Connie Pig's profile野蠻豬手記'(oo)'PhotosBlogListsMore  |  Tools Help |
|
October 24 23-10-2006 - 聚舊篇琴晚四點先至訓
因為咩事.....唔想多講喇
只係想以後都可以開開心心就夠喇
好在今日番工都唔算多野做
最多都係去下銀行, 落下金鐘......
因為琴晚整親隻腳指公
攪到我行動唔係咁方便, 仲好痛添
放工之後過左何文田
同一d好耐冇見, 好耐都冇一齊食過飯既朋友食飯
自從喺舊公司走左之後都冇見過佢地
所以今日好開心可以同佢地食飯
仲可以買到日本清酒杯
今日收穫好好呀~~~~
番到屋企真係好攰喇
第一次咁早訓, 十一點半就走上床訓覺喇.......
聽日再講啦~~~bye
 October 23 22-10-2006 - 寫意篇今日又一早起身
見到太陽伯伯, 就好有衝動想去游水
但係踏入秋季, 而家d海水應該會好凍架
所以.......加上約左人~~~都係打消呢個念頭
但係呢個時候最好就係約埋朋友去燒野食
唔知我幾時先至有得燒野食呢?!?!
過左泓景臺同朋友食茶
好想番昇仔攞番d雜誌, 但係打極人地個電話都係冇人聽既
真係唔明....唔聽電話就咪學人出電話啦~~~~~
 飲完茶番屋企接埋bb, 去左西貢行街街.....
人地覺得我好奇怪, 因為個個入去西貢都係帶真狗
偏偏我就係帶隻假狗入去.....或許, 我已經當左佢係一隻真狗仔lu~~~~
入到西貢, 仲比我撞到果個咁既Carol仔......估唔到真係同你有d緣喎
不但喺msn spaces見番你, 入到西貢都撞到你個衰野
我離遠其實已經望到一個好似你既人, 但係又怕唔係你, 所以未叫
但係一聽把聲....都仲係咁, 冇變過, 先至咁叫....."Carol Lam..."
點知真係有人應喎~~~haha.....見到我仲要係十年如一日
嗌我做"死野".....打得少呀你~~~~
喺西貢行左一陣, 去飲下午茶
因為今日係XO既生日
 , 本來今晚佢約左我地落D玩但係, 呢d地方都唔係太啱我去
一來貴.....二來, 聽日又要番工
所以都係諗住同佢食飯, 但係搵佢搵到差唔多七點都未見人
原來佢同亞Wing過左澳門......咁算啦.....
同Turbo佢地食完飯就番屋企~~~ 21-10-2006 - 施比受更有福篇今日十一點就起身
因為今日本身諗住業主約師傅上黎幫我睇下廁所漏水果度點整
同埋又要攞衫落街洗...結果~~~
唔駛多講.....咩都做唔到
因為業主話個師傅唔記得左黎我屋企
我只係可以攞到衫落洗....
又因為我約左亞仔去捐血
所以.....要我打比個業主, 再約過下個星期
即係又要等啦~~~~~~
下晝同左亞仔去沙田捐血站捐血
約好左喺希爾頓戲院門口等
點知.....兩母子一個喺街等, 一個喺樓上等
已經第二次係咁喇......我地兩個好似少咁d默契
見到亞仔, 佢發覺我未食野
同左我去食麥記, 仲換左隻邪留丸比亞Ming添
去到捐血......捐完之後有d暈, 其實我一向都係咁架啦
但係就比果度d姑娘話我唔適宜捐血喎~~~
捐完先至發覺....我隻手腫到好似隻雞蛋咁呀~~~~~~
七點幾都係去沙田, 因為訂左飛睇<放‧逐>
因為睇到報紙講呢套戲, 所以走左去睇
本來仲有好多戲想睇架, 例如有<無間道風雲>啦...<世貿中心>....
<鬼書友>同埋<鬼上頭>......但係同事話<無間>同<鬼書友>都唔好睇
結果揀左<放‧逐>....但係都唔係好似預期咁好睇
有d攪笑囉.....好多駁火場面....可能男仔會啱睇d~~~~
睇完戲就番左屋企, 因為聽日又要一早起身喇~~~~ October 19 18-10-2006 - 煉金術篇煉金術
給我一團熊火 試煉我 證明我這麼狠狠愛過 期望不多 只要得到過 你身旁 那寶座 給我一場洪水 冷靜我 眼淚太多已匯聚成河 力竭聲嘶請你喜歡我 什麼事都做過 都不能感動你麼 *原來暫時共你沒緣份 來年先會變得更合襯 頑石哪天變黃金 我可以等 融和二人是哪樣成份 但願虔誠能顯得吸引 用五十年溶化你 成就 金禧一吻* 不夠激情仍可靠耐性 對付你的冷酷及無情 沉默假使都算種本領 我一定 最安靜 深信忠誠遲會獲勝 那份固執終於都會被尊敬 如煉金般等你先轉性 除非遺失人性 怎可能一直結冰 Repeat * 頭白了 還在等 情人預約在黃昏 原來暫時共你沒緣份 來年先會變得更合襯 期待再苦再難堪 我都會忍 談情十年未晚不怕等 渡日如年仍覺得興奮 若最後能溶化你 何用 心急手震 好耐都冇聽過呢首歌, 今日聽番覺得好有意思~~~ October 18 17-10-2006 - 好似忙完喇喎~~~睇番先知原來有成個星期都冇寫過blog
點解我會咁懶架呢~~~~
係因為上個星期真係好忙
公司既野又忙, 自己既野都忙
今日總算忙完喇.....仲可以準時收工添
上個星期有好幾日都落左深水埗
因為要為過去果個星期日喺山頂攪既慈善步行買野
結果星期五同星期六都係同表弟行深水埗
星期日朝早六點就要起身, 因為要上山頂做公司既event
同老闆食完個晏, 番到屋企訓死左
草妹打過黎話佢唔開心, 叫我陪佢打牌
但係佢打過黎, 我都聽唔到電話響
一訓, 訓到夜晚十一點.....食d野又再訓過喇
因為亞Ming放緊大假
星期一好早就番到公司, 加上星期日晚早訓啦
所以個人好精神..........我都知道星期一一定多野做
又要去好多間銀行, 仲要做報關既野
不過多野做都幾好丫
時間快過d嘛......話咁快又收工番屋企喇
結果星期一係過得最快, 朝早八點十番到公司, 做到六點十先至放工
亞Ming放埋今日假就會番喇
佢放假之前交低比我做既野, 我都做好晒
可以安安樂樂咁放工........今晚仲好準時六點放工添
犀非利呀~~~~~
October 12 11-10-2006 - 依然故我篇琴日發生左一件事, 係咩事....唔想多講....
令我深深咁體會到....當你真心去交一個朋友既時候
人地.....未必係咁諗架......
我覺得自己好蠢, 好容易信人
我媽咪由細到大都係咁話我, 我寧願相信朋友講既野
都唔鍾意聽佢講....結果.....
我唔知呢個人為咩要咁做....
亦都唔知佢係全心幫我, 定係有心害我
但係, 我好想講, 我係曾經好信任佢, 交個心出黎同佢做朋友
縱使....可能我以後都會好小心呢個人
又或者我唔會再同佢有咩聯絡
唔會選擇講心事比佢知.......
希望每一個真心同我交朋友既朋友
唔好再想係我身上得到一d, 你地認為係好處既好處.......
你咁樣係會好傷害到我既~~~~
 October 10 9-10-2006 - 突破一千大關篇多謝各方好友支持
我呢個msn spaces終於都突破一千大關喇.....
唔記得幾時為自己裝左一個hit counter
就咁......一日一日咁過去
原來而家已經有咁多人睇過呢個site
當然要多謝每日都會得閒click下上黎睇既朋友啦~~~
haha........我會繼續求變
希望可以發掘一d新野, 再裝落黎呢度
又可以教下朋友......又令自己個blog可以多d野睇....都幾好丫....
October 08 7-10-2006 - 一年一度又中秋一年一度又中秋......
今年中秋冇咩特別, 可能真係人大左
中秋節會做既野, 平時都可以做啦....唔一定要等到中秋先至黎做架
得玩燈籠同玩蠟燭唔可以啫
但係都咁大個人啦......呢d都好少做lu~~~~
每一年中秋, 我都會好希望收到一個燈籠
以前就係媽咪買比我, 媽咪每年都會係兒姨度買一個楊桃燈籠比我過中秋
出左黎住, 一係就係朋友送比我, 一係就係男朋友送比我
我好記得有一年中秋, 我係醫院過, 我有個朋友仲尊登攞個燈籠黎醫院送比我~~
話時話....果個好似係鐵夫黎架喎.....hehe...我都唔係記得好清楚添....
舊年我都收到一個hello kitty既燈籠.......但係今年呢個人已經冇再送燈籠比我喇
但係我今年照顧都收到一個hello kitty既燈籠喎.....
點解??? 因為係XO買黎送比我架......我即刻覺得自己好幸福
因為XO都會買一個hello kitty既燈籠氹我開心
其實我覺得我生活中都唔係缺少左d咩啫~~~~~
琴日係八月十六, 我見我又冇咩做.....我就同daddy, mammy, 姐姐入屯門食飯
係呀......屯門呀......自問我本身唔係咁鍾意呢個地方....咩原因...唔想講啦....
但係因為有一個好錫我既uncle係建生邨入面開左間酒樓
daddy同mammy成日都會入去食飯, 我又好想同佢地入去
所以今次係第二次同佢地入去架喇......我仲識一個人搭車入去
落左車行入去添........但係唔知係咪飲左d香檳
走既時候大頭蝦, 連自己個電話都留底左唔記得攞
好在未上車....uncle即刻打比daddy叫我上去攞番....
咁又過左今年既中秋喇.......你又點過呀?!?! October 03 3-10-2006 - 聽歌篇今日大妹豬話比我知, 呢首"你不是好情人"好好聽叫我聽
聽落又覺得真係好好聽喎.......可能d歌詞寫到好到肉啦
大妹豬都係咁講.......林夕同黃偉文一向寫既情歌都係咁架啦
只傷心, 就要傷心到底...
我都係呢度借呢一個機會介紹大家聽呢首歌....
希望你地都鍾意........
有傷心過既.....或者仲係傻緊既人...聽左之後會有d啟發啦~~~~ 你不是好情人你不是好情人 (蔡卓妍) 曲: 蔡卓妍 詞: 林夕 編: 謝國維@Baron 監: 伍樂城@Baron 我知 你想走 因愛得我未夠 明知 你覺得玩厭時候 萬樣借口 曾聽你 說我姊妹過分賣力 便是愛盡頭 這種愛 沒法接受 我知 沒了電 因你一向善變 明顯 我信得到愛情後便大過天 誰知你 懶去檢點 我像賣藝 賣盡我笑臉 原諒也徒然 我太犯賤 你未道別便愛多天 @痛恨你這情人非好情人 你閒來出手勾引 如今教我驚震 被你熱吻時狂賣性感 夢中情人極好品 我誤信我靠真心改變緣份 我也真太笨 (就是被狂吻) 無能為力也苦吻(情人同樣變心) 已經 沒眼淚 戀愛非錯便對 明知 與你相戀多長命 亦未會娶 曾聽說 你那顆心愛定事業 現在有著誰其實當玩具 偶爾玩累 再遇玩具便會想追 Repeat @( ) *我讓我得到卻未到 令我更相信漫遊花都無芳草 我哭泣喝著醋 Repeat @ ( ) * |
|
|
'%3a+October%2c+2006&referrer=){kind=small}
