Connie Pig's profile野蠻豬手記'(oo)'PhotosBlogListsMore  |  Tools Help |
|
June 30 學野日~~~呢排冇工見
日日都係係屋企
但係係屋企既日子都可以好精彩架
就係學下整靚靚自己既blog喇
係msn呢度就學識整hit counter
係另外一個blog, 就學識左整一個相slide
好得意呀, 再加上音樂
好溫馨呀~~~~~
今日仲會試下整一個播音樂既programme
希望可以學識啦
又可以教大妹啦嘛
因為佢都學識左整hit counter喇
突然覺得自己好叻
不愧為叻叻咁呀~~~hehe  June 28 27-6-2006今日出左去搵舊同事食飯
順便番舊公司攞信
佢地都為自己既命途惆悵緊
因為佢地都可能會係不久既將來
同我同中命運, 就係比公司裁
舊公司話日本總公司蝕錢
要cut overseas既cost所以, 香港可能唔會再見到我舊公司既舖頭喇
其實, 同事們都唔駛擔心, 因為佢地有既係經驗, 出到去可能仲好~~~
番到屋企又再上網
到左差唔多七點, 收到xo既電話, 佢話過左黎長沙灣
問我係邊, 結果佢上左黎陪我~~~陪我?!!? 陪佢?!?!?
我陪佢好佢陪我都好啦, 總之就係兩個都冇野做既人互陪啦~~~
跟住收到大妹既msn mgs, 佢同我講話佢今日暈左兩次喎
個傻妹其實已經係病緊架喇
唔知係咪身體差, 所以暈啦~~~不過有衡仔睇住佢, 照顧佢, 我都好放心
個傻妹怪我唔關心佢喎, 我自己自身都難保呀, 希望佢可以體諒下我呢個家姐啦~~~
跟住到左晏d, 炒左一個好好味既飯比自己同老公食
佢就話覺得咸左d, 下次叫我落小d鹽喎
同佢講開話佢好耐都冇煮過野比我食
佢咪又係咁講囉~~~放工番黎都攰啦
根住我都可以幫佢答埋放假又懶
結果~~~好明顯啦~~~~煮啦......女人!!!! June 26 又再無聊多一日~~~今日又再過左無聊既一日
好在.....因為大妹今日唔舒服, 留左係屋企休息
咁岩Hello又放假, 咁齊人, 梗係chat下啦....
今朝一早起身, 入左火炭見工
照顧一早起身, 叫醒老公車我入去啦
好熱呀~~~車車個冷氣幾時會整好呀
番到屋企, 訓唔著覺咪開部電腦囉
一玩就玩左成日喇
其實, 真係好辛苦
日日都係係屋企
幾時先至會搵到工呢
心情好差~~~~~~~
問左自己好多問題~~~~~~
都答唔到......... 不禁要再post一次 - 獨唱版歌詞十分.愛 作曲：金培達 填詞：鄧麗欣/陳少琪 編曲：Johnny Yim 監製：金培達／Gary Chan 分手後應該擺脫 卻自覺天真 曾傷我最深的人 捉緊我心 應該漠不關心 然而還著緊 消失枕邊人 很想跟你熱吻 ＃愛你要比沉淪深海 更難耐 你沒有心給我未來 求你莫再 令我憎你還愛＃ ＊早知不應試愛 便算哀 現在問問誰珍惜不再 活該 當得到所愛 背著我犯錯 竟不散不愛 心 未放開 原來逃避感覺越怕越存在 愛滿分竟是換來 痛亦滿分可否錯一次以後 一直愛（痛亦滿分不想再一次意外）＊ 這考驗不高深 是靠著你真心 來傷我更深的人 多麼次等 應該漠不關心 然而還著緊 消失枕邊人 很想跟你熱吻 REPEAT＃（＊）＊ 25-6-2006今日訓到三點自己醒左
跟住叫醒老公
因為佢話今日會同我去游水
跟住落左會所個泳池
四點游到五點, 先至走去食野
好耐都冇番過大埔睇下間屋
車車冷氣壞左, 兩個焗住番到大埔
立刻開左屋企個冷氣涼左一陣
又要走喇~~~~
過沙田攞番老公係2%買既衫
行左一陣, 因為住等turbo叔
好耐冇見過佢
老公都想見下佢, 睇下佢點
一等等到十點
打電話比佢又唔聽喎
好在最後佢都打番黎, 話佢係好運
我咪上百佳買野, 老公係車車等佢囉
車左urbo叔番火炭
我地都番屋企喇~~~~番到黎成十一點喇
睇左一陣英格蘭, 煮野食
兩點到就訓喇, 因為第二日要一早起身見工呀~~~~ June 24 論到我...未解決~~~前幾日大妹打黎同我講, 佢有事未同衡仔解決
估唔到今日論到自己
好唔開心囉~~~~
究竟要講幾多次先至可以坦白呢??
由我第一日發現佢仲有搵fanny果日開始
我原諒左佢, 都講左, 話我寧願佢有咩直接同我講, 問我
好過比我發現.....
今日又再發生呢d事
事緣係我發現佢係我部電腦度攞左fanny日記個網址
其實攞都唔係問題, 係我不知情之下攞就好有問題
之後仲要改左自己e-mail既密碼
點解要咁做.....既然你覺得自己冇問題
唔想比人懷疑, 等人信你
做咩要咁鬼鼠呀~~~~
係你講得我地關係係咁親密
就唔應該有秘密囉~~~~~  June 23 黑仔既一日~~ 唉~~今日唔知發生咩事.....超黑仔呀......首先係唔知點解咁好訓
唔知醒起身, 起身既時候已經差唔多兩點九喇
好唔開心囉~~~因為睇唔到<師奶強人>, 要等到下個星期先至有得睇喇~~
冇幾耐收到大妹既電話, 估唔到今日第一個電話係個傻妹打黎
佢同我講電話既時候, 把聲好難聽, 以為佢有心事, 原來係病左啫
跟住佢就同我講起同草妹既電話對話, 兩個妹原來因為一d事
可以話係誤會對方啦, 攪到不歡而散.......
大妹都係為左草妹好, 草妹就覺得大妹唔信佢
無論點都好啦, 我只係想講當事人最清楚自己想點
比d時間啦~~~~
要講番咩黑仔事先......
 其實呢件事應該由琴晚講起
話說有個朋友同我玩msn, 但係佢send過黎既mgs一個都睇唔到
只係有一個mgs係話佢個mgs係被加密既, 要我裝一個叫做IM Plus既software先睇到
咁咪裝囉, 點知裝完之後係delete唔到既
頭痛左一晚去搵方法, 問家輝, 佢又唔肯幫我喎
咪諗住訓醒先算囉......諗住唔理佢就冇事
點知鐵夫都比我累埋.....我send mgs過去
佢又係睇唔到, 又係叫佢裝野
佢都裝左, 佢仲嚴重過我, 因為佢裝左之後hang機
死啦~~~~今次累街坊喇~~~~
不停係咁係度搵方法,  希望可以盡快解決左佢啦......June 22 一個天真既問題...又係今朝五點先訓
但係今日早左起身
點三到就醒左
收到草妹既電話, 佢好唔開心呀
佢同我講, 話佢同男朋友分開左
再加上佢屋企有d事, 佢真係好唔開心
都唔知可以講d咩好, 只係想佢可以唔好咁唔開心......
跟住打左一個電話比一個人
可能佢做緊野聽唔到電話啦
佢食飯既時候打番電話比我
我問左佢一個好天真既問題
就係我同另外一個女仔跌左落海, 佢會選擇救邊個
佢嬉皮笑臉咁同我講話佢會跳埋落海死
跟住就再同我講, 佢唔會答我呢d假設性既問題
我當時只係覺得, 點解你唔敷衍我
話救我~~~~~縱使呢個答案係假既........我都會覺得有d安慰同開心
我將呢件事話左比我最好既朋友Tif知
佢話比佢女朋友咁問佢, 佢都會係咁答
唔答, 又代表你個心係度諗緊咩呢?!?!
我好後悔問左呢個咁天真既問題
因為.............我自己個心已經有答案喇..... June 21 又再一次失眠.... 今朝七點鐘先至訓又係咁.....睇晒兩場波
 最後睇埋英格蘭都五點喇
諗住好好訓番覺啦
 ....好景不常一訓落床就鼻敏感喇
你話係咪傻架~~~~平時都唔會既, 無端端又會咁
係咪玩我呀......塞塞下塞到個人都醒埋
個天又光喎, 咁咪又用果招囉, 閂晒房入面d窗簾囉
過左一陣都係訓唔到, 結果都係要搵張被遮住個頭先訓得著
訓醒, 已經兩點喇.....每日訓醒既節目
都係睇電視, 有李克勤丫嘛....咩黎<師奶強人>囉....仲有梁榮忠添
睇完兩點半到啦.......同左tif msn chat左一陣
 就落惠康shopping囉, 梗係要入番d貨啦
唔係睇波咪冇野食......咁點得架
買完野番屋企, 見到個地下好污糟, 仲吸埋塵添呀
真係乖呀
~~~~但係一日一日係咁過, 都唔係辦法
仲有五日我就失業左一個月喇
之前仲認叻話自己不出一個月可以搵到工添
唔通真係好似人地咁講, 個個老闆掛住睇世界盃
冇心機請人, 定係因為太多人同我爭呢.....
我唔係好想押價, 但係迫於無奈都可能要行呢步
再係咁落去都唔係辦法架
我一定要努力d......(但係呢句講左好多次喇喎)
自己都有d頂自己唔順呀.......唉 June 20 重回...野蠻豬提起勁喇
 ~~~~野蠻豬琴日去左澳門.....玩完一日番黎既野蠻豬
要變番一個樂天活潑叻叻咁既野蠻豬
所有野都唔好記住lu~~~~
就當今日開始從生啦..........
或者總有一日會搵到自己真正既意義
可能係會陪上時間, 青春
但係人......總要遇上時間既洗禮既
去澳門都唔係玩左好多野, 因為落雨又有時間
只係行下食下睇下咁啦
但係野蠻豬好叻呀
係老虎機度攞左$155
雖然比媽咪笑我, 船費都唔夠
但係, 都算係一個好開始丫.....
我一定要努力面前  .........總算為情認真過總算為情認真過
如愛是錯 如錯是我 都甘心去闖禍 讓我撲火 讓我痛楚 不管熱情變禍 如接受我 如愛護我 不惜一世等待 若有一天 能明白我 你會為我感動麼 人為情錯 不可以麼 那懼最後仍然沒結果 (還)仍是無悔 點起愛火 總算是為情認真過 如未難過 從不痛楚 試問這樣仍然像愛麼 仍是無悔 交出太多 總算是為情付出過 18/6/2006之苦情篇"如何直說仍然喜歡你 相處若已經全無新驚喜
我願能共你從頭再愛過 從頭送你熱烈被愛滋味 如何直說仍然喜歡你 都似沒法可能重新在一起 要是年月裡 能忘記過去 為何你像是並未有別離" 腦海裡面突然閃起呢首歌.....好耐lu
好似仲係讀緊中學, 曾經有段時間好鍾意呢首歌
今日好想聽番, 覺得歌詞好有意思
一次過聽左三次, 有人話...
唔開心聽苦情歌既時候個人都會變得苦, 究竟係咪架呢......
一句....我有我既生活, 你有你既兩小無猜
教曉左我好多野
 不過, 都好多謝呢個人........ June 18 父親節快樂~~~ 今日係父親節...好想同爸爸講父親節快樂.....仲有一個擁有狗仔公仔既爹嗲....亞Bee老豆......父親節快樂呀~~~~~~
琴日已經為今日既父親節準備
訂枱食飯, 買父親節
 禮物........希望爹嗲今年過得比舊年開心
有人講, 食飯得啦, 仲要買禮物
佢話女仔係細心d架喎~~~所以會請食飯又買禮物
今年打算送一個按摩器比老豆
因為佢做野又大壓力, 又辛苦, 所以想佢可以番到屋企
有個按摩器幫佢消除疲勞
我唔可以成日係佢身邊
唯有拜託個按摩器啦~~~~~~~
約左七點半一家人出去食飯........
但係好唔開心, 因為今日唔係好舒服
影響晒心情.........
琴晚又訓唔到喇.....又係望住個天由黑轉為灰藍色
睇波睇到五點......十二點幾已經醒左
肚痛痛醒左........好辛苦呀~~~~~~
June 17 第一次失眠.....今朝天光先至訓
 ........zzzzzz第一次學人失眠, 以前未試過發生呢d事
可能因為要番工啦, 做野好攰.....個腦好攰........個人都好攰.....
所以通常一訓落床就會訓得著........
琴晚一次過睇左三場波......訓既時候已經係
五點因為房果邊有少少向東
望到個天由黑色, 慢慢轉做藍白色.........
為左令自己容易d訓著, 我閂晒所有房既窗簾.......
大約六點到啦.....我諗我訓著左喇~~~~~
訓醒既時候係點幾.....
一日一日係咁過.....就好似已經唔記得今日係星期幾
個人好悶, 個腦一片空白......個心
 ~~~~~~~聽日係父親節, 起身之後托朋友幫我訂左張枱
諗住聽晚同老豆食飯.......
諗番起上年........咁又一年喇~~~~~
今日個人覺得好唔開心
, 唔知點解呢?!?!唔識得解釋......或者學人咁講..."個心唔舒服"啦
我係咪要睇醫生呢.......睇乜鬼醫生丫
最實際既, 我諗搵番一份工, 個人會好d卦~~~~ June 16 悶蛋野蠻豬>(oo)<野蠻豬失業到達第二十日喇~~~每日都係屋企悶......就黎發霉喇~~~~~
幾時先至會有工番呀....再係咁....我既經濟就黎面臨赤字喇
天呀~~~~幫下我啦.......今日又訓到一點, 因為琴晚又睇波
一場接一場, 但係下個星期就要悶喇
唔係因為d波唔好睇, 係因為冇得睇.....
原因.....唔好提喇.....有有線就好啦~~~~~
起身到而家一步都冇離開過屋企同個電腦......
死啦~~~~~好似唔係好得咁呀....唔可以咁架.....
要比d心機.....積極d.......但係搵工真係搵到個人好失望
我可以點呀~~~~~~就黎做左大食懶喇....... June 15 "掩"尖的野蠻豬......今日又如常去見工......琴晚
 睇左半場德國好攰唔係咁想起身
......今屆世界杯叫做睇得最多到目前為止都睇左4-5場啦.....哈哈哈......好睇好刺激架.....
最開心就係有一個唔睇波既人竟然同我一齊睇.....
哎呀.....又講到離晒題添......
繼續講番呢個見工問題先.....結果都係起左身
有一位柴可夫車
 我入火炭, 實在太開心喇但係最初好驚, 因為行錯左路, 仲驚遲到
但係都比預定時間早左, 見完之後, 呢間公司好似好想我可以即刻番工咁
開左個價比我, 我覺得唔係咁合心水, 所以還價叫佢考慮下
見我果位姐姐係我聖心既師姐黎...(不過係早我好多屆)
佢話要問下老細, 之後再覆我, 我知都係冇望架喇~~~~
呢三個禮拜黎, 我不停都係聽到呢句..就係:"你番去等電話
 啦, 如果岩會叫你番黎second in架喇..."真係等了又等呀
 ~~~~~~~第二份都係係火炭, 但係就要三點半
先至有得見所以番左屋企訓覺.......兩點九搭的士過去
見個post係junior sec, 佢同我講話jr sec呢個位係要坐recept既
都係做一般recept既野, 亦都會做埋admin既野
我都講過啦, 我唔想再做recept喇..........你地明唔明呀
.....?!?!?!?唉~~~~咁唯有繼續努力搵啦........係咪.....
野蠻豬今日做左好多好多野
包括見工啦....去攞買左黎見工用既衫啦......番舊公司探同事啦
好在.....一個, 二個都仲有同我有兩句
不過, 見唔晒所有人
因為Su su去左旅行呀......佢地話佢去左泰國玩喎
佢就好啦~~~~~~~羡慕死喇
我幾時先至可以出發呀~~~~就連青青都去左
 旅行喇慘慘~~~~~~ June 09 個天究係咪要玩我呀??? 等左成個星期都收唔到答覆既我今日又再接再厲咁搵工, 琴日send出去既
有一份叫我今日見.......本來見工係好事
點解我會咁講, "話個天玩我呢?"
因為上個星期見工落大雨
上個星期落到紅雨
今個星期仲衰......黑雨添~~~~~
 激死人喇.........
成腳都濕晒囉.........
見左差唔多30分鐘, 又係等通知喎......
死啦.....今次又唔知要等幾耐喇~~~~ June 08 又一日喇~~~好快又一個禮拜喇
 今日係踏入失業既第二個禮拜
又係日日如事,
 夜一夜先至訓, 晏一晏 先至起身口講果句就話想抖下啫
真係想抖下咩.......下下都係錢
唔搵工點得丫
我都覺得呢個世界上面係咁....人係咁, 工係咁
希望越, 失望越大.......
 以為上個星期見既工, 今個星期會覆.....
咪又係冇覆到.........
開始好驚.......其實一個女人要靠自己真係唔係一件易事.......
所以我有時都好明白Carol既心情
不過, 我一路都覺得佢比我硬正
Carol...我地一齊比心機啦
 ......其實我都冇咩望, 只係想快d可以搵番份工
我唔可再係咁懶架喇
但係從我搵工既情況, 我又覺得我有d似亞Tif
點解會咁講.....因為我開始對搵工有揀擇...
要放銀行假, 價錢要合心水, 假期又要合心水, 連番工地點都要合心水
只係覺得自己讀咁多書, 唔搵得多都要唔好少過人啦
又覺得自己番慣左朝九晚六, 放紅日, 一年十四日大假
唔可以放番咁好, 都唔好衰過以前丫
跟住又諗....自己係咪要求過高呢......但係人冇要求, 又唔會進步喎.......好矛盾囉~~~~
頭先有公司打黎, 聽日又有得見工喇
希望成功啦.....其實我真係好擔心呀......你知唔知呀?!?!
June 07 同舊舊同事食飯~~~今晚約左我同事食飯.....
本來出黎食飯既目的, 係為左一個舊舊公司要走既姐姐而出黎
但係偏偏一個飛機, 兩個飛機, 第三個....都係飛機
先講番姐姐走去邊.....佢決定番過澳洲喇
所以今晚係諗住為左佢出黎食飯
佢冇出黎, 最唔高興既唔係我
而係攪手老占, 食飯既時候佢大吐苦水
佢話原來今晚係諗住帶我地一直都想話去既諾士佛臺
睇肚皮舞....枱都訂好, 但係偏偏一個二個飛機皇
唉~~~~佢仲越講越嬲添....
但係都不改我地四個, 係....係四個
有三代同堂啦, 我, 我老豆Niki同我個仔細力, 仲有攪手老占添
每一次都係呢個配搭架啦
原來仲有一個大忙人亞Bell既......但係佢又再駛出一個"冇影行動", 唔見左人
我發覺呢個世界上面真係有好多人識得呢種功夫
等我都學番兩招先~~~~~哈哈哈~~~~~
係厚福街食完越南菜, 跟住本身想去諾士佛臺飲野
但係太多人喇, 又要等到九點半, 所以轉左去加連威老道飲咖啡
差唔多十一點, 要撤退喇
我唔駛番工啫, 佢地個個都要, 唯有下次再約過啦~~~~
好開心呀, 因為好耐都冇見過我老豆同老占
大家仍然可以保存住果種開心歡樂氣氛
唔駛講....我地既友誼相信都可以繼續落去啦~~~~  June 05 好野~~~考完試喇好野~~~~終於都考完試喇......
真係可以放下假喇
自從比人炒左之後, 今日都仲要考試
所以個心一直都好似仲係有d野未解決咁
但係, 今日終於都如釋重負喇.....哈哈哈
咁我係咪應該計劃一下黎緊做d咩好呢.....
去旅行.......shopping.......定係做咩好呢?!?!
大妹豬就話叫我快d搵工
或者搵工都係一個大前題黎既
但係我就想放下假, 偷下懶先喇
話晒都做左兩年幾野啦
真係想抖下先.......
好啦.....放埋呢個星期, 下個星期開始搵工啦!!!!! |
|
|
'%3a+June%2c+2006&referrer=){kind=small}
