Connie Pig's profile野蠻豬手記'(oo)'PhotosBlogListsMore  |  Tools Help |
|
April 29 請珍惜你的傻女人請珍惜你的傻女人 女人有時真的好傻， 可以為了愛一個男人， 而拋下自己的父母，來照顧那男人的父母； 但男人不用 女人有時真的好傻， 可以為了愛一個男人， 而寧願自己挺顆又重又大的球十個月， 只為了替那男人生下一個跟男人姓的下一代； 還得承受生完小孩後的體質變差、身材變形的後遺症， 但男人不用 女人有時真的好傻， 可以為了愛一個男人， 而放棄一卡車追求他的好男人，只為和男人長廂廝守， 卻埋沒了最美的青春； 但男人卻不為青春所懼，反而愈老愈值錢 女人有時真的好傻， 可以為了愛一個男人， 而放棄父母給她二十多年的姓， 而跟著老公姓，又被冠上"太太"二字； 但男人沒變 女人有時真的好傻， 可以為了愛一個男人， 而早上上班，晚上煮飯做家事帶小孩， 有工作也有家事的壓力； 但男人沒差，反而多了個賺錢的人和不用給薪的女傭 女人有時真的好傻， 可以為了愛一個男人， 而去適應一個完全不同的家庭和面對男人的親友團批評， 女人懂事的試圖尋求男人的保護時， 換來的是...男人不僅沒有保護他的女人， 反而一起落井下石，在一個女人孤力無援的環境裡~~~ 男人啊 若你您的身邊有這樣的一個傻女人時， 請當她的笨男人， 好好的珍惜她、照顧她吧 別忘了，她不是天生就該來照顧你們全家大小的， 女人很單純也很懂事， 只要當她受傷時，好好傾聽她、支持她、保護她， 為她拭淚，她就會感動 一輩子更別忘了， 當男人年老時或生病時為您把屎把尿的， 絕不是已老的也要您照顧的父母， 最有可能的就是從年輕到老，始終在您身邊的女人 April 25 艱辛既日子又開始~~最近公司既工作都唔算辛苦
唔知係因為自己做野做得太快, 定係真係好似其他同事咁講,
我個位冇咩做呢~~~對於我黎講, 我而家就好似個bb咁
由爬爬開始, 慢慢學行........
所有野都由頭學起, 有時見到自己d野做晒, 或者做得太快
都怕係自己做錯野架~~~~
唉~~~~~
 今日終於都可以出街喇
下晝同左designer出左去行深水埗, 去搵一d配料
例如, 鈕呀, 燙石呀, 珠片呀, 布片呀...咁啦....
好多野睇, 都好多野學......
行左兩個鍾, 我地兩個已經覺得好似辛苦擔一日泥咁呀~~~~
五點幾番到尖沙咀, 食個下午茶番到公司坐一陣
真係想早d番屋企, 好攰呀~~~~
星期四就要跟QC上大陸check貨, 又一個新挑戰喇~~~
 講開星期四就慘喇.....因為又要test喇
我成日都會比草妹話我
因為有好多次佢約我, 我都係咁岩要test, 考試或者係趕功課推左佢
講真, 有得揀, 我都唔想做呢d野, 可以開開心心咁去玩
但係唔得呢!!! 上一科已經衰左喇, 呢科唔想再衰
因為我冇咁多時間呀, 我好想係我有限既時間做好多自己想做既野~~~~  April 24 野蠻豬...又做左懶豬今日野蠻豬又做左隻懶豬~~~~
一訓訓醒已經係兩點....
八點鐘諗住起身入赤柱
享受一下陽光與海灘....但係都係訓番
結果....唔駛講啦~~~~~咪好似果標題咁囉~~~~
好似好耐都未晒過太陽燒過野食
真係好想做下呢d事
好似成日都係太陽伯伯開工, 我就訓覺
太陽伯伯收工, 我先至出動
好想做下正常人, 過一d正常人既生活
今日見到草妹既回應, 我都相信每個人都係會有"遺憾"
但係"遺憾"既處理有好多種
我相信, 當人搵到"最愛"既時候, 呢一點點既"遺憾"都會隨之而帶走
或者"最愛"好空範, 但係我相信每個人都一定會搵到一個"最愛"
"遺憾"都可以轉化為"回憶", "回憶"都可以歷久常新
一個人心裡面經常都帶住"遺憾", 對佢身邊果個可能會好唔公平
因為你都唔想自己身邊既人, 會帶住"遺憾"同你一齊
尤其係女人, 因為女人比較自私, 容易呷醋.....
試問有邊一個女人可以咁大方, 容許自己身邊果個帶住"遺憾"同自己一齊
或者, 係我做唔到啦~~~~ April 22 還未~~~番屋企途中聽住MP3, 聽到呢首歌~~~~<還未>
我曾經好鍾意呢首歌, 因為我覺得呢首歌既歌詞好有意思
還未等到的燭光晚餐
還是穿好新衫等你揀 有點冷 長年累月 何其緩慢 還未手牽手攀登雪山 還是不敢迫你定時限 如若肯約會我 你揀一個夜晚 其實我只想試試 當一剎那幸運兒 心息極容易 何不敷衍我一次 這樣的堅持 難捱但我不介意 下半生 我知 我還是會等你 若應該與你一起 為何還未 年華易過 歲月如飛 漸看得出再沒有傳奇 也難得 固執的我 堅決為你死心塌地 下輩子 准許我揀 我還是會再次揀你 像今生 從頭到尾 那般預期 結局仍然未結 我始終不容許我自卑 要是黃河未到 我又如何捨得 心死 還未解得開的這一個鎖 難道蒼天都愛莫能助 唯獨你可幫我 償還未了的因果 等不起 我知我 還是會等你 若應該與你一起 為何還未 年華易過 歲月如飛 漸看得出再沒有傳奇 我們的 這一齣戲 仿似具有懲罰我意味 太疏離 但還未可抽離 我彷彿賭著氣 要共你比 誰耐性好 今生不可一起 過一世 還是會再次等你 下一生 才能教我 有所預期 結局仍然未見 我始終不容許我自卑 要是黃河未到 我又如何拋得下你 還未等到的燭光晚餐 窮盡一生等你還 內容好簡單易明, 好明顯就係一個人, 等緊一份等唔到既愛
就算今世唔可以一齊, 下一世都想同對方一齊, 方心息
我知道佢電話入面有呢首歌, 都用呢首歌比左一個人就來電鈴聲
其實呢件事困擾左我好耐, 個心好唔舒服, 係因為今日再聽到呢首歌
所以係blog度講下.........
佢話佢聽歌, 從來都唔會睇歌詞, 但係點解偏偏係呢一個人, 用呢一首歌
我唔想去諗, 亦都唔敢去諗........因為自己冇資格去諗~~~~ April 20 第七次 - 等不到的回覆最愛既老公
今次係第七次係blog打信比你喇~~有時都會問自己係呢度打信比你, 究竟你會唔會睇到, 又或者有冇用個心去睇呢??
野蠻豬打敗左仗呀, 今日終於都病左喇...去睇過醫生, 已經有好多鐘冇食過野喇, 食唔落....
唔記得同你講, 我上一科考試唔合格呀, 好唔開心....同份功課一樣啦, 又係唔開心到喊左出黎, 人大左, 其實我知有好多野喊係解決唔到問題, 但係唔開心, 總係好想喊左出黎就算~~~
好記得當日d同事離棄我既時候, 我曾經對自己講過既一番話, 就係"人生不如意既事十常八九, 跌到咯, 咪爬番起身, 再行過囉....小事咪當係甩左鞋帶, 綁番再行過囉....", 我諗今次考試唔合格, 其實由我收到份功課果一刻, 我都知我大概有今日架喇...但係人...總係鍾意睇下有冇奇蹟出現既....就好似我一直都係呢度等緊你既一個答覆咁啦......
呢幾日工作好順利呀...因為有好多野都可以做得晒, 有人曾經講過話做MD好辛苦, 成日都要加班, 成日都好多野做, 但係我都唔係好覺啫, 係岩岩調入黎既時候多d野做, 但係當我所有野都上手既時候, 每日都可以騰空一d時間出黎做下自己野, 就好似而家咁啦~~~至於, 其實今日都唔係好想做野, 做完手頭上既野, 都冇搵野做喇~~~你呢?? 你最近做野做成點呀? 仲有冇好似之前咁...唔開心呀?
其實開始覺得自己有d傻, 因為我有個好朋友, 佢成日都會係呢度留低佢既心底話比佢老公架, 因為佢真係好難得先至會等到佢老公回覆, 甚至可能係冇可能, 但係點解自己又會好似佢咁做呢!?!? 唔通大家都相信一個奇蹟~~~~
愛你的老婆上 又再一次打敗仗...野蠻豬又再一次打敗仗喇~~~~
其實自己知自己事, 唔知係咪因為工作壓力大, 讀書又辛苦, 所以身體好差
呢半個月黎算係叻, 因為睇番番工紀錄, 我好似好耐都冇病過
可能呢排天氣唔好啦, 又冷又熱, 加上自己有少少鼻敏感, 就咁又中招喇
如果六合彩都可以好似病咁, 話中就中, 你話幾好呢?!?!
唔舒服左幾日喇~~~~究竟幾時先至會好呢?? April 19 惡號~~~琴日係放完長假後第一日番工, 扣左星期日一共放左三日假
其實番工果一刻已經做好心理準備, 會有好多野做, 一開部電腦想check e-mail
一黎已經65個, 心諗唔係卦~~~咁益我, 好在好快處理好
因為下晝我已經開始唔係咁多野做喇
我一早已經同Ken爸爸講話我琴晚要準時走
因為我要去洗牙呀~~~~臨番到去洗牙之前上演左驚險既一幕呀~~~
嚇死野蠻豬呀~~~~~
洗完牙, 今次洗得好快喎, 又唔痛, 梗係啦, 因為我平時有乖乖擦牙囉
去洗衣舖攞番一早攞左去洗既梳化椅套, 見到信箱入面好似有d野喎
咪順便攞埋囉~~~原來係上一科考試結果, 但係都要番到上樓先有得睇
番到上樓我都唔敢睇, 係叫佢幫我開, 一開我就問係藍色定綠色........
一睇之下原來係綠色, 我就扁起咀黎喇
冇出聲幾個字, 打過比森美問佢收到考試結果未, 佢話未收到喎, 唔知佢合唔合格呢!?!?
坐左係廁所門口個地上面同媽咪講電話, 同佢講話考試唔合格
不禁喊左出黎.............又係咁啦~~~~點解讀書會讀成咁架!!!!!!
 之後出左旺角行街, 洗左好多錢呀, 開始覺得自己d錢唔係好見洗......
賺埋都唔夠洗.....點解呢?!?!?! 好辛苦呀!!! 幾時可以唔駛咁辛苦呀!?!?
我真係好憎等人, 又係佢地, 每次鬧親交, 鬧完交都係咁~~~~我講過我下次唔再等, 都唔會再理你地!!!! April 18 美與不美因為今日下晝訓左一個晏覺, 仲未訓都著, 又上黎寫下blog
今日下晝無聊時候同一個朋友傾起靚與唔靚呢個問題
其實"美"呢樣野真係好主觀, 有d人睇"美"呢一樣野係睇內在
但係男人, 大多數都係睇外在
因為有好多男人娶左個老婆番屋企, 過多三、五、七年就會覺得自己個老婆唔夠出面既女人靚
莫論個女人係未嫁之前被個男人讚得佢有幾靚幾靚.....到最後咪又係換黎一句"黃面婆"!?!?!
一個擁有內在"美", 而樣貌"不美"既女仔都總會有人識欣賞.....
其實, "內在美", 同"外在美"最緊要都係要有人識得欣賞, 如果愛你既男人唔懂得欣賞你
縱使你有幾美!?!? 都係一樣~~~~~~人, 永遠都希望聽到其他人既欣賞同讚美說話
當然, 更加想聽到自己愛既人讚自己啦.....我相信每個女仕都唔係咁鍾意聽到自己既另一半讚其他女仔都唔讚自己既~~~~
我相信最難聽, 又最傷心既都莫過於身邊果個讚佢以前既女朋友, 都唔讚自己.......雖然可能佢冇直接咁係你面前讚過佢以前既女朋友, 但係從佢既眼神, 佢既態度, 又或者係佢既言談, 可能佢一早已經嫌棄緊自己喇~~~~~
男人好介意見到自己女朋友比其他男人欣賞, 或者讚美, 但係自己有冇諗過, 你有冇讚過你自己女朋友呢?? April 14 真正鍾意一個人...愛一個人, 你會將所有最好既野都留番比佢
你睇過一本好好睇既小說, 你會尊登買多一本, 等佢悶既時候攞比佢睇
你食過一件好好味既cheesecake, 你會記住果份味道, 等佢得閒既時候整比佢食
你睇緊一部好好睇既電影, 明明睇到一半, 你都離開戲院, 因為你想佢陪自己睇埋個結尾...
節錄於<愛是最大權利-劇場版> 摰真摯高尚既愛~~頭先睇左雜誌一篇報導, 我諗最近有留意新聞既朋友都應該會知
係講一個差人舊年七月係保安道截查一個男人既時候, 比對方一刀割左落頸度,
好彩救得番, 但係因為昏迷左三個月, 同左失血過多, 個腦仲因為一度缺氧, 所以好似中左風咁
只可以訓係病床, 佢太太對佢不離不棄, 盡心盡力咁照顧佢, 因為佢相信佢丈夫有一日一定會康復....
唔講呢一單, 再講另外一個故事丫, 佢係我一個中學同學加朋友, 佢同佢男朋友初戀, 拍拖一共九年, 打算結婚, 但係好不幸, 結婚之前佢未婚夫離開左佢, 但係到而家, 我呢個朋友, 對佢未婚夫既愛仲未變過~~~(唔好意思呀, 攞左你黎講, 但係真係好想讚下你...希望你唔好介意啦...)
點解呢個世界上面仲可以有咁真摯同無私既愛呢???
有時自己, 或者係身邊既朋友, 都會為左一d少事同另一半嘈起黎, 有d結左婚既會諗離婚, 一d拍緊拖既會諗分手.....相比起以上兩位女仕, 再諗番自己, 其實自己係咪又身在福中不知福呢??
如果大家都可以係鬧交之前, 諗一諗以上呢兩位咁偉大既女仕既時侯, 我估鬧分手等等呢d事就唔會咁易發生喇~~~~
係女仕要諗既時候, 唔代表男仔唔駛諗喎, 你地都要諗下, 自己係咪真係已經做夠呢, 有冇不足之處呢??
其實上述兩件事正好話比大家知, 要珍惜眼前人, 因為有時到你想珍惜既時候, 機會未必可以從來~~~~ April 12 不懂打字的男人最愛的老公
又係我呀...今次係第六次打信比你喇...你最近點呀?? 你好似病喎, 好番好多未呀?? 而家天氣時冷時熱, 真係要好小心身體先至得~~~
調左入黎已經有兩個星期喇, 一齊都尚算順利, 就係好多野做, 唔係好似以前咁, 可以得閒上下網, 玩下msn同icq, 係呢幾日亞Ken, 我阿頭同老細三個一齊飛左先至叫得閒一d....你呢?? 見唔見到個標題呀, "不懂打字的男人", 講緊你呀~~~有好多朋友睇完我既blog都會有回應或者係留言, 偏偏係你, 就係咩反應都冇...唔知你係咁冇緣睇唔到呢個網頁, 定係就算睇到都唔算做d無聊野留底回應?!?! 不過, 你一直打字都唔叻我都知, 但係呢個世界上面已經出左手寫板喇...莫非....
時間過得真係快, 咁又就黎一年喇, 由識你到而家已經有一年零一個月喇...hahahaha, 有時都會覺得時間過得好快, 吵吵鬧鬧又一年, 開開心心又一日....最近唔知係咪時間充裕左呢, 個腦好似好唔得閒咁, 就係覺得個人好攰囉~~~~
身體都比以前差左喇...不過我知個天唔會對我咁好既, 都折磨左我廿幾個年頭咯, 邊會咁易放過我丫....好快到復活節喇....就等過左呢個復活節之後就重生啦~~~~~
愛你的老婆上 April 10 十分．愛十分.愛(合唱版)
分手後一分鐘 便有後悔聲音
能傷我最深的人 偏得我心 ＊應該漠不關心 然而還著緊 當攬緊他人 想起跟你熱吻 愛過太深 原來身體會疑問 再沒法可適應別人 願醉掉了 能容許你憐憫＊ ＃早知不應試愛 未放開 便節哀 有情人 日日夜夜同分開感慨 避開 願你改 一個 小小意外 未悔恨我未會知 不散不愛 心 話放開 未放開 雨驟來 才能提示真愛是確實存在 愛滿分 竟是換來 痛亦滿分 可否錯一次以後 一直愛 (可否錯一次以後)＃ 分手後天天都是最重要犧牲 皮膚有你的指紋 刻得太深 REPEAT＊＃＃
聽住呢首歌, 其實有d唔開心, 但係唔知點解, 或者又覺得歌詞講緊既唔係自己, 聽落好似講緊人地既故事咁...有d人失去左一d野會好珍惜, 但係有d人失去左一d野就會覺得好耐所謂....我就係覺得自己屬於冇所謂, 被人遺棄果類喇..... April 08 一個星期又過喇~~不經不覺間又過左一個星期, 呢個星期都算過得幾快丫
可能放左一日假啦, 又加上工作量真係多左
所以d時間過得特別快, 人就係咁架喇
d時間越係多野充斥, 就會越過得快
越過得快, 就越唔駛諗野.....
咁都幾好丫......
星期四上堂, 到最尾先至派卷, 聽同學講話最低分既同學得17分
果時我真係有d擔心, 當亞Sir叫我個名既時候, 我出去攞卷
後來發現自己合格, 好開心呀.....雖然唔係高分, 但係冇所謂啦!!! April 04 世事就係咁~~今日如常咁番工...我呢個傻妹講你都唔信呀....
前一晚我竟然會為左番工而訓唔著......轆到四點先訓到....
好耐都冇試過係咁...好細過番工既時候
會因為到新環境, 覺得陌生而怕到訓唔到
估唔到今時今日都仲會有呢d事發生
都係因為怕.....怕番到公司唔知又會發生咩事......
番到去我真係冇理過任何人, 只係做自己野......
好在我個位真係好多野做, 再加上係因為新調入黎有好多野要學, 都唔得閒理咁多無謂人, 無謂事......
到放工, 又要番學喇, 都唔錯丫~~~~
又再次離左題添..........
其實好想講, 呢個世界上面既人, 真係咁現實架喎
有人有人, 冇人就陳大文.....
杯葛我既帶頭人, 今日竟然同我食煙喎.....
人, 就係咁架喇~~~~~
你係咁憎我, 你又做咩要同我講野同食煙呀!!!!
我開始好怕呢個世界, 呢度d人, 呢度既事.......... April 03 第五封老公
今次係第五次寫信比你, 唔知你會唔會去睇呢?? 最近公司發生左好多事呀, 由我知道自己有得升職到而家, 我覺得我每一步都行得好辛苦, 你知唔知呀??
最近呢幾日仲開始比同事杯葛我, 佢地話我私生活有問題, 又話我鍾意係公司搬弄是非喎......我好唔開心呀, 仲喊左好幾次添, 我知道話比你知, 你一定會話公司女人多就係咁架喇, 有邊間公司冇是非丫, 做好自己就得架喇.......因為唔係第一個人同我講呢番說話架喇......但係又係咪真係做到呢???
仲好記得d眼淚係點樣, "滴....滴"聲落落個枕頭到.......你會好似一個大哥哥咁, 借個膊頭比我, 輕輕咁掃下我既頭髮, 然後同我講....."傻妹黎架...., 唔好喊"........有時諗番, 你真係好似一個大哥哥咁, 會守護我......
我成日都會講, 我係公司艱辛既第一步開始左喇, 好想有人可以同我分擔一下呀~~~~~~
好啦~~~唔講喇, 因為呢個傻妹, 再講落去又會變左個大喊包喇.........早抖!!!
老婆 唔開心...呢幾日真係發生左好多事, 我開始好怕, 究竟咩人先至信得過, 咩人信唔過, 咩人先至會講你是非, 咩人會講你好話~~~~~~呢一切一切, 我係呢幾日裡面全部體會晒!!!
我唔知由幾時開始, 比一班同事杯葛我, 真係好唔開心架....當日可以同你攬頭攬勁影相既同事, 今日一個一個離你而去, 每日嘻嘻哈哈又講又笑, 同你唱k打牌既...都一個一個離棄你...果種感覺真係好難受架.....佢地大至上係話我既私生活好有問題, 唔係咁接受到我, 要重新認識過我呢個人, 私生活又同我工作可以扯上關係咩?!?!?!....又話我煸風點火, 話呢個同事是非, 講果個同事不是喎~~~~總之就係講到我好似生人勿近咁啦!!!!
或者學人話齋, 講者冇心, 聽者有意啦~~~~~只係一句好普通既說話, 只係一句發自內心既說話, (我仲要係講完唔記得添)佢可能會覺得我講到好嚴重, 好有殺傷力, 如果我呢一句說話係有殺傷力, 你地所做既一切就等於殺死人..........
我為左呢件事喊左幾日, 仲有諗過唔做添~~~~~同過好多人傾過呢件事, 大家都係叫我比心機做好自己, 唔需要理會人, 但係真係可以做到咁清心, 不理世事, 不吃人間煙火, 當呢d事發生係你身上既時候, 你仲會唔會好似而家咁....講得咁輕鬆?!?!?
 我真係唔相信呢個世界上面會有人係十全十美, 難道佢地係唔會有錯, 佢地講緊既, 唔係又係正好係我既是非咩!?!?! |
|
|
'%3a+April%2c+2006&referrer=){kind=small}
