Connie Pig's profile野蠻豬手記'(oo)'PhotosBlogListsMore  |  Tools Help |
|
October 28 28-10-2007 - 朗朗上口的歌詞今日起身之後都冇咩特別野做過
一來, 要為聽日番工準備好心情
二來, 要為今晚既蟹宴作好一切準備
所以冇出街, 只係做好屋企既家務
同埋聽我電腦入面果4GB幾歌
  好多人都會有佢地鍾意聽既歌亦有好多人有佢地愛情主題曲, 失戀主題曲
有人話唔開心聽悲傷既歌, 份外覺得悲傷
一句句朗朗上口既歌詞當中, 你又明白多少意思呢
我有一個朋友, 佢又係永遠都唔明歌詞當中既意思
每次我話比歌詞佢睇既時候, 佢都係要我解釋比佢聽
真係比佢激死呀....阿tif....係咪呀
有一d人好鍾意一d歌
但係原來佢係永遠都唔知當中既意義
係你真係唔知, 還是你唔想去知
或者你係知, 但係當中既女/男主角並唔係你身邊既一個呢?!?!  27-10-2007 - 十一月快要接近了十一月快要接近了.......
 大家還記得九月的一篇部落格嗎??
內容係談及我曾經去算過一舖塔羅牌
牌內容係講, 十一月既我就會知道我想知既真相
好怕十一月既接近.......
 十月的確係我既人生轉捩點決定離開舊公司, 轉去一間新公司, 再由新公司轉去另一間新公司
眼看真係好似好順利, 但係惡運好似仲未捨得遠離我
好想大嗌問一句, "惡運, 你捨得走未呀?? 你好討厭呀!!!"
但係好想多謝一d我既朋友
因為佢地喺我唔開心既時候, 為我付出左好多
V小姐, E先生, H先生, J小姐, E小姐.........不能盡錄
呀........多年老死..仲有我個孫...多謝你地......  October 26 25-10-2007 - 又再向另一個目標出發上回講到我番而家呢份工得唔到滿足感
因為一來番到黎成日對住一個無理取鬧既老細
二來, 因為有一個好同事, 佢經常性攬住晒d野黎做
搞到我覺得番到黎好悶, 係超悶
再加上我老細好似唔係好鍾意我, 所以......我又決定離開
哈哈.....估唔到呢份係我咁耐以黎做得最短既工
係呀....只有三個禮拜.........
我黎緊會喺金鐘番工喇, 係一間律師樓黎既
但係我老闆並唔係一個律師, 佢太太先至係律師
我老闆係一個CAO......好勁呀........佢係我第三個做太平紳士既老闆
第一印象佢好好人, 希望做落都係咁好啦
 佢仲同我講, 話幫佢打工既人好少會諗走, 因為佢對下屬好好
例如, 比錢佢地去進修啦......甚至比錢佢地做生意
唔知我係咪都可以呢.....HEHE
VICKY成日都話我個人犯賤
有野做又嫌辛苦, 冇野做又嫌悶
諗深一層, 除左喺工作上係咁.....我又的確喺好多方便都係咁犯賤......
 October 16 9-10-2007 - 失去記憶的人有好多戲都會構造出一d令人失憶既機器
如果呢d機器可以喺現實中出現, 我會嘗試做佢既試驗品
記得《我家有一隻河東獅》入面張柏芝飲左一支杯叫做『忘情水』之後
就將古天樂忘記左, 但係其他所有人都仲記得喎
其實係咪喺度自欺欺人呢??
如果真係有一種咁既物質或者物件
我好願意去試一次..........可以令我從新認識過你
從新去愛過你...... October 14 愛回家
October 05 4-10-2007 - 十月...人生的新一頁今日係番新工既第3日
同一班同事都熟左, 好開心呀, 有傾有講
但係最睇唔過眼既就係有d小人喺度扮阿姐
點解我咁講......因為佢真係好扮野
佢扮野到, 我同佢同級, 佢覺得佢高級過我
有朋友同我講, 一個部門, 一間公司, 最唔好就係有呢d人
因為佢會為求目的, 不擇手段........
就好似佢不斷係咁接近我地市場部主管啦
不斷係咁接近我地既總裁啦~~~又係咁搏表現喎...搞到神憎鬼厭喇......  |
|||||||||||
|
|
'%3a+October%2c+2007&referrer=){kind=small}
