Connie Pig's profile野蠻豬手記'(oo)'PhotosBlogListsMore  |  Tools Help |
|
June 14 10-6-2007 - 一首好感動既歌~~~今日老公要番工 我又再一次好得閒咁喺屋企 今晚約左大妹佢地去睇戲 但係一個人喺屋企做咩......當然係做番我最鍾意既野啦 聽歌囉.......  上網既時候, 睇到一個朋友既blog 佢同佢男朋友, 分過手又再喺番埋一齊 而家終於都計劃結婚喇..... haha~~~好替開心 因為我識佢係因為佢男朋友係我既朋友 再加上我地兩個都係華仔fans.......所以都識左好耐喇 喺佢個blog度聽左一首歌 好好聽......歌詞好有意思架....係華仔架  送埋比你地丫......... 仍唱我的歌 長夜路漫漫留住這街中稀客 留連在冷凍裡願可清醒片刻 又再次翻起心底一絲失控的感覺 想起得你的聲音最是明白我 微弱冷風敲響風聲是你麼 曾話愛我愛多一生未算多 雨或晴靠著我 暗或明接受我 總是碰著了風波 感激得你不放底我更維護我 陌路同途但仍唱我的歌 如火般的眼光溫暖我 繼續燃亮我回頭再講一生 再共同渡過  喺呢到送上我既祝福, 希望佢地兩個白頭到老, 幸福快樂!!!! June 09 6-6-2007 - 人生交叉點輪到我喇................
輪到我出現人生交叉點喇
我同老公商量過
佢叫我唔好考慮
但係佢都會尊重我既決定
但係我應該點呢...........
我真係要時間去諗下呀~~~~~~  4-6-2007 - 解決老公的困擾老公公司最近發生左好多事
我知道佢好煩, 但係身為佢身邊既我
只可以比中立既意見佢
我只係同佢分析, 去同留既好與壞
但係我同佢講, 無論佢既決定係點, 我都一定會支持佢
最近喺我身邊都發生左好多事
考完試之後個腦都係未停過
但係我好想停下
點解會咁架呢~~~~
真係好煩呀~~~~!!!!!! June 04 31-5-2007 - 考完試喇一連三日既苦戰終於都結束喇~~~~
係呀.......我考晒試喇!!!!!!
即係我喺浸大既所有課程都結束.....我畢業喇
八月又要面對另一個新挑戰
我要入大學喇
考晒試有好多野都想做
就係換過個形象啦........即係剪頭髮
整好耐都冇整過既蛋糕啦
仲要去交學費同埋~~~~~總之有好多野想做啦
聽日第一件事就係要去交學費先
我要比心機呀.....要努力讀埋個學位番黎呀!!!! 28-5-2007 - 兩週年今日係我同輝輝兩週年既大日子
但係我發覺每逢一有日子要慶祝
我都係要考試~~~好記得上年老公既生日我又係要考試
今年逃過左佢生日, 但係就要踏正我地兩週年
真係唔開心呀~~~~~~
我由上個星期五開始, 就正正式式開始我既考試假期
點解我會話係考試假期, 因為我要考三日試
但係我就請左一個星期假呀...一共有九日假期呀
一來可以溫下書, 二來都放下假啦
今年兩週年既禮物一早送左喇
係一部黑色既nds..........老公好似好鍾意, 因為佢日日都有拎番工架
仲要幫我餵埋我隻任天狗添........haha
佢仲成日都拎住部機同沙田組皮車啦, 同阿倫玩射波子啦...好多好多呀
老公~~~兩週年愉快!!!  23-5-2007 - sammi演唱會自從space唔可以upload我心愛既歌開始
我就唔係好鍾意上黎, 再加上我每日都忙
忙番學, 忙同朋友食飯, 忙....忙....忙
都唔係好願上黎.......
眼見有成廿日冇上過黎, 今日就上黎打下blog
唔係就會唔記得發生過咩事架喇
沙田組會慶之後發生過一段小插曲, 唔想多講
但係大家都係開心既~~~~因為好想講友誼係唔會因為一d冇相干既事而改變
經唔係起考驗既.....就唔係叫友誼!!!!!!!
今日好彩唔係太多野做
因為放工之後要去睇sammi演唱會, 好記得每次sammi開show
我都必定係同tif, 和佢地一班人去
今次唔同左, 因為今次係同老公, 仲有hello同佢女友
同場仲會有阿paul, sammi同布布, 但係我地竟然係分開坐囉
大概七點鐘到過到尖咀, 沿路必定經過順豐大本營
仲幫謝家買左支水, 喜叔唔怕羞竟然開口叫我買埋比佢喎...咁都得
我地4個人, 企喺個又熱又焗既街度諗左一陣去邊到食野
結果去左<茶軒>....嘩~~~整乜鬼個商場冇冷氣架
老公食食下仲走左去洗面添......真係搞笑呀
食完野之後番左文華去廁所, 之後我地就行上紅館等阿paul喇
攞左飛之後, 我地就入坐, 等到搭九到啦....開show喇
sammi真係超瘦呀..............我都想好似佢咁...(發夢啦~)
完show之後, 我地去左旺角, 飲野, 因為阿paul佢地話要睇波喎
又見番同hello慶祝生日困班朋友呀, 同中途我真係好攰喇
仲訓著左~~~老公見我咁慘就番左屋企喇
|
|
|
'%3a+June%2c+2007&referrer=){kind=small}
