但係我打消左念頭
因為最近真係發生左好多事
我個心都冇心去做呢d野
好想陪下公公.........同埋九月尾我有機會出trip
好開心有呢個機會.......
今晚再一次去探公公, 見到佢咁辛苦
真係好心痛....又再一次喊出黎...... August 15 好開心呀......屋企有得上網喇
唔駛與時代脫節嘛......
August 14 今日都係好早起身, 十點鍾到喇
因為今日想去買電腦同執屋
一早打比媽咪, 想睇下佢係邊.....佢同我講話係瑪麗醫院.....
佢同我講, 今朝七點醫院打黎話公公情況轉壞
我好想即刻過去睇佢, 但係媽咪話公公而家都係昏迷
所以我過去都冇用, 佢同爹爹都番緊屋企喇
咁我就決定六點探病時間先至上去啦.......
過沙田食左個麥當當早餐
跟住就去買電腦喇.......睇下, 問下
結果終於都買左部compaq既notebook, 新靚架.....
黑色架....好型囉~~~~~因為冇錢, 所以月供
執好屋, 成身都係汗, 又約左表妹上瑪麗探公公
所以五點鐘係沙田出發.......
過到瑪麗, 見到公公全身插滿喉
眼淚係咁湧出黎...........叫公公要大步"囕"過
其實心知呢個機會好渺茫, 因為醫生已經叫我地做好心理準備
公公會係呢幾日走......我好傷心呀
因為公公好錫我......... 今日好好天, 太陽伯伯 一早就出黎同大家say hello
而我, 今日都好早起身, 十二點到啦....因為今日係搬屋既大日子嘛
繼上個星期搬左一部份既野, 今個星期就係搬大件傢俬
好彩搵到亞偉幫手, 仲攪到撞親佢個胸, 真係唔好意思......
十二點幾起左身, 刷好牙, 洗好面就落樓下食野
今日食我好耐都有食過既腿蛋治烘底
跟住就要出發喇.....番到果間又霉又爛既屋
搬走可以搬得走既傢俬.........咁就新居入伙喇
執好屋都六點, 又話要番番舊屋果邊比個衣櫃比人
攪攪下都八點喇.......番去同媽媽食飯
因為佢今日放假, 我地三個人去左食pizza hut, 我仲買左吸塵機
本身想買埋 電腦架, 但係實在太晏喇
好多野都閂左門, 所以都係聽日先至買..... August 10 今日如常番工同放工
今日唔算多野做, 但係就要行勻成個中環
因為今日要去好多好多銀行
又要過去長江, 又要去到機利文街.....
番到公司我兩隻腳好似跛左咁呀
放工上瑪麗探公公
我去到既時候, 佢對住我笑左一笑
之後, 又合埋眼訓番........醫護人員同我講
公公呢兩日都肚疴, 叫我買d益力多比佢
因為佢話有d病人試過, 疴, 用奶, 用粥水, 都止唔到
但係用益力多就得, 所以叫我去買
買野之前同公公講, 話我轉頭會番
佢都只係識得睜開佢隻眼, 望我一望
到我買完番上既時候, 佢就係咁訓係咁訓喇
望到佢咁.......我真係想佢可以快d走
因為唔忍心見到佢咁辛苦囉.......
我知可能咁樣, 屋企每一個人都會唔好受
但係........... 今日一番到公司就知道掛一號風球
今朝起身都覺得好奇怪架喇
點解會咁講....因為今朝係屋企係望唔到過黎上環呢邊既
一片迷霧.......煙霞.......呼吸都好辛苦呀~~~~~
上晝得我, 亞ming同annie三個, 食飯都係我地三個
話咁快又一個上晝~~~~
下晝所有人都番晒黎喇
到左三點, 我睇傢俬既行程展開喇
又去左灣仔啦, 跑馬地啦.....銅鑼灣....但係都好似冇咩收穫咁
六點半到番到公司樓下, 個人好攰呀
本來唔係好想番學, 但係到最後都係堅持左去番學
雖然訓左一陣, 但係都有比心機聽書架...... August 08 今日番工遲到....九點四先至番到公司
番到公司之後, 老闆, 老闆娘都番左黎
但係其他人仲遲...hehe....咁我都唔算係好遲啫
今日算係好忙
因為到差唔多五點先至冇野做
多野做都好, 因為可以快d放工嘛
放工之後, 即刻就要趕去探公公喇
下晝既時候已經比我個無良表妹甩我底
佢本身話同我一齊去探公公
但係到最後都係得我一個, 佢同我講
話上次佢去探公公既時候忍唔住喊左出黎
但係我冇, 因為我深信公公佢一定冇事
見到公公, 佢好硬正, 因為佢仲認得我
同我講野, 仲郁手郁腳, 只係可能好攰
所以訓下醒下, 仲識得四圍望下人, 八下卦
咁我都安心d~~~~~
公公同我既感情係建立於我八個月, 果時我嫲嫲過左身, 媽咪同爹爹都要番工, 唔得閒照顧我
自此公公就做左我監護人喇.......所以我好希望公公佢可以大步"藍"過....... August 07 琴日聽媽咪講, 話公公腦出血
要佢簽紙幫公公做手術, 好在手術好成功
公公暫時冇事, 但係都要等醫生幫公公做既腦素描報告出左
先至可以確定公公係冇事
我當時聽到呢個消息我都好擔心
一來擔心公公, 二來係擔心我媽媽
因為我知道佢一定好擔心公公既病情
我好怕佢會捱出病.......
一聽到公公個手術好成功, 我立即放低左我一半既心頭大石
唉~~~~希望公公今次再一次大步"藍"過啦
今日, 星期六, 其實真係好忙
一訓醒當然要食d野先啦.....跟住就係等時間喇
首先, 我係要等煤氣公司既師傅上黎睇下我個熱水爐做咩唔著啦
跟住, 我又要趕番大埔車野番新屋
再跟住, 就係要趕番媽咪度食飯喇
因為今晚燒街衣, 所以今晚番去食飯
仲見到好耐都冇見過既亞叔添, 講起都有d掛住佢呀
我食飽飯, 好乖咁幫媽咪洗碗, 洗完又幫佢落街燒街衣
好似好耐都冇幫媽咪做過家務
我住得咁近, 都o係時候要再孝順下佢
錫佢多d先得~~~~ 今日係星期五
雨過天青lu~~~~真係估唔到
琴日既橫風橫雨, 會變成今日既陽光普照
有時真係話, 人算不如天算呀.....
今日番工覺得好眼訓呀
因為琴晚做功課做到好夜
人, 就係咁架喇~~~鍾意『臨急先至黎開坑』架嘛
我~~~好明顯就係咁既人啦....haha
好想放d可以放工呀.....可惜都係要番學
今日聽聞我老闆好似會飛
最後, 佢都因為等唔到機位, 冇飛到
我地終於都放工喇
我番學, 交功課, 其間因為眼訓都濟, 上堂訓左喎
哈~~唔緊要啦......後尾聽番都係一樣架啫....HEHE 今日係掛住3號風球既大日子
本身今朝一早起身仲以為唔駛番工
點解?!?! 一落樓咋, 人都吹郁呀
有乜可能唔係掛8號丫~~~~
番到公司, 都同同事講話一定要聽住收音機
唔係一陣走唔切呀~~~
可惜, 一等就等到我放工喇
今日放早, 請左半日假為屋拜四角
新屋?!?! 係呀, 我又搬喇
我搬番沙田喇, 近媽咪好多, 我諗佢會放心d卦
拜好晒四角, 想出旺角行下, 同睇戲
一落到新屋樓下, 突然間橫風橫雨, 我仲差d吹走呀~~~
我落下好多茶餐廳架, 佢地都習慣將d枱櫈放o係出面
就係一陣風, 令到所有枱櫈都吹跌晒呀....
呢個時候我好想有個人可以幫我遮風擋雨....
我好記得縈縈講過, 就算我身邊冇一個人可以幫我遮風擋雨
佢呢個妹, 都會幫我.......
因為當時的確就算有個人o係身邊
佢都係冇幫我遮風擋雨......
|
Tools 
'%3a+August%2c+2006&referrer=){kind=small}
