Connie Pig's profile野蠻豬手記'(oo)'PhotosBlogListsMore  |  Tools Help |
|
December 23 21-12-2007 - Fly Away記得上次去台灣喺飛機上面聽過, 好好聽架......有種好舒服, 好有感覺, 好似被呢首歌抱住咁~~~好甜....
FLY AWAY - 梁靜茹 曲︰藍奕邦 詞︰陳沒／張天成 這一次 是我自己為自己下的決定 很小心 你說慢慢來別怕來不及 如果我 還有一點點不安或者遲疑 我不會 對你的反應那麼好奇 落葉啊 其實也很不願意 其實也不想回憶 誰沒等到錯過了流星 我們啊 交集在這意外的假期 一定哪裡見過你 一定曾經夢見你 ＊FLY AWAY 無窮無儘是你深邃的眼睛 看著你 就可以讓我茫茫人海裡感到安定 FLY AWAY 當我不顧一切無止盡追尋 有一個人 有一顆心 早已經默默之中在那裡 這一次 問我自己都說我毫不懷疑 愛上你 終於我發現我還有勇氣 唯一我 覺得遺憾的是我不夠仔細 不瞭解 你說那一些話的用意 幾乎是 所有時間在想你 快樂之後是壓抑 有沒有過這樣的呼吸 幸福啊 只要一個眼神的交集 我們擁抱著刺激 我們渴望著相遇 重唱 ＊,＊ FLY AWAY 當我不顧一切無止盡追尋 是你的人 是你的心 日日夜夜陪我在這裡 December 15 12-12-2007 - 晴、開心、忙、攰 宿一宵.....好開心呀......今日係vicky出嫁既大日子琴晚成班姐妹齊集喺跑馬地一間酒店既總統套房入面
開開心心咁過左一晚, 成班玩到癲晒, vicky同emily仲比左一個好大好大既驚喜比佢地既好妹妹eva
haha~~~佢兩個真係搞到eva好開心, 我地成班又唱生日歌比佢聽, 又同佢切蛋糕......好愉快呀
跟住我地就開始傾下第二朝點樣玩新郎........大約兩, 三點啦.....d姐妹陸續開始要訓喇
一來果日個個都要番工, 好攰, 二來, 我地都想比個靚靚樣比攝影師影架嘛
第二朝, 六點左右, 訓喺三張櫈做既既床既我, 比shirley偷影左相呀
睇番覺得好搞笑呀, 因為一d都唔似係有個人訓左喺度架
跟住eva就叫醒我, 洗面, 化妝..........個個姐妹都冇分你我, 幫手化妝set頭
然後就等重要既時刻黎到喇......新郎哥遲到喎.....先係罰佢每個兄弟咀一啖
haha~~~所有兄弟都毫不猶豫咁走埋去咀呢個新郎哥呀...(佢地一向都咁玩架啦).....
然後就比我地呢班靚靚姐妹玩喇...我地一共玩左4個遊戲
有一索得男啦, 甜酸苦辣, 全心全意同埋愛的宣言.....喺喧嘩聲中
阿倫娶得美人歸, 就係我地既女主角vicky喇
佢今日真係好靚呀, 因為佢搵左一個好好既化妝師為佢諗既每一個妝都令到全場既目光注視住佢
我地每個姐妹都得到加冕.....因為我地每個頭都有一個皇冠架
vicky: 再一次恭喜你............百年好合, 永結同
 eva:
 生日快樂~~~~我地開開心心玩左一晚, 個個都好攰喇, 不過最辛苦既都係emily, eva同jerry
辛苦晒.........
 December 04 2-12-2007 - 她...要結婚了haha~~~~我個朋友佢結婚喇
 雖然唔係識左好耐, 但係就好親切.....點解!?!?...因為我差唔多每日都會見到佢架...
佢叫vicky....佢同佢當時未婚夫...即係阿肥先生住喺沙田既
我地都係沙田組既組員黎架......一齊去活動, 一齊玩, 一齊去燒烤
記得差唔多九個月前, 佢生日既時候, 同佢拍左拖差唔多接近七年既阿肥先生向佢求婚喇
結果, 我呢位朋友就喺今個月結束佢地既愛情長跑進入另一個階段喇.....
好高興可以幫佢做姐妹, 由佢邀請我做姐妹到而家
真係不經不覺....下個星期就係佢出門同擺酒既大日子喇
真係有d緊張, 因為成日都好似仲有好多野未做好咁...點解會咁既呢!?!?!
唔通真係好似Emily同阿花咁講, 好姐妹, 好朋友結婚仲緊張過自己結婚.....
唯一既解釋就係, 因為我地每一個都想比一個難忘又完美既婚禮佢
 Vicky: 祝你同阿肥白頭到老, 永結同, 快d生番個bb比我地玩下呀......仲要, 好多謝你前陣子既開解同鼓勵.............多謝.... December 01 30-11-2007 - 私人助理??阿四??在辦公室中的私人助理??
在家中的阿四??
十月尾, 正式入左而家公司做
職位係私人助理.......係呀...職位好好聽呀...仲要係我咁多年黎最好聽既一個
咁又點呢...!?!?!咁又代表d咩呢....到頭來咪又係一個阿四
無論何時何地, 只要收到一個電話, 我就要處理我老闆叫我做既事
因為佢出得起錢請我, 就要做好佢吩咐做既野
做唔到...結果...得一個...就係鬧......呢d...咪叫食得咸魚抵得渴囉.........
二零零五年五月....正式同呢個人拍拖
職位係女朋友.....係呀......最初都會聽到一句好好聽既"老婆"
咁又點呢...!??!?!咁又代表d咩呢....到頭來我都係覺得自己係一個阿四
公式化既家務.....星期六要攞衫去洗...星期日放假吸塵同攞番洗好既衫番黎摺好放好
無論何時何地, 只要你聽到佢叫你一句, 我就要做好佢要我做既野
因為佢同得我一齊.............就(真係??)要做好佢吩咐做好既野......
一個家.....唔係個個都有份既咩.....但係點解!?!?!?
做唔到....結果....都係得一個.........埋怨..........
咁呢d...又係咪叫做食得咸魚抵得渴呢!?!?!?
我開始懷疑自己.....懷疑自己係咪真係生成一條阿四命
點解個世界會係咁....做人又會係咁架呢....!?!??!
其實呢個世界唔係咁.....做人都唔係咁架......
|
|
|
'%3a+December%2c+2007&referrer=){kind=small}
