Connie Pig's profile野蠻豬手記'(oo)'PhotosBlogListsMore  |  Tools Help |
|
July 31 扁咀又攰既野蠻豬~~~今日放工好攰呀
今日係番工以黎算多野做既一日
最開心就係上晝, 因為做野
做下做下, 就到十二點喇
食埋飯番黎, 繼續做野
咁又一日喇.....
放工同大妹傾左一陣電話
兩姐妹鬥話大家唔搵對方
今次...終於都比我拗贏左
最初係大妹瀨我先, 佢話我忙
但係我就話番佢唔聽我電話, msn又唔覆我
結果, 佢終於都自首, 話佢自己掛住訓覺唔理我
哼~~~~仲唔比我威番一次
一次咁多啦~~~
仲講左好多野, 因為我好唔開心
所以搵佢呻左一陣, 但係我呢個電話就令到佢好激氣
佢仲話我係咪又想激到佢嘔血喎
(其實你係咪真係知道一d野, 而又冇話比我知, 兩姐妹, 你唔係應該話比我知咩?)
不過, 最安慰既...都係個傻妹終於都好番喇
咁就好喇.......
希望佢以後都身體健康啦....  再飲....cheers....29-7-2006
今晚又係去左飲野
不過今晚去左銅鑼灣
本身老闆娘打黎
 問我去唔去join佢但係因為我地本身一早約左人
所以我推左我老闆娘, 再加上
佢去咁高級既地方
我又著得咁casaul, 所以為免失禮佢
我都係推左
 今晚係$250任飲, 咩都飲得
cocktail, 啤酒....
我飲左五杯long island....而家飲唔到啤酒
因為飲完啤酒實嘔既
 ~~~離晒譜呀話晒老頭, 老媽子都係飲得之人
但係個女就.....唉~~~失禮呀.....
好眼訓呀, 三點鍾走.....番去訓喇  July 28 又係飲~~~cheers話說琴日差唔多五點左右
老闆娘同我地全公司既人講話約左陳生食飯
但係食飯之前去飲杯野先
我地全班人都話, 如果去飲酒就唔好喇
老闆娘都係話飲茶, Crystal同老闆娘落去搵陳生先
我同jac之後落去, 今次係我第一次去文華東方酒店
中環即係中環, d人同地方都係唔同d
落到去已經見到佢地飲緊香檳
最後.....都係飲
本身老闆娘係要去食飯
但係見咁多人, 高興...結果都係冇去食飯
改左繼續係度飲野
到九點左右, 我地轉左地方
上左陽明山莊....呢個地方其實我黎過一次
但係係好細個既時候, 因為伯父以前既老闆係住呢度既
去過佢屋企一次......
飲下, 唱下.....成點鐘先至番屋企
嘩~~~~真係好耐都未試過, 又醉喇........
今朝起身番工, 覺得個人好似唔係自己既咁
d酒氣一d都未過~~~真係死得喇
我頂唔順, 要叫番杯檸樂飲下....
所以拖左亞ming落水, 叫佢同我一齊嗌早餐食
唉......放工仲要番學呀...
下次...都係唔好攪我喇~~~~ July 24 23-7-2006都係睇樓~~~~
今日既行程都係睇樓
係深圳訓醒, 已經係下晝一點
沖下涼, 食下野(去左飲茶, 勁抵), 走既時候已經係下晝三點幾
一路好擔心d時間唔夠用
因為又要番屋企睇小狗bb, 又要去睇樓, 又要趕番昇仔, 真係好趕呀
不過趕得黎都好開心
因為今日收穫好好呀
睇左三間, 有兩間好合心意
但係有一間就仲未睇, 因為仲有租客係度
所以地產話再約喎
但係就要平日囉~~~
跟住就同turbo食飯
食完飯, 就番昇仔喇
今晚要早d訓, 因為聽日要番工喇..... 22-7-2006今日係本小姐放假既大日子
我做過d咩, 多囉~~~~~
琴晚因為好攰, 所以洗左頭
頭都未乾就訓左.....
所以今日兩點到就起左身喇
第一件事就係落街食野
食完野既節目, 就係睇樓喇
今日主攻沙田, 因為想搬近d媽咪
方便好多~~~~食飯又可以癡, 番工搭車又方便
幾好呀~~~
 睇左金獅3個單位, 第一個我幾鍾意
一房.....但係價錢貴左d囉
叫我一個人又點負擔得起丫
所以都係同地產講話諗下先
然後去左睇<Superman Returns>, 可能因為聽同事講話唔好睇
所以唔係抱好大期望去
結果, 令我喜出望外........因為都ok架
睇完戲差唔多九點, 又未肚餓
都唔知去邊到好, 所以番左屋企睇左一陣電視
本身諗住過灣仔見識下, 但係因為冇人陪我去
又唔知邊度有, 所以都係冇去到
結果上左深圳揼骨.....去新地方試下....... July 21 20-7-2006今日行程好緊密
因為媽咪已經飛  左過泰國所以要番屋企睇bb 因為著住套suit好唔方便, 所以我番左昇仔換衫 想出門口既時候縈縈打電話同我傾左一陣計 跟住我就搭車番媽咪屋企喇 番到去bb  見到我好開心我好似好耐都番過黎睇佢喇
我整左飯飯比佢食
然後我見佢好似好熱咁
就比佢最愛既冰冰水比佢飲喇
最初佢唔係好飲
但係最終都係自己走左埋去飲
梗係啦~~咁熱.....伸晒脷仔喇.....
我地仲兩個一齊訓
媽咪張床添.....hehe十一點先至比電話嘈醒
跟住就出發番昇仔喇, 要聽晚先至番黎睇佢喇~~
番到昇仔, 睇左一陣有線, 做緊<唐伯虎戲秋香>呀
兩點到就訓喇~~~因為聽日仲要番工呀
不過好彩, 番埋聽日就放假
好開心~~~ July 20 19-7-2006今日好累好眼訓
起身番工既時候有d困難
好耐都冇試過連續咁多日咁早起身
所以覺得好辛苦呀...再加上夜晚又夜訓喎
好在公司番五日工, 有兩日可以訓番....hehe
今日番到公司都唔算多野做
但係就有份開左個會
好開心呀~~~因為係老闆娘叫我入去開會既
我諗佢係想比我知道公司而家有咩on-going project做緊
開完會之後, 同Annie傾左一陣
因為同佢講下我而家係公司好似冇咩野做咁
見個個同事都好忙, 自己......就係度msn, 上網......感覺.......唉!!!!!
跟住佢同我講話可能同事都忙緊
一下子諗唔到有咩可以比我跟
所以我就好似冇咩做咁喇
佢話等我熟習下環境, 遲d就會有好多野要做咁話喎.....
放左工趕番學, 但係都有時間打比
大妹因為琴日睇到佢個blog
佢話佢唔舒服, 所以打去問候下佢
今日冇乜心機聽書
可能真係太累喇, 竟然訓著左
不過都係釣下魚咁, 因為今日要上human resources
而我對呢科好有興趣, 所以唔係咁想miss一d野
但係又因為累, 個腦轉得慢, 好似唔係好明亞sir講乜咁
仲有呀, 佢教書實在教得太快喇
好辛苦呀~~~~
番到屋企同草妹
 傾左一陣計兩點就訓喇........ July 18 好開心~~~今日晏左出門口
但係都係冇遲到.....因為番到公司都係要等開門
今日照舊冇咩做
但係見到同事們都好似好忙咁
自己又冇野做, 好似.......有d怪
好在佢地都會搵d野比我做下
唔係....我會仲覺得唔好意思
今日好掛住一個人
一掛就掛左佢一日
今日雖然好唔舒服, 但係都因為佢
就好似唔記得左咁
放工搭905番屋企, 仲訓到以為自己搭過左站
但係原來係未到~~~~哈哈
真係笑死人呀......  July 17 第一日投入工作~~~今日先至算係第一日投入工作
因為今日開始有野做喇
好開心呀, 因為今日同d同事開始合作喇
雖然人係少, 但係總算是非唔係多
今日差唔多八點十一先至番到公司
但係都係要等開門
咁我聽日應唔應該咁早番到呢?!?!
我老闆因為琴晚去左玩
今日冇番工, 所以我唔算多野做
但係著左一日高踭鞋, 真係好辛苦
今日收到好多電話, 個個都打黎關心下我, 睇下我番工番成點
但係可惜大妹豬冇打黎囉~~~~
不過算啦, 可能佢都好多野要做
今日食左一餐最貴既lunch
因為同左番同事去鴻星飲茶
成七十蚊呀, 咁搵埋都唔夠食啦.....唔好喇
下個月都係考慮下帶飯喇~~~~
今日六點半就收工
過左去接老公放工
我仲廿四孝, 走到去沾仔記買野食比佢食......
好攰呀, 一定要番屋企訓喇~~~~ 16-7-2006琴晩同媽咪食飯慶祝生日
 因為媽咪正日生日果日係星期四, 我唔想爹爹放工要趕過銅鑼灣
食一餐飯, 而媽咪又唔係咁鍾意遲做生日
 , 所以揀左琴日....食食下飯, 我個老死嘉寶打黎, 話有個小朋友生日
, 但係要一個人過所以叫左我去同佢飲野........
十年都唔去一次既地方....les bar.....任飲喎, 咁咪上去囉
見番好多舊朋友, 其中一個係我個乖孫Magic....感覺?!?! 幾得意丫
仲有人話想追我添~~~~ha.....
.後來老公上左黎接我
佢話呢次係佢人生第一次上呢d地方
感覺好似怪怪地, 佢眼白白咁望住我比人抽水
可能佢見果個係女仔啦, 仲要係我以前既同學
所以佢都冇太大反應, 但係佢話佢下次唔會再去呢d地方喇.....haha...笑死呀~~~~
玩到三點先至走, 走既時候仲落住大雨
搭的士聽到收音機講話"黑雨"添......
尖沙咀仲水浸
............沖好涼, 差唔多五點幾先訓
訓到兩點就起身喇~~~~~
今日既行程~~~做過咩呢??
本身想係沙田睇戲, 睇<Superman - Returns>(老公好想睇), 但係冇位喎
咁番左昇仔先啦~~~~上網諗住訂飛會好d
但係又過左鐘, 結果佢都係睇唔到想睇既戲
但係就揀左<反斗車王>, 軟硬配音好攪笑架~~~~一定要睇!!!
跟住番左屋企叫pizza
 食, 好得意呀.....今日全日都係怱怱怱...因為好趕咁走去睇戲
好趕咁番黎叫野食...好喇...
真係要訓喇因為聽日要番工~~~~~唔想遲到...... July 15 番工的第一天...終於番工喇.......抖左一個多月......可以番番工好開心一早七點半就起身, 化個靚妝, 換左衫
八點左右就出門口喇
八點半到番到中環, 本來諗住買早餐食
但係又怕第一日番工, 係公司食早餐好似唔係咁好
所以冇買到~~~~
番到上樓八點九, 但係公司仲未有人開門
等到差唔多九點一先有人番, 早知就買個包咬下啦~~~
最初頭兩個鐘都冇咩好做
都係上網玩msn.......跟住過多一陣
老闆娘同幾個高層都番左
我呢個白痴妹今日先至知老闆娘原來係趙金卿女士(保良局主席)囉~~~
第一次見佢, 係我2nd interview, 佢比我第一個印象係一個好nice, 好好人既老闆
今日正式番工, 先再認識佢, 佢真係一d架子都冇架
仲好錫我, 下晝佢約左客食飯, 仲帶埋我去見識下添
好開心呀~~~~
我地去左貝沙灣食飯, 仲參觀左個會所添
又大又靚........真係星級住宅兼會所呀~~~~
差唔多六點九先走得, 因為要幫自己個老闆, Kris(即係靚仔呀), 做d野
又要趕番學........今日真係好攰呀, 可能早起身啦~~~~
好彩聽日放假.....唔係隻腳咁痛, 都唔知點算喇......  July 13 Connie眼中看Connie琴晚沖涼既時候突然間諗起呢個topic
我諗會幾好寫, 而且對於你地(我既朋友們)黎講都幾好寫
我眼中既我究竟係點架呢.....
係你地眼中既我, 又會係點架呢~~~~~
我自己覺得自己係一個冇主見既人
好睇四周圍既人而行, 可以話係一個隨波逐流既人啦
有時我覺得自己係一個野蠻人
因為好想引人注意, 愛我, 錫我, 鍾意我多d
我覺得自己係一個蠢人
因為好多時都會相信一d, 人地唔信, 我都會信架野
但係間唔中我覺得自己係一個叻人
因為我好鍾意搵野學, 學野又會好快上手..
我覺得我係一個唔識拒絕人既人
因為有好多時朋友問我野, 我都唔識拒絕....
我覺得自己係一個好易心軟既人
有人話呢種, 係一個好人, 但係心軟真係=好?!?!
咁你又覺得我係一個咩人呢?? 12-7-2006今日終於都簽左約喇
星期五正式番工, 好多謝好多朋友既祝福同祝賀
我會比心機番工架喇
奸巴爹~~~~~
雖然係一間細公司, 但係我都會比心機做
人工唔算高, 但係都番五日工, 有十四日大假
算係咁啦~~~~
最緊要係有得學野丫嘛.........辛苦d我都唔介意
我今日去簽完約, 過左去搵老公食野
食完野又過娛樂行探Laurel既朋友
仲有探左大妹添
留左一陣, 就番學喇
因為今晚要番九龍塘浸大centre, 所以要用多d時間
六點度就走去搭我最唔鍾意搭既地鐵
仲唔記得幫sammi買麵包添, 真係大慒呀
去到van仔站見到好多人, 最後決定行路番學校
豬仔既我去錯左centre呀~~~~我行樓梯落番地下
再行去另一個centre, 發現好多人等lift, 咁我見我番6樓, 咪行樓梯囉
點知行到4樓, 我腳都軟呀~~~幾驚就咁就暈左呀
好彩冇啫~~~~仲成堂都好比心機聽書添...... July 11 好消息~~~好開心呀~~~~
岩岩收到電話, 有公司請我喇
就係中環果份, 野蠻豬終於都唔駛愁喇
我會比心機做, 希望各位都會支持我.......
真係好開心, 今日仲一直望住個電話
等呀~~~等~~~~等左好耐
好擔心呢間公司唔會打黎
因為見我果個(我估係GM), 佢話佢地今日下晝會通知我幾時番工
但係等到四點幾都未收到電話
一直都好忐忑.......到差唔多五點, 終於都收到電話喇
約好左, 聽日四點簽約, 星期五番工
雖然人工唔係我想要既要求
但係公司同我講話過左試用期會加我人工
到十二月會再加, 到時仲會有雙糧添
咁梗係開心啦.........唔止係因為老細靚仔既
最主要原因係, 我真係好鍾意呢間公司, 同呢份工要做既野
我相信我會學到好多野, 同見識到好多~~~~ July 10 有轉機~~~失落於世界盃~~~~
 好唔開心呀!!! 琴晚同老公同佢d朋友出左去睇世界盃決賽
睇完全場, 冇睇加時就走左
因為今日要一早去見工, 過中環律師樓見一份admin assist
到下晝仲要2nd in埋琴日果份admin assist
自己本身都好鍾意呢份工, 同呢間公司既人
因為佢地都好nice, 同埋有得出trip
但係都係怕人地唔請~~~
今日結果真係唔願起身
所以冇見朝早果份, 只係見下晝既2nd in
可能係自己諗住一心呢份會請啦
所以其他果d.......都唔係咁想見~~~
最攪笑就係, 我呢份工計埋1st in同2nd in一共見左4個人
當我番屋企途中, 又有人打黎話細老細番左
都想見下我, 所以我再搭番車出黎見佢囉
佢都幾靚仔架喎~~好似仲話我會負責跟佢既野添
幾好丫~~~hehe
我將呢個消息話比老公知, 但係佢好似對自己好有信心咁話
一d都唔驚......  July 08 好眼訓呀~~~~唔知點解咁眼訓既~~~唔係因為今日要見工, 我都唔想起身呀
起身見到~~~嘩, 做咩會落雨架
真係唔想出門口呀, 但係話晒呢幾日都叫做多番工見
都係去見下啦...唔係一陣又比我個皇帝妹話我冇錢洗, 仲要揀工見喎
所以去見啦~~~~~
今日呢份工係Assist Excutive, 即係行政助理
見我既人係老闆, 因為佢話係佢請人
所以親自見番, 佢係一個女人黎架
都好nice, 好好人......佢要求我用英文, 國語介紹下自己
唔~~~睇佢, 佢好似好滿意我既表現
佢話下星期四應該會收到通知......
但係問題就出現喇..........因為琴日下晏收到電話叫我星期一2nd in
如果咁好彩兩份都請我, 咁點算呀?!?!
 好開心呢~~~7-7-2006
好開心呀.......唔知係咪因為琴日去左遊左個船河
轉左運呢~~~
 因為由琴日開始, 不停有電話打比我叫我見工呀
今日去左中環見左一份Admin Assist, 有兩個人見我囉
但係都唔知佢地係咩post左, 兩個都係後生女黎架
但係呢間始終都係投資公司, 有幾個朋友都叫我小心d
呢間公司有兩個老細既, 大老細呢就係做投資既
細果個就係做推廣香檳同珠寶架喎.....
如果呢間公司真係請我呢....咁我就有機會跟d老細飛去大陸見識下, 攪展覽會....
見完工過左娛樂行搵縈縈, 因為個傻妹有一日突然話掛住我喎
咁我咪諗住比個驚喜佢囉.......我仲同佢係個女廁入面黎個big hug添呀!!!!
順便同老公食飯....佢帶我去平時佢去開果間老地方, 哈哈....間野個名真係叫老地方呀!!
我食左我最鍾意既燒味雙拼瀨粉, 老公就食佢最鍾意既常餐, 因為有奄列丫嘛......
跟住我比人誤導左, 以為今日要番學, 所以一食完野即刻轆番屋企換衫
點知原來下個星期先至開學囉~~~好彩冇出到去, 唔係咪戇居....
跟住八點半左右搭車過中環接老公放工, 我地兩個番左大圍食野
仲食左豆腐花添~~~~~番到屋企, 老公又唔沖涼轆去訓喇....
我睇完<男人之苦>既錄影帶都去訓喇, 因為聽日又要一早起身見工喇.... July 07 開心...開心...勁開心6-7-2006
開心, 係因為法國贏左波
 開心, 係因為今日我出海玩
勁開心, 係因為我終於都學玩wakeboard喇~~~~
 撐埋法國隊先至訓
捱眼訓
 都係抵既, 因為施丹....yeah......射入十二碼(罰球)但係一早又要起身喇
因為大眼雞男友生日, 攪左個船河
九點鍾
 出門口, 入沙田join埋turbo叔一齊入西貢十點幾到左, 但係又因為漏氣既xo遲到
所以我地去左麥記啖個早餐先...hehe
差唔多十一點xo到左, 但係都未齊人
因為原來有人比xo仲要漏氣, 佢地就係"luen"毛兩姐妹喇
真係離晒譜呀~~~~不過都怪xo同亞蚊, 如果唔係佢地兩個叫"luen"毛買滑水褲, 佢地兩姐妹就唔會咁漏氣.....唉~~~~~
仲有好多攪笑野架~~~例如, 佢地兩姐妹一上到船就走去補妝啦, xo又要搽"不脫色"既masscara啦....等等
我地都睇到呆左.......出海啫~~~又唔係出show.......
終於經過近一個鐘既船程到左一個不知名既西貢海灣, 水清沙柔.....正呀~~~
首先, 我要做既野就係晒太陽......今次又晒到好似隻燶燶豬咁喇~~~~
唔知係唔夠訓, 定係因為太驚呢(d水好深架), 游左一陣水個人又腳軟又暈.....唉....真係要抖下呀...
本來唔想玩wakeboard, 但係老公話一場黎到, 點都要試下喎.......咁咪玩囉....第一次, 第二次....玩到第四次都係起到水, 但係滑唔到.....下次, 下次我立志一定要玩到~~~~~
玩到好攰喇....我d手手腳腳都提唔起呀, 陰公!!!
...番到沙田約左亞欣食飯, 順便睇bb女, 仲同佢影左相添......咁又過左一日喇, 聽日要見工, 所以要早訓先得...zzzzzzZZZzzzz July 05 圓滿圓滿 作曲：HOCC@GOOMUSIC｜填詞：黃偉文｜ 編曲：李端嫻@人山人海/何秉舜@GOOMUSIC｜ 監製：李端嫻@人山人海/HOCC@GOOMUSIC 舊日在我生命 砌圖留下一方先完成 遺失的風景當方向沒法 被對證 空空的框框 只有白色的背景 但現在我肯定 有人其實在隨後接應 將一幅一幅精彩畫面 拼入去 美滿結局變得確定 未完善的身影 要無縫的跟你合拼 今生最重要志願才達成 由從前若有所失 由從前認輸怨命 經已變做 自信和後勁 ＊原來我所失去那半正是你 我已完全 因我已獲得你 我未完備 Ah..Ah.. 當空缺被你完全縫合 才是我自己＊ 嘴角上留下一吻的距離 等你填滿這傳奇 並無什麼都好 最祈求的經已遇到 未來回顧 我亦能自豪 Ah..Ah.. 何來遺憾要修補 猶如甜蜜的句號 繪了個圓 讓我們共舞 REPEAT＊ 原來我所需要那半正是你 我已完全 因我已滿滿地裝滿你 再未完備 Ah..Ah.. 都可靠著你神乎奇技 重造我自己 這結局其實使我 很好奇 為何尋遍世上 追溯著名與利 令人圓滿卻是你 勁唔開心囉~~~終於都訓醒喇~~~睇完場波都今朝六點喇
訓到四點起身, 但係其間不停係咁電話響
問你死未~~~~~~~
好唔開心呀
 .....因為德國隊輸波呀有好多人都問我點解咁唔開心
問我係咪有買波喎~~~~
其實我係冇買架
鍾意睇, 但係冇買........
見到意大利係加時28分幾射入第一球
我都知, 事實係咁架喇~~~~
唯有接受啦~~~~~
我而家係怕要我接受多一個事實
就係連我第二隊鍾意既法國隊都要輸~~~~~
法國.....施丹.....加油呀!!!!!!!  |
|
|
'%3a+July%2c+2006&referrer=){kind=small}
