Connie Pig's profile野蠻豬手記'(oo)'PhotosBlogListsMore  |  Tools Help |
開始懂了~~~ If you love somebodyLet it be and set him free
If he comes back to you
It's meants to be 分享~~~你係一個我目前最親最愛最信任既人
有好多我既開心, 唔開心, 好笑, 麻煩事我都想同你講....
好似今日, 我終於都有得加人工喇
好自然第一個想同你講, 但係見到個鐘個時間
我諗你聽完都係等於冇聽過
所以等左一個鐘先至再打比你
但係第一次都係冇人聽, 第二次......
我真係估唔到你會比d咁既反應我架
或者你會話你未訓醒啦
又或者因為你一早知我會加人工
但係加呢個數我都喜出望外.........
我好想話你知, 我真係好想你係第一個知道
但係可惜~~~~~~~~ February 23 冬暖夏涼每當夜闌人靜既時候, 一個人靜靜咁係書房度聽起呢首歌
咀角好自然會泛起絲絲既微笑
係因為呢首歌令人覺得好感動
如果有一個男仔可以話比你知, 你同佢一齊會<冬暖夏涼>
咁你話你乎復何求呢~~~??
問我那感情線 它分開幾個岔
唯獨你這一條線 拋離各人吧 但你那感情線 那轉折複雜嗎 我只是某段時間過路嗎 但我早預備了火把 亦買好風扇 不打算再玩兩日就回家 若果要愛護你 猶如全日制學位這數年時間 我花 *談情如若有獎 我該得到金獎 全年大考小考通過了 只要你頒獎 唯求付合理想我會挑戰逐級上 題材仍合四季 我冬暖夏涼 難道你可不愛上 若有我的熊抱 冬天該不太差 回避到我的懷裡 等待雪溶吧 若有我當屏障 放暑假不用怕 無上裝 八月還會怕熱嗎 為你早預備了冬衣 亦買好水著 不打算散心兩日就回家 若果要照料你 猶如全日制值班 一世人陪你 好嗎 repeat * 誰人男朋友比得上 哪裡有這種清福可以享 值得你鼓掌 談情如若有獎 我該得到金獎 嚴寒酷暑體溫的變化 請與我分享 情人如若你想 你會一世被供養 旁人忙著轉季 我冬暖夏涼 來讓你專心愛上  *****獻給每一個都喜愛呢首歌既朋友***** February 22 等...我開始發覺我好憎等人
我自己本身唔可以話係一個好守時既人
但係總比一d人守時
其實係我屋企番工都唔駛用太多時間
偏偏上個月破晒我係呢間公司做既紀錄
自己都開始覺得有d唔好意思
所以今個月唔想再係咁....
等你都成為我既習慣
番工等, 放工等, 放假等.......等等等~~~~
我曾經講過我覺得等你好討厭
我諗其實每一個人都會覺得等人係好討厭既事
你都曾經感受過架, 但係點解你又要人等你呢??
每晚都要三、四點先訓
我會覺得青春有限, 我唔想嘥自己既時間
好耐之前你曾經話過我係一個冇耐性既人
再多既耐性都唔係咁花囉~~~~~
今日好病好辛苦, 大感冒而且仲要生眼瘡
好在阿姐見到我咁慘, 佢叫我下晝去睇醫生番屋企抖下
又係搵你唔到......................
我好想係我最唔開心, 最辛苦既時候, 有個人問候下我
抱下我, 親下我.............
好多時都會羡慕其他人, 因為佢地都得到佢地想要既幸福
"每個人都找尋一個幸福同快樂既泉源............" February 20 二月十八日, 一個值得記低既日子.... 二零零六年二月十八日係一個值得記住既日子...
今日如常番工, 但係冇遲到
仲可以有時間去麥記買一個豐富既早餐
 番到公司, 食過早餐, 就番去自己個位做野喇
可能係因為琴晚太夜啦....
我話過放工我一定要番屋企訓下先
結果, 番昇仔途中係巴士訓左一覺
番到去玩左一陣電腦終於都頂唔住
要訓喇......一訓好似訓左兩個鐘
根住又話要過海喇
因為今晚姨媽係銅鑼灣擺壽酒喎
約青青七點係三越等
佢個人仔遲到比我罰左廿蚊....哈哈哈
 飲宴完畢......要去一個好重要既約會
呢個約會呀.....犀利喇
十幾年既第一次呀
點解咁講......因為係一個中學同學聚會呀.......
冇見呢班同學都有十幾年喇....佢地係我讀何東既同學
影左好多相....講左好多野
下次聚會係6月喎.....
希望到時都見到大家啦~~~~~
February 15 平淡的二月十四.......
機於香港以前係英國殖民地, 西方文化令呢個地方充滿節日既重要性~~~~
我今年既情人節過得好平淡, 因為有d私人事要去銀行攪 到四點先得閒, 因為我尊重你, 好想去同你做一d你鍾意做既野 所以我選擇左同你去行旺角, 買車車既野, 正當你係到頭痛緊錢既問題既時候 我叫你唔好擔心, 係因為我知你做野辛苦, 唔想你再為呢d問題而煩惱.......... 唔知你知唔知呢??
我知道我今年唔會收到情人節禮物, 係因為你同我講話你冇錢 後補比我好唔好?? 記唔記得後補又係一回事啦.......... 心裡面有少少唔開心, 因為又係諗係你上年所做既野, 但係我冇出聲.....我心裡面有好多好多問號 點解你唔想同我影相? 點解你同我一齊好似唔開心咁? 點解你唔比我放公仔係車車?? 我一直都冇開口問, 因為我知就算我問, 答案都係一樣......就係唔答 咁我又何必去問呢~~~~自討没趣!!!!
我為你煮左一個好豐富既情人節晚餐 雖然, 可能比係出面食, 我做既係非常難食 但係, 都希望你唔好嫌棄.........
每一日我都問自己, 應唔應該繼續, 你想唔想繼續呀? 人地講, 兩個人一齊最緊要係開心 當我感覺到你唔開心既時候(雖然你每次都會同我講, 呢個只係我覺得, 但係....係真咩??) 我都唔開心....咁呢段關係係咪應該要作一個了斷呢?? 我們的合照.... 唔知由幾時開始我同你要合照
 就好似買一件奢侈品咁 好難好難..........
琴日睇到一個朋友既電話
發現佢部電話入面, 有好多好多佢同佢女朋友既合照
好溫馨........心裡面, 不禁諗: "我.....可唔可以都有我地自己既溫馨合照呀??"
我每一次同你提到呢個話題既時候你總係會敷衍我
話...."哦...好丫..."
相....的確會令人有好多好多回憶既片段, 我唔想我同你既回憶係零碎既, 你明唔明呀??
突然諗番起一番話, "世界上最遠既距離唔係生離死別, 而係我就企係你面前, 你卻不知道, 我愛你..."  二月十三日...你的生日~~~ 生日快樂.......估唔到終於都到左你生日喇~~~~
因為等唔切
所以係前一日就送左生日禮物比你
但係眼見你將佢地開左黎睇一睇
就放番好...冇立刻攞黎用
心裡面覺得好唔開心
, 係因為我送既禮物唔夠吸引唔夠名貴, 定係因為係我送...所以你唔覺得係咩一回事呀??
最傷心既都係莫過於, 切蛋糕既一刻到左十二點, 我將一個我親手整既豆腐芝士蛋糕由雪櫃拎出黎
插好洋燭, 一直等你過黎影相
等左一陣你過左黎
唱完生日歌, 叫你許一個願
吹過洋燭, 你已經走番埋去梳化
完全冇諗過會同我影相
唯有自己拎起手機, 為自己所做既野而影低
留個紀念......
好記得, 你舊年既生日好熱鬧
三五知己, 仲有你當時既女朋友
好記得佢都係為你做左一個生日蛋糕
仲好記得你地有合照, 而我........
我唔係想去同人比
但係你做出黎既野, 的確唔輪到我唔去比.......
February 13 Itokin Gathering琴日係Iotkin新春Gathering
亦都係幫Soeda San慶祝生日既大日子
我就好忙咁為我老公既生日同情人節作好預備
一到放工, 我攪掂好我手頭上既野
我就離開公司
我先到LV買左我老公今年既生日禮物
再去Agnes B買埋份情人節禮物
再到Citysuper為佢既生日蛋糕買材料
買晒所有野
二話不說, 一落到海防道見到架的士
就飛奔上去, 因為想快d番到昇仔
做好個蛋糕, 為唔比佢發現
我將個蛋糕好小心咁處理好放係雪櫃入面
之後又要趕住走番出尖東
因為同班同事打牌
但係去到竟然冇人囉
等到Emily同Nicky黎到我先至有得打
唔打由自何, 一打........輸到我~~~~~唉!!!
食飽飯飯去左唱k
老公都有過黎
近呢幾次Itokin Gathering佢都有黎陪我
一為神公, 二為弟子
同事知道佢十三號生日
都叫佢一齊切蛋糕
玩得好開心呀.....仲影左一d不文照添.....
但係冇係我部電話囉.....
呢個日本人係我地同事心目中係最好既
但係佢呢個月尾要調去上海喇
真係好唔捨得~~~~~~ February 07 一次認真的回憶....
番到去見到同學都係度睇緊自己份功課 記得上個星期, 我每個夜晚 每次甩轆都係為左呢份功課.....呢d日子真係好難過呀 亦都為"佢"付出左好多~~~~~
我個好同學Vienna一早已經幫我攞左份功課番埋位喇 一睇........嚇死我呀 比我預期中差好多呀
我真係冇諗過我會做得咁差
仲要差過果個咁既死八婆
我即刻果一刻好想喊呀
我急不及待想話比佢知我有幾唔開心
 講講下, 仲真係喊
左出黎添我呢次真係咁大個女, 第一次為功課唔開心
為功課而唔開心
我直頭覺得自己既努力係白費既
點解會係咁~~~~!?!?!??!?!?!?
我有一刻衝動
想放棄考試
但係個個都叫我唔好
佢地都話考左都叫盡過力喎!!!!!!
我話過, 我今次一定會比心機架喇~~~~~~~~ February 03 苦情人有一日發現謝家個icq info寫住<苦情人>
之後問佢, 呢首歌係邊個唱
download黎聽下
再睇下歌詞
就覺得呢首歌既歌詞
好貼切我~~~~~
讓眼睛關起 我不想再演戲
原諒我太獨立 沒有天生體貼入微 我不知道 怎樣是抽離 但從你每個吻可預期 已經知道 這是厭棄 其實愛下去 也不過 別離 ＊讓我手鬆開 我不想再死心錯愛 其實你怕寂寞 未見得珍惜給予你的愛 再走多遠 一樣沒將來 就由我帶你轉身下台 再想多遠 也難連載 繼續難被愛 仍然能自愛 別怪責我要分開 曾經想當個好情人 捨身成仁 還愛你愛到往下沉 若要犧牲 方能擁吻 無法一起 再同渡半生 如今找不到好情人 只得苦情人 就算我對你還著緊 亦無耐性陪你 浪費多十秒 傷心 誰有心 還要等 你熱吻＊ REPEAT＊ 如果必須要好情人 捨身成仁 誰有勇氣愛上別人 若要犧牲 方能擁吻 難道一起 再無下半生 曾經不相信好情人 找不到情人 遇上你曾如何認真 但明白你脾性 就算多十秒 開心 誰有空 還再等 你合襯 每一句歌詞都好似寫緊自己咁 咁又何必要拖呢???
有時o係適當時候放手
係咪會留番一個更美好既回憶比對方呢?? February 02 兩本書....今日 十一點起身,
番乙明攞d野, 因為有d野留左係果邊
之後番左媽咪度
又係要睇BB囉
媽咪一飛飛五日
呢幾日d節目都係咁lu
番到黎處理一下佢d大小二便
上下網.......兩點九左右又出中環
出去比d法律文件比我一個做律師樓既朋友睇
問過亞輝同唔同我食飯
佢又好似唔係咁想咁
本來諗住拎d野比佢
拎完就走
係等佢其間去左三聯睇書
經Carol介紹, 我決定買一本<在天堂遇見的五個人>
另外, 買左一本我想買左好耐既書
<為什麼男人愛說謊, 女人愛哭?>
希望睇完呢兩本書有所得著
同佢食過飯, 本來諗住搵大妹豬
但係佢冇出過黎喎
咁我咪番媽咪度囉
一生何求.....古巨基既<一生何求>係我最近最欣賞覺得最Touching, 最有feel既歌........
若有你 若有我 還有十塊 這樣我 便可以 約你去街
只有十塊 什麼信物平便買 甜蜜蜜吃些燒賣 沒老友 沒女友 如何愉快 生命要 用把尺 透徹了解 得到 沒有 或者當造還舊債 事業完美得不解 大概天要我兩者挑選 跟你兩個 寧願缺少了人緣 對我 你遍庇護縱寵 事業仍為我捐 *若要的通通也沒有 然而仍可手挽手 剩下溫柔 問我一生復何求 庸才 仍可得到你問候 無限滋油 慢慢細賞星宿 沒有錢不要走 到了有錢通處走 樂在心頭 問我一生復何求 庸才 難得找到你願受 情在心靈 在身外 任一切 沒有 (庸才 能跟你一起墮後 落魄溫柔 那溫柔 將火化 萬有)* 命數轉了又轉 其實始終不自願 跟你兩個 寧願缺少了人緣 對我 你遍庇護縱寵 事業仍為我捐 Repeat * 情在心靈 你生存 任一切 沒有 每一句歌詞我都覺得好有意思
每一句歌詞都係我想講既野~~~~~~~ February 01 學懂珍惜呢兩日都不停為自己呢個分享空間學整新野, 所以參考其他人既分享空間, 偶爾比我搵到一個中學同學既分享空間, 睇到佢既網誌, 內心有d酸溜溜, 我同佢中學既時候都算係好好朋友, 中五之後各散東西, 都冇同佢聯絡過, 見到佢既遭遇, 令我學懂咩叫珍惜.......
有時有d野, 真係要到失去左既時候, 先至會明白咩叫重要, 但係可能有d人一世都唔會明白呢個道理
我只係想你都明白, 你對我有幾重要, 我唔想失去你........... |
有人告訴我.......
二月十四, 一個對於所有有另一半既女仔黎講既大節日
琴晚要番學
都係為左呢份功課
好期待呢一刻.....
|
|
'%3a+February%2c+2006&referrer=){kind=small}
