Connie Pig's profile野蠻豬手記'(oo)'PhotosBlogListsMore  |  Tools Help |
|
February 27 22-2-2007 - 男人的多情和女人的專情男人的多情和女人的專情 曾有人說過： 男人是多情和長情的。 而女人則是專情與絕情。 男人可以在他已和一個喜歡的人在一起的時候， 在他的心裡說不定還有一個或更多的「她」存在。 因為他多情。 男人可以在多年以後心中還在掂記著他的女朋友現在過得是否安好。 因為他長情。 女人卻不一樣。 當她和一個喜歡的人在一起的時候， 她所想的就是他， 她所做的也就是為了他。 這時，即使有一個比現在的更好的男人出現， 她也不會放棄他的。 因為她的專情。 而當她決定放棄他的時候， 那就是說一切都沒有餘地了。 因為她絕情。 男人，天生就是多情的。 只是，他會對某一個人最長情 。 但這個人成為他妻子的可能性幾乎為零。 女人，天生就是專情的。 只是，她會對某一個人最絕情。 但這個人成為她的仇人的可能性幾乎是零。 男人和女人真的很不一樣。 當男人知道以前的女朋友現在過得不好， 他會去安慰她， 而當女人知道以前的男朋友現在過得不好時， 大部分肯定不會去安慰他。 對男人來說， 女人是要來保護的， 而他則成了個大英雄。 對女人來說， 男人是要來依賴的， 而她則成了個小鳥兒。 女人不明白怎麼男人可以有這麼多的心去記著那麼多的情。 而男人不明白怎麼女人可以這麼決心的忘了一段情。 其實，男人對你說分手的時候應該還有餘地的。 因為他多情，也因為他長情。 女人對你說分手的時候那就是沒有餘地了。 因為她專情，也因為她絕情。 就好比，男人和男人之間愛搭肩膀以示友好， 而女人和女人之間則愛手拉著手以示友好。 相對來說，男人在開心和不開心的時候都喜歡大笑。 而女人呢，在開心的時候她會開懷而笑， 在傷心的時候她會傷心的痛哭。 男子漢，流血不流淚。 女人呢？如果她在傷心的時候還滿面笑容的話， 那別人肯定會以為她有問題了。 一個女人要決心和你分手的時候， 你就不要妄想可以再把她的人和心留下。 一個女人是不會輕易的把分手二字說出口的。 但，一個男人說要和你分後的時候， 你還可以努力一把， 說不定你們還會有機會。 很簡單。就是多情和長情， 專情與絕情之分。 在一個女人全身心的投入到一段感情中去的時候， 那她的心是牢不可破的。 但一個男人全身心投入到一段感情中去的時候， 卻還是可以有間隙讓另一個她有機可乘。 當女人決定，她要離開他的時候， 那這段情就真的完蛋了。 不要問為什麼，這個結果是必然的。 當男人決定，他要離開她的時候， 那她還可以補救的，未必完蛋。 同樣的，這個結果是必然的。 February 26 19-2-2007 - 年初二....今日輝輝都係放假...可惜我陪唔到佢喇
因為我今日要番媽咪度開年, 佢有佢自己喺屋企
但係因為今晚放煙花, 所以佢都要番工OT, 真係慘......
大概一點左右我就番到媽咪度, 等左一陣, 我地三個就食飯喇
呀~~唔係, 係4 個先至啱, 因為仲有bb嘛.....哈哈
今年阿叔因為要番工, 所以冇過黎食開年
阿叔唔番過黎, 氣氛好似差少少咁......因為我呢個阿叔就最講得笑
咁多年都係咁.....但係....每次比佢鬧親我都會喊架~~~~~
四點鐘左右, 我就出發喇...........
番到鴨利洲仲去左冒險樂園冒險添~~~~
仲夾左一隻吉蒂呀......好開心呀...........
食完晚飯就過尖東接輝輝, 然後我地就番左屋企喇.....  18-2-2007 - 恭喜發財大年初一喇......琴晚都唔算玩得好晏
但係今朝要一早起身喇, 今年係我同輝輝, 佢媽咪仲有佢daddy一齊去拜年既日子
我地今年冇車揸, 所以要坐巴士, 咁仲好啦......可以訓覺嘛
一早, 就同輝輝去佢姨媽到......坐左一陣...下一個目的地就係番阿爺度喇
仲要食左阿爺煮....好好味既齋.......
跟住媽媽要番工, 所以我啦, 輝輝同爸爸就過去坪石邨喇
因為輝輝想見一個好耐冇見既妹妹......呢個妹妹以前係喺佢地屋企揍架
輝輝細個成日同佢玩, 因為好耐冇見想見下佢喎
一等就等到六點半....但係都唔見人, 咁我地搭車番屋企喇
因為有年糕留左喺我地屋企, 所以要先番屋企攞左
再番乙明......今晚都係食齋呀, 但係就煮番熱媽媽一早煮好既
輝輝覺得唔夠味, 結果佢自己下厨, 再煮一次....
咁樣....我地就過左一個年初一喇~~~~~  17-2-2007 - Shatin team出動呀今日係年三十晚, 都係shatin team同oo club crossover出街玩既日子
等左呢一日好耐, 因為咁耐以黎, 一直都好想坐下車手feel既車
結果...終於都得喇....hahahaha
今日既行程, 一早起身要攞衫落街洗, 因為如果今日唔攞去洗
就要等到初六, 人地先至開架喇, 然後就係要去食野同買野
約好左阿feel去食野, 因為佢今日都要買佢準備過新年既野
行左好耐呀, 結果佢都買左新鞋同新衫過年
我都買好我同輝輝既野........因為我要先約輝輝食飯
然後先至再同shatin team會合, 所以要同阿feel暫別
我過去尖東接左輝輝之後, 我地開始行動喇
首先要過金馬倫道買鞋, 可惜.....竟然冇我個碼呀
好失望呀...唯有走去買nike啦....點知睇中既都係冇我個碼
咁我都就打算過朗豪坊行左一團, 都係冇喎
咁咪過又一城囉.....點知都係買唔到...最後要碌番入沙田cataloge
結果終於都買到喇.........係一對白色既nike呀...輝輝仲買埋同一個款添
呢次係第一次, 係佢第一次肯買埋同一個款~~~~~
買好晒野都差唔多九點........怱怱咁喺意粉屋食左個團年飯(得三個人囉, 我, 輝輝同hello哥哥)
跟住又要碌番屋企喇...因為阿feel話過黎接我同輝輝, 我地仲要沖碌柚葉水涼呀......好趕呀
阿feel同埋佢個朋友阿tim一齊黎......本來係因為諗住接埋hello去玩, 但係因係hello約左阿paul行花市, 所以冇join我地
shatin team同oo club一行廿人左右, 就咁新年行左個大運.........
好多謝阿feel安全咁車我去玩左一晚.....謝謝.....  February 25 14-2-2007 - 家庭樂的情人節今日情人節只可以用一個字形容......shit~~~~~
上個星期接到通知, 今日要番婆婆到做節.....就係團年喇
真係唔係好想去, 但係唔記得左自己有幾耐冇番過婆婆度
所以都係過左去......
因為輝輝一早同我講, 佢今日要過又一城攞d野
所以我一起身就唔見左佢.....但係一陣間就聽到開門聲
原來佢番黎喇.......佢去又一城買左一隻鑽石耳環比我呀.....好感動呀
因為我估唔到佢會咁細心, 因為呢隻耳環我上次睇過
諗過買唔買.......多謝你呀...老公!!! 但係就因為我太早醒左, 佢寫唔切張咭囉
唔知如果佢夠時間既話, 佢會寫咩呢?!?!
然後, 輝輝就帶我過沙田, 因為要攞智豪部車比阿偉睇...結果都係得個"睇"字
我地之後去左食日本野....因為講左好耐想試下間金莎, 都係冇去到
所以輝輝見今日係情人節, 想食好d所以帶我去.......我地又食拉麵, 又食刺身...yummy呀
之後, 我地仲去食我最鍾意食既Haagen-Dazs雪糕添....
之後, 我地又約左阿feel, 因為輝輝係都要阿feel陪佢一齊出車車我番過鴨利洲
因為輝輝怕一個人番出黎悶喎...搞到阿feel約左人都推左
呢個輝輝真係激死人呀~~~~
然後我地出左尖東, join埋阿feel, 連hello哥哥都同埋我地一齊
結果, 兩部車, 4個人...一齊出發喇......
我當然食得好開心啦...因為同屋企人食飯.....佢地三個就慘喇
想喺香港仔搵地方篤波又冇......阿feel仲要病緊喎, 佢地只係食左一碗粉麵咋........
之後, 佢地又番上黎接我喇.....但係hello哥哥因為識左新女朋友
佢要過旺角搵佢嘛.....仲要攞住束花添.....幾開心呀~~~~~~(我就諗, 如果我都有就好喇...不過都係唔想人嘥錢..hehe)
咁跟住.........輝輝要同阿feel去玩車喎, 所以三個人去左一轉大帽山囉.....
總括......其實呢個情人節都過得ok架........多謝!!!
 February 21 13-2-2007 - 老公生日快樂今日係輝輝生日既大日子
本來約左阿耀佢地陪佢去海洋公園, 但係我地兩個都訓死左囉
有乜辨法, 我係玩到最尾走既
即係今朝六點呀.......番到去都訓左
仲有少少斷片添......
真係飲左好多呀~~~~~~成日都冇乜過街
到差唔多六點先至出去
因為今晚老公屋企團年
今年我地要坐巴士喇, 因為車車tot左
都好在搭巴士, 唔係呀~~~~老公一定訓著覺呀
我地出去又係訓........食飽飯番黎又係訓
總之就係成程車都訓啦..........
今晚真係要好好抖下喇......早抖!!!!
最後, 祝老公生日快樂, 開開心心, 工作順利, 最緊要係身體健康!!!! 12-2-2007 - 好想放假喇雖然仲有幾日先至到新年假
但係真係好想快d放假, 好在
先食頭盤.....因為聽日係輝輝生日既關係
我請左兩日假陪佢.......
放工之後, 趕去買禮物, 但係都因為貴
所以冇買到.......之後又趕番過尖東等輝輝食飯
點解要等? 因為佢落左又一城買野比tommy呀.....又係又一...咁邪既~~~~~
咁我唯有喺尖東等啦.......等下等下, 等都七點幾八點
等到我發脾氣喇.....因為原來諗住同佢去食板前壽司
冇得食啦......結果去左食大家樂....錯晒
之後, 又係行........好攰喇..........結果我地三個人去攞房唱住先
輝輝d朋友陸陸續續咁黎到.....因為舊年我地得兩個人慶祝
感覺到佢有d悶, 今年特別為佢做出呢個安排
有佢識左好多年既朋友, 阿耀同智豪.....又佢舊同事, 又有佢而家既同事
希望佢開心啦~~~~~
最慘都係我啦....因為又比人隊.....究竟係邊個生日呀!?!?  11-2-2007 - 屋企團年今日已經係11號喇~~~~~
仲有兩日輝輝就會生日, 所以今日要為準備一下
去訂蛋糕, 仲有買禮物, 仲要約好晒佢d朋友
本來好想比個驚喜佢, 可惜~~~~~乜都冇晒囉
話說個傻佬唔記得左佢正日(13號)要番屋企團年
所以約晒人13號, 但係我就一早約好佢d朋友12號晚出黎
搞到一個二個都打黎問我, 好衰唔衰佢11號又唔駛番學
咪搞到踢爆左囉..........
我過左沙田睇野, 睇啱, 但係冇得刻名.....
又要趕番出又一城.........跟住又要趕入屯門喎
好在有阿feel車我咋...因為佢係住屯門既...如果唔係都唔知點算
佢真係一個好人呀.......唔該晒!!!!!
10-2-2007 - 側田演唱會又係一個禮拜既結束, 即係我今日又要重覆去做一d一個禮拜要做既野
我今日又係要一早起身, 因為又要攞衫落街
其實攞衫落街洗呢一個動作, 做得多都真係幾討厭架
琴晚(2月9日)知道左一個小秘密, 令我覺得好頭痛, 好煩
因為我真係要做一個好詳細既考慮......
今晚同阿tif, 佢女友, 仲有輝輝去睇側田演唱會
我當然覺得冇咩啦, 因為我係為左管弦樂團去睇
阿tif同佢女友就為左側田去睇
唔駛講....最悶個果都係輝輝啦~~~~
因為佢竟然出左去食煙喎......hahaha
之後我地就同hello哥哥食飯
食完飯, 佢又約左人喎, 咁我就同輝輝行左一陣
睇定買咩過新年啦.........
諗住沙田組會有活動, 但係一個二個都唔知去晒邊
咁唯有番屋企啦~~~~~
(補錄) 8-2-2007 - 開心快樂嘉年華上個星期本身阿ming同crystal約好我今晚一齊去嘉年華
但係兩個飛機皇, 今日一番到公司, 一個就同我講冇帶鎖匙
一個就同我講, 話佢今日要同屋企人做舊歷生日
所以得番我同輝輝去, 但係就因為約好左hello哥哥, 阿耀, joanne, 仲有yoyo
最難得既就係草妹同tommy都一齊又黎, 變得好熱鬧喇~~~~
我地買左入場劵, 玩第一個機動遊戲, 一個二個都覺得小兒科
玩左等於冇玩, 呢d咁既氣氛梗係唔好比佢停啦
之後, 再玩第二個, 一個二個玩完落黎都話暈......而家d後生仔....咁"乍"架
又下掟公仔呀....又玩下摩天輪
我仲玩左我一路最怕玩既跳樓機呀....
我其實都好想同輝輝玩G-Force架, 但係我聽完阿健講完之後唔敢玩囉
最尾, 我地係去玩一d會濕身既遊戲, 草妹同tommy好早就走左喇
輝輝又掟唔到公仔比我喎........
真係快活不知時日過呀......咁又玩到人地收工喇
我地一行6人坐van仔過旺角食野......竟然有人喺van仔嘔呀....
但係唔係我地囉~~~~但係yoyo就嚇到唔敢望喇
食完野就番屋企訓lu~~~~, 但係真係玩到好攰喇!!!
各位朋友, 有機會既, 我下次都想同你地玩呀~~~~~
February 15 9-2-2007 - shatin team團年呀......睇番自己個blog先至知
我又好多日都冇寫過blog喇
因為而定家每日都會有唔同既節目
多得識左一班新朋友, 佢地就係shatin team既會員喇
得閒食飯, 吹水, 遊車河, 好開心架.........
今日又約左佢地喇
因為今日係shatin team團年既大日子
阿feel仲好好咁車我地過阿倫既車房
我地一班人一齊去左明星食飯
仲去左西頁食糖水添.......
好高興識到你地呀~~~~ February 01 31-1-2007 - 生日快樂琴晚終於都走左去睇<生日快樂>
最初好怕睇呢套戲, 因為怕內容
因為戲既內容, 往往都會反影現實
而現實往往反影人既過去.............
下晝收到亞耀既電話, 問我地今晚睇唔睇戲
因為佢受到<生日快樂>畫頭既吸引去睇呢一部戲
我一早就訂定飛, 最初4個人去睇
後來, 老公打黎叫我訂多張, 因為hello都同埋我地一齊去
今日好準時就可以收工, 我老闆飛左
趙小姐五點半到就走左........大概六點鬆, 我做好晒野都走喇
跟住就係過旺角join佢地, hello因為出左雙糧, 話要奬下自己
所以走左去買錶.......佢買左一隻seiko三針錶, 都靚架....
然後, 我地五個人就走左去掃街喇....食左撈撈, 小丸子, 仲有魷魚同牛丸....yummy
之後我地就買野飲啦....等入場
全片107分鐘, 但係就悶足咁多分鐘, 個個睇完出黎都喺度嘈嘈嘈~~~~
haha.....好搞笑呀.........睇得最感觸果個都係hello.....唉~~~~
其實, 人要面對面前同將來........"舊屎"咁臭唔好諗咁多喇
會壞腦架....... 三分鐘就知道誰是你最愛的人?今朝見同朋友仔既部落格, 發現左呢個可以令你願意成真既小小遊戲, 跟住我就step by step咁跟住黎玩....haha...發覺做出黎個結果真係好準喎, 你都玩下啦.....或者真係會令你願望成真架~~~
三分鐘就知道誰是你最愛的人? 一個很準的心理測試：按下面的步驟一步一步做，不要作弊，否則你的希望會落空（用３分 鐘完成）發送這個留言的人說：她的願望在十分鐘內變成現實，記住：不要有欺騙行為。這個戲的結果非常有趣，注意：按順序往下讀，不能跳躍地往下讀（只要花 ３分鐘，值得一試）首先拿一枝筆和一張紙，當你在作出選擇時，如果是人物，保證是你認識的，無論是數字或名字都是第1直覺，每次向下移動一行──記住：不 要跳行往下讀 一、首先，在一列中寫下１到１１的號碼（即１、２、３、４、５、６、７、８、９、１０、１１） 二、在號碼１和２的旁邊，寫下你所想的任意兩個數字 三、在號碼３和７的旁邊，寫下任意兩個異性的名字。（注意：不要跳躍的向下看，不要作弊哦） 四、在號碼４、５、６的旁邊，寫下朋友或親戚的名字幕（不要有欺騙行為） 五、在號碼８、９、１０、１１的旁邊，寫下４首歌的名字。 六、最後，許一個願。 結果： １. 你必須把這個遊戲告訴給（號碼２旁邊寫下的數字）個人。 ２. 號碼３是你所愛的人。 ３. 號碼７是你所喜歡的但不能與之相伴的人。 ４. 號碼４是你最關心的人。 ５. 號碼５是非常瞭解你的人。 ６. 號碼６是你重要的人。 ７. 號碼８的歌適合號碼３的人。 ８. 號碼９的歌適合號碼７的人。 ９. 號碼１０的歌最能代表你的想法。 １０. 序號１１的歌是你對生活的感受。 讀完這個結果之後，在一個小時之內轉載到2個論壇，如果照此做，了你的許願就會變成現實，否則，就會事與願違 |
|
|
'%3a+February%2c+2007&referrer=){kind=small}
