Connie Pig's profile野蠻豬手記'(oo)'PhotosBlogListsMore  |  Tools Help |
|
March 31 30-3-2007 - 又過左一個week喇好野....番埋今日工又放假喇
離我既開心復活節假期又近一步喇
但係假期並未顯得太快樂
最主要因為老公有兩日要番工陪唔到我
我又因為要test, 所以唔可以玩得太過份
唔知沙田組喺呢個假期有咩做呢.........
都好期待聽晚既bbq活動, 好似好耐都冇燒過野食lu~~~~
仲要去郊野公園添..........haha.....好開心呀
已經約好阿花聽日同佢一齊買野同埋醃野啦
本身今次活動係佢老公, 即係史東搞既....
唔知整乜鬼, 佢公司怱然唔比人上網又唔比人玩msn喎....仲要串到block埋添
所以咪要阿花執埋個手尾囉..........
所以我聽日放假, 要幫佢手先得......阿花....辛苦晒你喇
同埋沙田組既朋友一齊好開心
至少我同老公同佢地都相處得好開心
 多謝所有沙田組既朋友
呀~~~~~仲有hello, jackie, 大頭........我上司annie....我阿仔, 我細佬
好多好多人呀....數都數唔晒........
個個都係我同我老公jerry既好朋友
 一切都在心中喇~~10000000000000000 thanks
March 30 29-3-2007 - 真笑話今日如常要番學, 但係懶惰既我照舊番左半堂
然後喺學校樓下等我當係寶既老公黎接我
佢同埋沙田組組長兼攝車王既米高既愛驅黎接我
當然開心啦..........
之後番左車房.......等埋其他組員
然後就番我地飯堂食飯.........坐左一陣自己番屋企先
因為老公同左沙田組員出去, 我就喺屋企乖乖地咁等佢喇
一打開部電腦, 發現左d好好笑既野
我估唔到我個blog有咁大既吸引力喎~~~~真係超低能, 勁搞笑......
好在香港都仲有人權法...唔係真係死得人多呀......等我都拋下書包先
香港法例第383章【香港人權法案條例】第十六條(註一)中賦予我們有發言的自由、不受干預之權利
唔知以為我喺我個blog度唔可以講自己野添呀.....超低能
如果話兩句就嬲既人, 即係在乎啦......在乎即係咩呢....都唔識講喇......勁搞笑
是旦啦........我就訓喇.......hello都講得啱既......唔好同人一般見識丫嘛
學人話齋我都一把年紀啦.......都應該好好咁保養下......嬲得多呀....會有皺紋架......
anyways.....thz all yours replies
註一：
LAW OF HONG KONG Chapter 383 HONG KONG BILL OF RIGHTS Article 16 Freedom of opinion and expression (1) Everyone shall have the right to hold opinions without interference. (2) Everyone shall have the right to freedom of expression; this right shall include freedom to seek, receive and impart information and ideas of all kinds, regardless of frontiers, either orally, in writing or in print, in the form of art, or through any other media of his choice. (3) The exercise of the rights provided for in paragraph (2) of this article carries with it special duties and responsibilities. It may therefore be subject to certain restrictions, but these shall only be such as are provided by law and are necessary - (a) for respect of the rights or reputations of others; or (b) for the protection of national security or of public order (ordre public), or of public health or morals. March 29 24-3-2007 - 行共食......攰死~~~~今日都仲喺唔舒服, 好在今日唔駛番工
本來約左hello幫我影靚相, 結果都冇.......因為.....懶囉
唔止我一個人懶.....連輝輝都懶
佢番黎同我食左下午茶, 就喺屋企既梳化訓著左喇
佢一訓就好難叫得醒架啦嘛~~~~~~可能佢真係太攰喇
公司d人又唔生性, 唔肯做野, 咩都要佢親力親為.......d人仲覺得自己好啱添
唉~~~~事旦啦....唔想講佢公司, 因為提起就諗起d衰人
結果, 兩個喺屋企'礳'到七點先至出去
去邊.......?!?!? 過海搵hello呀......係喎...今晚又係同佢去食飯
生日嘛...大晒架啦....佢話要食好d, 但係要平喎
我就即刻諗到灣仔既波士頓喇...我記得我好細個既時候我daddy同mammy帶過我去
今日就同hello去啦........嘩
 .......份牛柳會著火架係呀~~~食左一個叫做<鐵板火燄牛柳>既東西呀.........
之後, 我地落左cwb行街, 好似好耐都冇去過cwb咁
全部都變晒....最後我地仲去左我最鍾意食既haagen-dazs雪糕添....
yummy.....仲有三個印花, 我就可以儲多一張vip咭比輝輝喇
之後我地又走左去等阿wing放工, 仲見到佢隻仔仔添
好得意架....等我遲d upload d相比你地睇啦...講住咁多先啦
因為好晏喇....成4點先至番到屋企...要訓喇....  23-3-2007 - HELLO的快樂生辰今年係第一年同hello過生日
放工, 身體唔舒服既我好想番屋企
但係, 因為要陪hello過生日, 所以硬住頭皮都要去
但係一早同佢講好, 我今晚唔會夜
大概喺尖東逗留到七點左右
4個人, 我啦, 輝, hello同佢既kie kie搭的士落旺角
到旺角既時候, 來所有hello既朋友都未到
所以我地就去打左一陣機, 其實打機真係唔係咁啱我
我同hello好搞笑咁, 成日都話kie kie同阿輝打機既時間, 就係我地兩個拍拖既時間.....
阿輝打左一陣就話要去搵toilet, 都好...因為其實我地兩個仲未買野比hello架
跟住我地就走左去搵阿邦, 因為阿輝一早諗定買腳架比hello喇
好怱忙咁買左生日禮物, 又要趕過兆萬搵果兩隻野
原來佢地去左影咭咭, 我都未同輝輝影過
可能佢同佢以前d女朋友影得太多喇, 影到厭晒, 都唔想同我影喇~~~~~
然後我地就過創興neway搵阿布同阿paul佢地喇
嘩~~~~好多人呀.......有d我都未見過又唔識
但係hello生日喎...唔緊要啦.....同佢食完生日蛋糕, 我地都走喇
因為有好多人聽日都仲要番工.....
希望hello今個生日過得開開心心啦.....  March 22 22-3-2007 - 分開冷靜今日番工竟然又遲到
可能真係好攰喇
個身同個心都好攰....好攰....好攰
真係好想可以抖下~~~~~~~~~
放工之後番學, 同媽咪傾電話傾到過尖咀
到尖咀收到佢打黎既電話, 佢話會等我, 因為知道我會早走
番學期間好肚餓好口渴, 真係好想快d可以見到佢
咁我地就可以去食野喇.....
八點三左右放break, 即刻離開左學校
打電話比佢睇下佢喺邊, 原來佢喺朋友間舖頭打機
佢仲要求我過去搵佢, 其實果一刻唔係好想, 但係佢同我講佢都係餓住等我
所以我都係過左去搵佢, 我同sammi講住電話
因為好耐都冇同佢傾過心事, 要睇下佢近況同埋約個時間食飯
我到既時候見到佢同hello....bell仲有jackie打機打得好開心
都冇理過我, 我就企喺舖頭門口講電話
直至我真係頂唔順去買左個麵包食
食完都仲係打緊機, 直至sammi問我食飯未
我先至大聲咁講話佢打緊機冇理我.......................到九點
終於都可以走喇, hello問食乜, 我話食咩都冇所謂啦, 因為我都食飽左
佢想拖我, 但係我冇伸手過去, 因為我當時真係覺得佢好過份
行到厚福街食米線.....我記得我問過佢點解唔即刻去食野
要我過去等佢打機仲要打咁耐, 佢同我講話係我講電話冇理佢
仲要好勞氣咁同我講野, 因為佢話佢餓住個肚等我等到胃痛
到食米線既一刻, 我有氹過佢, 但係佢冇理我
到我既米線黎到既時候我照舊比餸佢, 但係佢又夾番比我
夾黎又夾去, 我唔知係有心定玩啦....我覺得好討厭呀
我決定唔食, 放低錢, 我就走左去搭車番屋企
我諗我地係時候要分開冷靜下......因為我諗我唔係適合你既女仔
既然令大家愛得咁辛苦, 不如早點放手......咁係咪會令大家更加好過呢?!?!?!? 21-3-2007 - 決裂的先兆今日如常番工
已經將失樂既事忘記得一乾二淨
正如家輝所講既, 我有我既小天地, 你有你既兩小無猜
因為今日佢公司有飯食
我自己約左朋友食飯, 佢係大頭呀
我好耐都冇見過大頭, 今晚本來可以開開心心咁同佢食一餐飯
可惜, 我忍唔住要喺大頭面前喊左出黎
事緣係星期一既時候我已經知道佢公司今晚有飯食
喺佢叫我約朋友食飯, 我約好之後先至知原來娛樂行既人有份去
咁即係她都有份啦........繼而, 我知道原來本身我今晚都可以去食飯
當時, 我真係好嬲呀......我即刻打電話問佢, 點解我今晚可以黎
你唔出聲呀.......換黎既答案係, 因為佢知我唔想見到她
所以唔叫我去食飯.......係咩.......我反問, 如果當初個選擇權喺我手
我去唔去一件事, 我去左見到她, 唔開心, 始終都係我揀既
結果, 又嗌交~~~~~我仲要唔開心到喺大頭面前喊左出黎
大頭.....真係唔好意思喇
搞到同你食餐飯都變左咁
或者我真係太愛呢個人喇, 愛到冇左自己, 冇左尊嚴
究竟我係咪時候放低佢, 等大家都會過得舒服d......
佢之後黎左接我, 仲同大頭傾左一陣
一切又好似變番平時咁~~~~~~ March 19 17-3-2007 - 大頭的來電....今日放假.....因為琴晚去左阿倫車房
好夜先至番到屋企, 今日變左一隻懶訓豬
一覺就訓到成點鐘.......仲記得上幾個星期六都有佢既電話打黎
今個星期要開始習慣冇左佢既生活喇
好記得下晝打過一記電話比佢
大家都只係寒暄兩句, 佢又再一次用佢既理由收線
其實, 我應該知, 應該習以為常, 因為佢呢幾日都止第一次係用不同既理由
黎到收我線, 係我仲要白痴到堅持要打比人
搵自己既架黎掉啫~~~~
無無聊聊過左大半日, 老公放工番黎訓左覺
我今晚要陪我最好既朋友tif去飲酒
所以成個下晝, 又係一個人坐喺個電腦前面發呆
直到七點, 收到大頭打黎既電話, 佢第一句就同我講, "你點呀, 你唔好唔開心啦, 我睇到你個blog喇......."
我當時唔知講咩好, 因為已經喊左出黎
好多謝大頭你會打黎安慰我, 我真係冇識錯你呢個朋友呀......
好感動呀......可惜, 我真係一句安慰都聽唔入耳呀.........
我都好掛住你架, 你得閒你就打黎比我啦....因為我都有好多野要同你講呀.........
夜晚同阿tif過左銅鑼灣, 如果唔係因為佢, 我諗打死我都唔會去到咁貴
九點半左右已經去到, 嘉寶同佢女朋友一早到左
四個人, 由冇人玩到有人, 今晚唔知點解, 我同阿tif都冇醉
我地兩個仲一齊搭車過旺角, 講住電話番屋企
番到屋企仲要玩左一陣msn添......
今晚覺得好失落, 但係唔知為咩......個人好悶
所以好早就想番屋企
(老公今晚好忙, 因為佢要ot呀, 我每次打比佢講唔夠兩句就收線......4點左右, 我等唔到佢番黎就訓左喇) March 16 12-3-2007 - 最好的朋友...失戀了今日又係戇居居過日晨
因為好唔想番工, 再過兩日希望有好日子過
因為老闆同老闆娘都飛走了
大約三點左右收到我最好朋友既電話
佢話佢失戀了.....對於我地黎講, 佢失戀係一件好事
因為我地眼見既佢女朋友對佢一d都唔好
但係我知道佢真係好傷心, 因為佢喊住咁打比我
我同阿芯都因為佢呢一個電話好擔心
好記得兩年前, 佢又係差唔多時間打黎同我講, 話'我失戀了'
我仲記得當時一個星期陪佢飲足三, 四晚
今次都唔例外, 我決定左唔番學同佢去飲酒
飲死佢為止..........
結果, 飲死左果個係我.......
可能呢排真係太煩喇...........喊喇.........好失儀態
半夜都係要你出黎接我....好多謝你.....
仲要累你比你屋企人鬧, 真係對唔住....... |
|
|
'%3a+March%2c+2007&referrer=){kind=small}
