Connie Pig's profile野蠻豬手記'(oo)'PhotosBlogListsMore  |  Tools Help |
|
March 30 感觸...岩岩溫完書, 沖完涼, 仲要等個頭乾, 左睇睇右睇睇我d朋友既分享空間, 睇到大妹豬縈縈既分享空間, 睇到有d感觸....
內容大至上係講....一個女仔嘗試將自己做到最好，因為佢好想做到佢男朋友心目中一個好好既女朋友~佢嘗試叫自己唔好有要求，因為無要求既人會較易開心，佢嘗試對住一個不拘小節、粗心大意既男朋友叫自己唔好咁執著，因為佢相信呢d係亙相遷就既第一步，佢嘗試叫自己唔好去比較多與少，因為佢知道只要佢係愛呢個男仔就夠........
就係咁.....心裡面唔知點解有d共鳴....有一個人佢曾經講過, "唔明點解我身邊既呢個人唔珍惜呢個機會,一個女人為佢做既野, 難度呢個人真係感覺唔到咩? 又或者呢個人真係為左玩而同我..........?!?"
我好記得我都會為佢做到最好, 但係換來就只有一句, "我冇要求過你為我做d乜", 我都好記得我有叫過自己唔好要求咁高, 唔好去比較....但係又真係做到咩........
有時發覺女人真係幾怪, 或者我地天生係女人啦!! 情緒, 就好似"大姨媽"咁.....週期性發作.......呢個問題其實我大妹豬都講過架, 都希望佢真係週期性發作啦!!! March 28 唔知點好??今日公司黎左個新女仔, 佢係黎頂我個位架, 因為我四月一號將會調入office裡面做assit merchandiser喇...呢個機會等左兩年幾, 對於我黎講真係一件好事, 因為我終於都唔駛再坐係個reception度, 都算係升左職丫...但係又因為咁, 我唔知道自己呢個機會係咪黎得好~~~
上次講到其實呢個機會可以比我另一位同事, 可能比左佢, 佢會唔駛走...唔通就係因為咁, 所以令到其他同事都唔鍾意我???? 我好怕呀......我好怕自己就咁比人討厭呀~~~~
而家先至開始感覺到壓力.........
March 23 惡號呀~~~今日番到公司, 特別覺得冷清~~~~
平時有佢係度, 會覺得佢好貪小便宜, 又八卦, 又嘈, 冇左佢既日子......好似覺得有d唔慣
今日公司好似個死城咁, 個個都愁雲慘霧....個個都充滿離愁別緒...因為我地有兩個同事琴日比公司遣散左, 呢個係公司既決定, 我地都好突然, 冇人知道原因, 大家都好想知道原因, 有冇人會知道原因....
琴晚放工, 掙扎左好耐, 都係冇走埋去同佢地講再見, 因為.......公司有一個同事同我講, 其實本身有一個同事係唔駛走既, 因為佢本身其實都可以做assist merchandiser呢個位, 但係偏偏有另外d同事同老闆提起我, 所以機會落左係我手, 結果令到我好自責, 我反覆咁問自己, 我係咪決定錯左, 係咪我令到人地冇得做呢?!?! 我內疚同唔開心左好耐, 我問過好多朋友, 媽咪, 佢地都同我講話呢個係公司政策上既問題, 唔關我事, 但係..............
我好唔開心呀!!!  March 21 好想同所有人分享.......琴日係2006年3月20日, 亦都係我係伊都錦(香港)有限公司工作左兩年七個月零九日.....
今日我終於都可以升職喇...當我知道既時候真係好開心, 因為我等左呢個機會好耐架喇
當老闆同我講, 話一陣會有同事同我講d重要野既時候, 我就意識到佢一定係想問我有冇興趣調入去做assist merchandizer, 其實呢一個位所做既野, 我真係一無所知架, 只係唔想再坐係個recept度, 公司有機會比自己, 梗係樂意啦....
呢件開心事, 我同左好多人分享, 第一個係我媽媽, 佢聽到都覺得好開心, 仲叫我比心機做添......我大妹豬就仲緊張過我媽媽, 千叮萬囑我以後都要比心機番工, 唔好再遲到同射波, 我都知佢用心良苦架喇...因為佢一直都係咁關心我呢個無用既姐姐, 真係好抵錫架.......
 March 19 第四封...給我最愛的老公
再一次唔知你會唔會睇到我呢一個blog, 同呢一封信....
好記得初初識你既時候, 我會每日都寫一封信比你
之後, 我話你次次都唔會回信, 我決定去買一本Hello Kitty既簿, 等你冇藉口唔回
到而家, 日日見既日子, 唔好講話信啦, 就黎好似連說話都唔想講多句咁
一係就嗌交~~~~咁既日子真係唔係好想過呀.....
人同人相處係咪就係咁架呢?? 我有時見到其他人可以開開心心咁又過一日, 嘻嘻哈哈又過一年, 點解...其實呢d日子可唔可以係我地生活入面出現呢??
最近好擔心, 因為又知道你同你個同事女聯絡得好密, 怕~~~~~~問你, 你當然會話我聽你同佢只有公事上面既野要講啦~~~但願如此!!! 但係兩個人相處, 最緊要係講個<信>字, 當大家都唔再信任對方既時候......
呢排我好鍾意聽<還是覺得你最好-古巨基>, 因為我覺得入面有d歌詞好似講緊我咁, <冥頑鬥氣盲中中還有理不講 麻煩 橫蠻>, 就好似正好講緊我呢隻野蠻豬既性格, 但係....就好似只會有其他人懂得欣賞我, 讚我.......讚我, 欣賞我既說話從來都唔會出自你把口.....
有一日我睇到一個朋友既blog, 佢講到, 一對情侶拍拖, 拍到情到濃時既時候, 一個電話, 講一句<掛住你>, 或者係講一句<我愛你>, 會唔會令到對方覺得煩呢, 結論就係唔會喇~~~你覺得呢?? 或者你會話而家既你, 會放事業係你既第一位, 但係我覺得人與人之間既相處都好緊要...算啦!! 都係果句啦, 每次一講到呢d, 大家都係意見不同架喇~~~
好啦!! 唔講喇.....
老婆上 March 18 犀利呀~~~今日放假, 一個星期最開心就係等到放假喇
我由琴晚三點訓到岩岩五點半先至起身
好似好耐都冇試過訓得咁開心
因為我, 真係好少會訓咁耐架
 或者係因為唔夠訓好耐啦~~~~
 嘩~~我又再一次引証左msn spaces既偉大呀估唔到先係Carol, 再有我朋友女Kit Kit, 又到大妹豬.......
今日仲發現草妹同衡哥都整左喎
咁下一個會係邊個呢?!?!?! March 16 迷失~~~開始發覺自己迷失左方向
係因為愛你令到我迷失??
講放棄既係我
有時真係會覺得好辛苦
因為我學習過去想你既好, 令自己過得好過一點
人, 就係咁........
今晚睇到一個朋友既blog, 內容係咁既.....
<當他沒認定你 ~>
男人，只會為一名他認定了的女人付出。
別再追究男朋友的懶惰。不如乾脆提議大家分手。你該告訴他，他既然不付出，你也是時候停止付出。
忽然好有同感.....
既然係咁~~~~~係咪應該做一個決定呢?? March 13 都是你~~給我最愛的老公
呢幾日經過CD舖都會聽到佢既mv, 佢就係光良喇, 好記得第一次同你去唱k, 你就係唱佢既<第一次>。 今日download左佢既新碟, 聽起佢既歌, 又睇到我一個好好既舊中學同學送左一首咁既歌比佢老公, 我都想借呢個機會送呢首歌比你.......<都是你>
<都是您> - 光良
誰改變了我的世界 等到那天我們來實現 我望著天在心中默默念 下一秒你出現在眼前 我的鋼琴彈奏的都是你 我的日記寫滿的都是你的名 才發現又另一個黎明 我的日記寫滿的都是你的名 才發現又另一個黎明
愛你的老婆上 給我你的愛給我你的愛(片尾曲)/TANK 詞：顏璽軒 曲:TANK 編曲：呂紹淳 演唱：TANK 等待 一點一滴 你對我感到安心 感覺 朋友關係 有了新的默契 便利商店裡 誰也買不到 我們最想要的東西 只握在 喜歡的人手上 給我你的愛 讓我陪著你去未來 給我你的愛 手拉著手 不放開 就算宇宙爆炸 海水都蒸發 只願你的記憶裡 有我的擁抱 我的 最大幸褔 是發現了我愛你 靈魂 有了意義 用每一天珍惜 便利商店裡 誰也買不到 我們最想要的東西 只握在 喜歡的人手上 給我你的愛 讓我陪著你去未來 給我你的愛 手拉著手 不放開 就算宇宙爆炸 海水都蒸發 只願你的記憶裡 有我的擁抱 雨和天空也有 相愛的可能 望著妳的微笑 情不自禁 給我你的愛 讓我陪著你去未來 給我你的愛 手拉著手 不放開 就算地球毀滅 來不及流淚 只願你的記憶裡 有我的擁抱 March 10 記住你的好~~~給我最愛的老公
呢封係第三封比你既信, 都係唔知你會唔會睇到...只係好想你都會有機會, 偶爾會黎呢度抽d時間睇下!!
今日係三月十號喇, 過多兩日, 我地就岩岩好正正式式識左一年喇, 點解會咁講, 仲記得果日番黎公司攞衫, 因為第二日要去飲, 經過詢問處同你交換左電話號碼, 咁又一年喇~~~~唔知你會唔會記得呢?? 每次同你提到呢一日, 你就會開玩笑, 講:"今年我地交換個電話黎用囉~~"
有朋友同我講, 佢話我成日都亂諗野, 佢話只要我記住你對我好既野, 我就會開心d, 原來真係可以架喎, 今日~我好開心呀, 因為我記起你早起身, 為車我番工; 我趕時間, 冇時間食早餐, 你買比我; 我胃痛, 成日都呢度痛果度痛, 雖然你冇時間陪我睇醫生, 又或者照顧我, 你會提我食藥; 我放假你放假既日子, 你想做你自己既野, 但係我提議要做既野, 你通常都會選擇做我想做既野先...呢一切一切都係你為我做過既野~~咁樣, 原來個人真係會開心好多!!
只要將人既優點放大一d, 所有缺點都會變得好鎖碎, 自然關係亦都會變得好一點~~~
學識包容同體諒, 亦都係要學識既一課!!
 愛你既老婆上March 08 給我老友Carol給我老友Carol
好多謝你一直都有留意我個blog, 亦都好多謝你每每係我唔開心既時候留言開解我呀.....我都好似你咁
覺得互聯網既發明真係好偉大呀......都想講blog既發明仲偉大呀....
March 07 第二封給我最愛既老公都係果句啦!! 唔知你有冇機會睇到呢封信, 好想同你講<對唔住>, 不過可能有好多野唔係一句對唔住就可以抵消, 因為我認同每一段感情, 傷害最深通常都係最愛既人既一d說話, 琴晚同你既對話如果我真係講過d好難聽既說話, 希望你原諒我啦~~~
我都覺得我真係幾細路女架, 就好似琴晚咁, 或者自己講過咩, 到呢一刻都會唔記得左... 其實, 呢一個係優點定係缺點呢?!? 我好想叫自己記得, 我就只會記得我地鬧過交, 又或者係自己扭過計, 你好努力咁話比我知你有幾愛我, 只係我唔覺~~~~發生過琴晚既事, 我想話你知....我覺喇!!!
愛你既老婆上  馬拉松式~~~我都估到佢一定會番黎搵我
佢好平心靜氣咁同我講
反而激動既我, 有好幾次我都唔想再講
因為佢有佢既道理, 我又覺得自己冇錯
就係咁...馬拉松式對峙左近三個鐘
結果~~~~我諗你都會估到啦.....
咪又係冇事囉!!!!
其實, 應該用咩方式去愛一個人先至係啱
又用一個咩方式去愛一個人會係錯呢
咁耐以黎, 我同佢都係搵唔到答案
我琴晚都坦白同佢講
其實我同佢要既野係唔同
佢可能雖然一個可以了解佢, 為佢分憂
唔會駁咀既女朋友
而我~~~~~~~~
但係結果都係要走番埋一齊
愛, 有時真係唔可以解釋!!!! March 06 寵愛<寵愛>
待我好到這種境界
面對每日責無旁貸
擔心我狀態 情緒會轉汰
自己不懂得化解
*待我好至最佳姿態
付出千般關心了解
千金也難買 還有你擁戴
幸福已越過邊界
難過 當初不懂分你憂
亦不懂得體諒你所有
何以 聽到教訓總是調頭
還時常令你擔憂
@無變改 每刻千分關注百般寵愛
使我寂寞亦可感到被愛
能被你盛載 去把傷心掩蓋
成長當中可減去悲哀
無放開 負擔千頓責任没有更改
都以盡力盡心把我負載
能讓我被愛 縱使辛酸感慨
亦不捨得將我拋開
無悔地愛*@
Repeat *
其實我 無奈過 遺憾過
每天都彷彿跟你拔河
原諒我 承受我 曾做錯
我舊日是負了你太多
Repeat @
第一封 給我親愛的老公:你知道嘛? 我唔知你有冇機會睇到我呢一個網頁架, 但係我為左我呢一個網頁下左好多苦功, 包括搵番晒我地既合照啦, 想學識點樣係呢一度播我地既主題曲啦, 我仲未學識架, 不過我會努力, 因為我想我地既回憶全部都儲存係黎, 直到.........
我係見到我個好好既舊同學整左一個咁既網頁我先至會整, 更加見到佢對佢老公果份深情, 所以我都想為你做番一d野, 縱使可能你根本冇留意過, 我已經開左呢一個網頁, 又或者你根本冇時間去留意....好快我地差唔多識左一年喇, 拍拖都差唔多十個月啦, 仲打算搬出黎住添....但係係同你呢段相處既期間我發覺到其實係有問題, 至於係咩問題我真係講唔出呀, 有d我覺得既問題, 你唔會覺得係問題, 通常問你, 你又會冇野講, 呢一種溝通方式, 你認為有冇問題呀?? 你會話你為我改變左好多, 其實我都為你改變左好多, 唔算得上係為你犧牲左好多, 但係我的確切切實實咁付出左, 可能你會覺得我唔需要為你做咁多野, 但係我只會覺得係為你做就會值得, 但係直到最近.....
我好記得我最近經常同你提到分手問題, 係因為我覺得自己有d攰喇, 我好怕有真係會有一日我捱唔住, 我開始懷疑自己所做既野, 我開始懷疑自己既耐性同忍耐力, 更加懷疑我仲係咪好似之前咁深愛你~~~~定係我愛你既方式用錯左, 定係其實大家要既野都唔同呢?? 我心目中有無數個問號, 但係從來都冇人話比我聽, 解釋到比我知, 我所做既究竟係岩定係錯....有人話兩個人相處最緊要既係開心, 但係當一方唔可以再令一方開心既時候, 咁係咪應該為呢段關係畫上句號呢??
好想係呢度同你講一句<我愛你>!!!
對唔住呀, 我好記得你講過我係一個冇耐性既人, 我諗我等你唔到喇!!!
唔捨得你既老婆  |
|
|
'%3a+March%2c+2006&referrer=){kind=small}
