Connie Pig's profile野蠻豬手記'(oo)'PhotosBlogListsMore  |  Tools Help |
|
December 29 27-12-2006 - 聖誕假期過後的一天今日終於都放完我呢4日既聖誕長假喇
今朝起身番工真係有d困難
唔係因為晚晚夜訓, 而係因為已經訓慣左
就算唔係每日都訓到好晏, 但係相比起番工, 就的確係有d放肆
好在輝輝打電話黎叫醒我
唔係真係訓到十點呀.......
番到公司, 上左一陣網
下~~~~~發生咩事呀, 點解msn又上唔到, icq又死左, yahoo都去唔到呀
以為係公司個network有事啦......搞到差唔多成點都係咁
個個同事都媽媽叉叉(咁又冇咁誇張), 只係喺到叫下做咩上唔到網囉
之後, 輝輝食晏睇到新聞話台灣地震, 震斷左海底電纜, 所以搞到網上大塞車
就係因為大多人倚賴互聯網喇
個個好似冇得上網都會癲咁.......包括我~~~~
成日都冇咩做過野, 又上唔到網
所以個個好準時放工, 我就過左去接輝輝放工啦
因為媽媽今晚煲湯煮飯, 所以我地番去食.....  December 28 26-12-2006 - 聖誕假期的最後一天今日訓下訓下, 竟然訓到好晏
十二點幾先至起身
今日已經係聖誕假期最後既一日喇
過埋今日聽日就要番工喇
真係~~~~~~~想放埋佢呀...........
今日冇咩特別事做
都係上下網聽下歌打下blog
輝輝個好朋友, 死黨兼兄弟亞耀今晚約左我地出去
但係輝輝堅持要番左黎屋企先
所以我喺屋企等佢
但係佢又一番到黎就訓著左喇
我整好晒野準備出門口先至整醒佢
約左亞耀去食煲仔飯, 喺廟街行行下既時候
爸爸打黎, 話媽媽喺屋企打比佢同佢講, 話屋企地震
最初聽唔明, 後來食完飯, 番屋企途中
仲發生左一件令我唔開心既事
我知道亞耀佢係冇心, 但係我就好介意喇
究竟佢係咪真係咁重要, 每個人心目中都係有佢呢?? 包括輝輝心目中都只有佢呢?!?!
番到屋企食媽媽整既蕃薯糖水
佢先至話新聞都有講, 台灣地震, 連香港都可以感受到
實在太厲害喇.........
 25-12-2006 - 預早的節目安排今日又係一早起身
因為輝輝話佢今日已經為我安排好節目
大概十一點半起身....梳洗好, 執好d眼耳口鼻
準備出發喇....!!!!
第一站就係番新文華
因為去搵hello, 我就知道輝輝一定係問佢借左相機用
之後同hello食晏, 食完晏就出發喇
今日原來係去屯門, 我都仲未知點解要入屯門
一去到屯門市廣場, 見到好多好多既hello kitty
就知道....原來輝輝今日突登帶我入黎影kitty呀
仲見到kitty同xo跳舞添....haha.....好搞笑呀
我就好似個小朋友咁.......
影完相, 已經係四點幾, 因為今晚要同爸爸慶祝生日
所以要去買禮物呀.......買左隻錶比佢, 諗住佢開工既時候可以用
跟住就回程番沙田, 臨走既時候輝輝先至問我駛唔駛過去公園果邊影
但係, 我好想講, 我覺得佢根本都唔想同我影相
我有問過佢點解好似唔係咁想同我影相
但係佢始終都係逃避問題.....
之後番屋企睇左一陣"狗咬狗"既dvd, 但係實在太血腥既
睇左一陣我就掛住玩nds喇......hehe
六點半又再出門口, 因為book左七點半食韓燒
食得個半鐘, 趕住走咁, 因為實在太多人
好多地方都為左做生意, 趕客都要
之後就番屋企食蛋糕, 係呀....我訂左一個雪糕蛋糕呀.....
好早就番屋企喇, 因為輝輝聽日又要番工喇......
 December 26 24-12-2006 - 好平安既平安夜呢個聖誕, 我知道我都係好平安
因為我最好既朋友, tif佢番左大陸
同埋大家都戒左飲酒呢個習慣, 所以唔會出去飲酒
結果今日又係訓到十點九醒左
好想好努力咁叫自己去做功課, 但係放假嘛
又點會捨得趕走條懶蟲丫
上下網, 聽下歌, 玩下msn, 咁又大半日
夜晚同Hello, 大頭, 輝輝, 仲有新相識既亞布去食飯
去食我最鍾意既上海菜呀.....
我又嬲左輝輝喇, 點解...?? 因為佢真係一個唔細心既人呀
就算佢係渣左車番工, 佢渣架車番沙田
都唔過黎接我, 自己一早就過左新城市喇
我好唔開心呀.........但係大頭話, "每個人每一日都好努力o係度追求一d自己冇既野...
又有幾多個會懂得去珍惜自己現在擁有既野? 珍惜才是最重要。" 我只好同佢時時都記住呢句野, 互相勉勵一下對方啦~~~~
因為只有咁先至可以過得開心d
食飯既時候, 我地同亞布開左一個靈異訮討會呀
係呀, 因為原來我同亞布都係會見到果d野架
之後, 就出左旺角, 因為我有朋友叫我出去打邊爐
都係食d野, 就番屋企喇
因為要番乙明飲涼茶.......
 23-12-2006 - 為聖誕準備篇今日好早就起身, 大概係十點半左右啦
因為琴晚好早就訓左覺喇
因為輝輝今日要番工
但係我就可以放四日假........
今日三點半準備好出門口
因為要過新城市攞琴晚買好既聖誕禮物
我喺Agnus b買左三份聖誕禮物
其實真係唔係人人都放架.........因為要睇下係咩人
同埋野蠻豬真係冇錢喇, 所以收唔到禮物既朋友真係唔好意思喇
最多同你地講句聖誕快樂, 希望你地下一年都會收到我既聖誕禮物啦
何況, 野蠻豬本身都收唔到咩聖誕禮物....hehe
出左文華, 因為草妹買左聖誕禮物比我
我又要送番聖誕禮物比佢
另外, 都送左一份聖誕禮物比一個好重要既人....
聖誕快樂呀.....好少機會可以見到你, 同埋你好似都唔係好想理我喇
不過, 希望你鍾意份禮物啦.......
今年我買左一隻自動錶比輝輝, 因為唔想佢再帶住果一隻令我覺得"ung"眼既錶
好想佢帶住屬於我地既野........
可能佢會覺得冇所謂, 但係我就覺得好有所謂喇
女人就係咁架啦.......呷醋小器, 都係正常事
之後番左屋企, 因為今晚都係要同媽媽食飯
食完飯都係番左屋企, 因為聽日先至有節目安排.......  22-12-2006 - 聖誕禮物篇今日有得放早
因為今日係中國節慶之一既冬至
三點鍾話放工, 但係因為我老闆兩點九先至番到黎
喺佢番黎既時候, 又比左一大堆野比我做
仲要比我老闆娘個秘書仔 - 亞ming番到屋企喺msn到話我可憐虫.....慘!!!
因為攞左兩支香檳, 其中一支係送比亞sir架
所以放工攞左過文華先.......再等埋輝輝收工
今日輝輝好似好多心事咁.....唔單止我覺得
連大頭都係咁話, 因為佢覺得輝輝成日都好似好多野諗咁
唔知佢諗緊咩呢......
跟住我地番左沙田, 因為媽媽整親隻腳要陪佢食飯
都好丫....一家人咪當係做冬囉~~~
我地兩個先番新城市廣場, 因為輝輝要攞佢件恤衫
跟住就係去買聖誕禮物喇
我同佢分開買, 但係今年我就收唔到聖誕禮物喇
因為佢話佢冇錢, 所以唔買聖誕禮物比我
我相信禮物既價值唔係問題
喺禮物本身存在既意義囉........
點解你會買聖誕禮物比其他人, 但係我就冇呢??
難道其他人會比我重要??  December 21 19-12-2006 - 點解我都係唔識架.....點解會咁架....?????????
 野蠻豬今日好早就番到公司
好彩趙小姐都好早喺度, 唔係就要等亞ming番黎先至入得門口喇
點解今日要早, 因為想做好晒d野先至放工
今日我要放半晝呀, 因為我今晚要考試
所以攞左半日補假............
一朝做就做好晒d野喇.......妥妥當當等收工
因為我放工仲要過長江寄件
所以差唔多兩點半先至番到屋企
番到屋企, 食住野溫書, 我真係好比心機好勤力咁去溫架
冇偷過懶......
六點半就出門口, 番到學校都仲有時間
見到份題目都好開心, 因為亞sir好好咁同我地"溫過下書"
所以有好多題目都係識, 但係答就..........
唉~~~~點解我會咁失敗架?!?!?! 又係唔識喇
數都計錯.....今次死梗啦.........
今晚輝輝同左hello去學影相
然後, 就喺旺角等我食飯.....我地食完飯就走喇
因為大家都好攰喇, 我琴晚三點先訓呀
早抖喇~~~~
 18-12-2006 - 死人篇超低能....今日咁多野做
勁搞笑.......都唔知笑乜
林狗既新金句呀....朋友....你睇左未呀??!!
今日趙小姐請食飯, 連輝輝都有份
我地個個都著得好靚
輝輝, 仲著左佢套新西裝添.....
我地十二點半出發, 等趙小姐個司機車我地
係呀~~~因為要去到好遠食架
果度就係<中華厨藝學院>喇........佢係座落於薄扶林既vtc既
果度煮野食既全部都係喺果度讀書既學生
仲要只係招待member, 訂都未必訂得到架
雖然係學厨煮既, 但係全部都好好食架.......
一去到, 禮賓式招待
因為一入門口, 就有好多學生歡迎
一句"Good afternoon, ladies and gentleman"
再加一句, "Please enjoy your lunch", 仲勁過去五星級酒店食飯呀......勁!!!
食完飯番到公司都差唔多三點喇
做完一輪野, 諗住有得收工喇
但係鍾小姐上黎睇完珠寶, 又到Betty上黎
Betty仲差唔多留到七點先至走
咪搞到我番學遲到囉.....真係慘呀...........
唔係因為要交功課, 都唔諗住番呀.....連sammi都係咁講....因為佢都好晏先至收工囉
今日有好多人黎接我放學呀
輝輝仲第一次渣車黎接我添......
亞耀啦, hello同大頭, 我覺得好開心呀, 好感動呀~~~~
之後我地就去左旺角食飯.....今晚要捱夜喇
因為要做好聽日交既功課, 聽日要測驗呀  你話仲唔死人?!?!December 19 17-12-2006 - bowling篇今日一大清早又要起身
好凍呀....唔係輝輝要番學
我諗我真係唔會咁早.....八點九呀......我今日放假架
送完佢番學, 我就一個人番屋企喇
因為又要做果份報紙功課囉.....嗚~~~
 等輝輝放學番黎, 我就同佢去食d野
佢話比我知, 佢番學d野好深, 開始好擔心自己唔係好識
但係我都好想話佢知, 其實我番學d野都好深, 我都好怕我唔識呀
但係唔緊要啦.....大家都努力啦.......
跟住落黎就係一連串既活動喇
包括去買聖誕金多寶啦, 萬寧買日用品, 攞衫....
然後又番屋企繼續果份未完既功課....
做到差唔多四點, 終於都完成喇.....然後就係同輝輝番去playlord度
攞番佢件恤衫同西裝褸喇, 因為聽日公司要去食飯喇
點知都係攞唔到件恤衫囉, 因為甩左粒鈕, 要比佢釘番
結果, 就要星期二先至有得攞喇........
今晚約好左秋明佢地食飯(好坦白講, 我約秋明食飯之前係唔知佢生日架)
我同輝輝要喺新城市等埋大妹同衡哥
二妹同秋明一早就過左去富豪打緊波喇....咩波...bowling囉, 我都好耐冇玩過喇
輝輝係都要人玩......結果一打就打到八點幾我地先至去食飯
同行仲有亞偉, Patrick, 秋明嫂亞Cat, 好開心呀
因為好耐都咁多人食飯........十一點又要番過乙明
因為一早媽媽就將輝輝要改果條西褲攞左番屋企
叫我地過去攞........
今晚又成點先至訓.......超低能
勁搞笑
 ...就係我同輝輝今日成日都講...'超低能, 勁搞笑...' December 18 16-12-2006 - 超低能....勁搞笑篇今日又係要一早起身
因為除左例行公事, 要攞衫落街洗之外
仲要做功課.....但係睇左一陣就唔想做囉
成份好似報紙咁既野, 睇左都想訓喇
跟住既時間就係上網聽歌同打機.........野蠻豬就係咁懶架喇...死未~~~~
 到差唔多四點, 網上面竟然出現左小T喎
原來佢喺Hello屋企呀, 我地仲約好左一齊出發添
因為佢要接hello, 我就要接輝輝
我同輝輝, 仲有亞仔今晚要去睇林狗呀
我一直都好期待呢個日子, 因為好難訂飛架
係用亞仔張咭訂既.......
因為亞仔遲左....好趕咁趕到去會展(佢個傻仔, 仲未食野添呀)
去到門口啱啱開始, 好在, 我地個位好易搵
兩個鐘既talk show, 好似過左一陣咁
雖然係有少少悶位(我覺得), 但係真係全個show都好得
我最鍾意就係......超低能.....勁搞笑......(睇左就明架喇)
冇睇既朋友.....等dvd啦.......我同輝輝都話, 如果出dvd, 我地都會買番一隻keep.... 15-12-2006 - 做冬篇嘩......今日好凍呀
真係好啱做冬呀...........
今日開始轉涼, 我今日番工就著左琴晚買既衫
最唔好既就係著左靚靚冇得同輝輝影相
今晚番媽咪度做冬
每個節日我地都係要提早做
因為要就番shift既五叔, 同要番外母度既伯父
好高興呀....我仲要陪媽咪陪到好晏添
輝輝今晚就出左去食飯
係呀....佢自己一個呀, 因為佢喺澳洲讀書果個好兄弟亞耀番左黎
佢番黎三個禮拜咋........實在要好好出去同佢聚一聚
結果, 大家都喺屋企等........ 14-12-2006 - Shopping篇今日放工又要趕住番屋企
但係因為今日比較多野做, 因為我老闆聽日又飛喇
今日要做好晒野先至可以走
結果, 六點九就走, 約左輝輝喺尖沙咀等
因為我地要過沙田shopping呀
佢要買西裝準備星期一同我老闆食飯
係呀, 我老闆請食飯, 話當係聖誕同埋慰勞宴
我地差唔多七點幾先至番到沙田
當然要同輝輝去睇左西裝先啦
因為Stage of Playlord減價(一到聖誕, 就四圍都減價架喇....真開心)
佢買左一套西裝, 兩件恤衫, 都唔算貴喎, 千零蚊啦.....
平時唔減價, 一件西裝褸都要咁既價錢呀......
我就買左一條裙, 一條褲同一件冷衫, 我就平喇
三百蚊就有三件喇, 輝輝仲話點解男女咁唔公平
男仔衫貴女仔衫咁多......hehe......原來男女真係唔係好平等喎
買完野, 就番乙明同媽媽食飯
自從媽媽要番埋通宵更之後, 都好少可以見到佢
佢煲左湯, 梗係要番去飲啦, 我仲打左包番屋企添....
輝輝仲喺目明攞番佢另一套西裝
結果, 佢著得落喎, 係條褲乍d....食飽飽就著唔落喇...
佢好似個細佬仔咁....著住件衫左令右令都唔肯換
好搞笑囉............ December 14 13-12-2006 - 下雨篇今日開始落雨....係呀....因為落完雨就會好凍架喇
今日公司有同事生日
所以成班同事, 公司上上下下一齊出去食飯
 慶祝我地仲走左過上環食韓燒呀
好好味呀.....但係就好嗅囉
番到公司個個都要噴香水
搞到成間公司都係香水味喎......
真係搞笑臨近放工, 好大雨
好想輝輝過黎接我, 但係佢就話冇遮所以唔黎
我要求左好多次, 結果都比我"lur"到佢黎
因為佢終於都借到遮同埋當佢放工既時候真係好大雨
結果佢都係過左黎搵我
好開心呀, 我仲同佢番娛樂行搵舊同事食飯
食完飯坐多一陣, 我地就番屋企喇
因為輝輝每日都好唔夠訓
每日都要好早好早就番工
所以要早d番屋企訓覺呀!!!!!
12-12-2006 - 生日倒數篇仲有一個月, 就係我既生日喇
估唔到, 真係咁快又一年
上年既生日, 都仲可以喺我呢個blog到搵到
上年既生日雖然有好多人陪我
都有d好耐冇見既朋友陪我
但係舊年既生日我記得係唔開心架
因為咩事, 我唔想講喇~~~~
有人話女人係記仇既
我只係覺得男人係善忘啫!?!?
就好似明明應承左話黎接放學, 又冇
就好似明明約好左一個地方等, 又冇
就好似明明應承左會對你好, 但係都冇
如果男人記得佢應承過女人做d咩, 而又去做既話
女人, 就唔會記住男人應承過d咩又唔去做.....
咁女人就唔會比人覺得佢地記仇
之所以話, 有因必有果.....就係咁~~~~~~~
今晚輝輝有黎接我
仲係同埋車車黎, 可惜, 佢永遠都係唔記得d路點行
又係要我等, 每一次佢都係要我等.....其實我真係唔係咁鍾意等
由識佢開始等, 等同佢開始, 等同佢一齊, 等一個奇蹟
等佢, 就好似變左習慣..........
同佢同turbo去朗豪坊食野
跟住, 就番屋企..........好攰呀.......我都好似小T咁....個人攰到
就黎支持唔住喇.....身同心.....都好攰呀~~~~~ 11-12-2006 - 没有意義篇有時覺得做人的確好似冇乜意義
每日都係番工, 放工, 番學, 訓覺再番工
重覆做住一d自己唔係好想做, 但係又要做既事~~~~~
今日拖住疲倦既身軀番工
因為琴日做左好多野.....
番到公司又要執番好琴日搬番黎既野
安排d野送番過保良......
仲要番我老闆做好佢喺印度帶番黎既野
唉~~~~~~~~
放工要番學
番到去差唔多七點又開始上堂
輝輝同我講, 話佢同亞sir去飲野
話會黎接我放學......最後.......本來佢唔黎接我架
但係就因為我發脾氣, 所以佢一早番左黎屋企
仲買左野食比我添.....
今晚個人好唔開心呀~~~唔知點解
但係好在有大妹, 草妹同Tommy, 多謝你地呀!!!! December 12 10-12-2006 - 超辛苦篇今朝一早眼到撐唔大既情況下起身
因為公司今朝喺山頂有event呀
最慘既都係輝輝, 因為佢都要幫我手, 難得佢有一日假, 都比我一早捉左出黎
真係辛苦晒喇~~~
七點半上到山頂, 超凍呀~~~~~~~~
 又要搬下野呀, set下野呀, 咁...........
我都唔係好明, 點解我好似由頭做到尾都未停過咁囉
時間越近開始, 我就越緊張, 因為今次event, 我又有份做mc架
但係臨開始先至知, 原來得一支咪
咁我就比個機會比表弟喇, 佢有潛質架.......
辛辛苦苦咁就做左半日
又係要搬下野呀, 抬下野, 執下野咁啦
輝輝仲因為咁整親手手添, 又係好似我咁囉
撞爆手呀, 佢就撞得犀利d, 但係我就撞得多d......大家都係中左手
hehe...........真係"論盡"呀.......
 同同事去銅鑼灣食左d野, 跟住就番屋企喇
真係好攰呀, 一訓訓到十點, 落街食d野番上樓
一點又要訓喇, 因為聽朝仲要番工呀......  9-12-2006 - 再次面對失敗篇今日好想一早起身溫書
但係都係好晏, 成九點先至願起身
整好晒d野, 又要攞衫落街洗
因為聽日要做event, 唔得閒, 今日要攞衫落街洗
好緊張呀........讀極都好似讀唔到咁
每個人都叫我唔好比太大壓力自己
但係唔得囉~~~我唔想再嘥時間, 再重讀
可以同其他同學一樣, 差唔多時間畢業
一陣間就話要出門口喇
番到去都仲係有d緊張, 叫做記得d架喇
入到課室, 一打開份卷, 已經想喊出黎
但係冇, 因為想盡能力做好佢
帶左字典, 但係就因為話我呢科個老師冇話比用字典, 叫我收埋
一個鐘之後, 都係唔識......所以走左
我盡我最大既努力, 都做左d, 但係心裡有數都知道一定唔會合格
因為補考係要扣20%, 再要乘番60%, 所以就算攞100分滿分
都係得48分, 加番assignment同test, 得出黎既分數先至係總分
我自問冇咁既能力..........一出學校門口打比sammi同佢講唔識, 唔知答左d咩
跟住就係收到一個遲黎既sms, 係輝輝send比我架, 一句"老婆加油"
呢個時候, 真係忍唔住喇, 打比佢同佢講, 我唔識,
 就係咁終於都喊左出黎佢同我講, 唔識咪再讀過囉.......唔好喊.......媽咪又係咁....
呢個時候, 全個巴士站既人目光都喺我身上.......唉~~~~~~~~~真係好失敗呀.......
夜晚本來唔係好想出街, 因為想一個人留喺屋企靜下
但係輝輝番左黎接我, 今晚去左萍姐個女屋企玩
佢住荃灣架...間屋好靚架, 又大....仲有一塊好大既LV鏡架
成點先至喺佢度番屋企.......
結果四點先訓聽朝仲要六點起身架.......弊喇~~~~ December 11 8-12-2006 - 全日進入戒備狀態篇今日野蠻豬要打仗呀.......好辛苦呀
因為星期日就要做event, 有好多野今日都要準備好
一早番到公司, 就要print好晒d form
跟住又要執好晒d野, 又要搬野啦.........
點解每次搬野都有我份呢.....?? 真係唔係好明
係, 我認我讀得書少, 都未至於每次搬野都有我份卦~~~
仲要因為搬野, 整親隻手手添...好痛呀...>_<
差唔多八點半先至收工呀
究竟我做既野有冇人會知呢....連我自己都唔係好知
好攰呀, 但係都要去食飯, 因為亞輝約左朋友打邊爐
望住隻錶一分一秒咁過去........但係都仲未番屋企
個心....好擔心呀....因為聽日要考試呀...
番到屋企因為要執好event用果個mc既稿
好晏先至攞起份notes溫, 但係實在太攰喇
溫到兩點, 咩都冇溫過就訓喇
死喇~~~~~
 7-12-2006 - 整頭篇今日終於都頂唔順要去整頭髮喇
自從上一次去焗油, 我個髮型師話佢上次電得唔好
叫我番去補電, 到而家先至有時間
但係今晚都好趕
因為開會開到六點半先至走得
即刻就要飛快咁去搭地鐵喇.....
點知我去到旺角, 輝輝都未黎到
佢仲喺尖東等緊車呀....我梗係唔等佢啦
因為我電髮需時嘛........
結果差唔多要成十點先至走得
跟住就同turbo去食野
食完野就番屋企喇.....
因為好攰呀.....呢個星期都keep住工作工作再工作.....
番到屋企都筋疲力竭喇
沖過涼, 又訓喇
因為聽日要打仗呀........  December 07 6-12-2006 - 結伴上學篇一直以來都好想可以同輝輝搵一樣野可以一齊學
咁啱收到e-mail, 話會有一個<國際音標法>既免費堂上
但係就只可以試一堂, 咁果日我就即刻問草妹
叫佢通知埋輝輝, 諗住一齊上去睇下好唔好, 再報...
放工, 第一時間就係準時走
一來, 我手頭上既野叫做跟好
二, 就係我老闆同老闆娘今日都唔喺公司
三, 就係公司媽媽Annie知道我要番學, 佢通常都會比我準時走既....
等左一陣104, 好在有位坐, 但隔離坐著個傻既八婆
點解咁講....因為佢d行經又古怪又不知所謂
我已經坐得好開架啦.....佢都仲係要迫過黎
我就黎比佢迫到坐左出巴士走廊喇.......頂丫
咁都唔止, 攞電話隻手肘駛唔駛喺到撞撞貢呀....
好辛苦先至坐到紅磡, 佢落車都仲要搵個死人屎忽"bell"我呀
正三八黎架~~~~
見到輝輝喇, 佢話草妹話唔番喎.......
因為咩本來諗住一二番學, 今日唔想番喎
但係我都係今日第三日番學喎, 呢個星期~~~~我咪仲辛苦......
番到間學校, 成個課室得我地兩個咋, 仲以為係呃人野
好在...差唔多到搭半都有好多人黎左
上左差唔多兩個鐘, 其實都覺得好有用架
但係, 就掙扎緊報唔報好...... |
|
|
'%3a+December%2c+2006&referrer=){kind=small}
