Connie Pig's profile野蠻豬手記'(oo)'PhotosBlogListsMore  |  Tools Help |
|
January 27 26-1-2007 - 方圓方圓 凸對凹 就了解彼此的錯配有幾多 木配火 大概早注定了燒不出結果 右搭左 若放手完全沒錯 可惜我偏偏很愛你 可惜你一早討厭我 在這四方框內 甚麼也難突破 命運圓圈裡 連最初親溺都變生疏 *寧願分開 無數缺點即使我肯更改 能麻本犧牲你亦不覺被愛 長此再下去亦有害 誰為我喝彩 投身死海 圓與方的本質哪可更改 而潛在基因注定早有大概 如果對著我亦見外 無謂勉強共我戀愛* 為你改 沒法修補彼此 性格那偏差 為你好 但你總勸導我 光陰不要花 罵我蠢 做最蠢迴旋木馬 怎麼轉始終不會快 修改太多而情況更差 repeat * 投入錯 捱下去 越來越錯 愛錯怎麼可以躲 能為你 忘掉我 然後再沒埋自我 我也得不到太多 寧願分開 而我一早都知我怎麼改 仍難獲得到你付出半滴愛 如果我為你被殺害 誰為我致哀 投身死海 潛意識即使想法止更改 而常在一起也是種障礙賽 何苦再被冷漠對待 來換你讚頌我慷概 January 21 20-1-2007 - 壞的好情人誰人可好得過 長情專一的我 願意賣靈魂換你一笑的我 誰人可解釋我 為何這樣疼你 若想你那樣多 *待你好 若必須去得這麼盡 要壞也是壞到底 猶像狂迷般執迷 如爸爸般專制 像要獨佔著你身體 ( 誰靠近你亦要打低 ) * #如果喜歡你 必須傷你 情願我躲避 如果緊張你 就得管你 情願讓讓你 不想吻你吻到透不過氣 害怕愛你愛到愛的權利 變了力氣# 誰人可差得過 善盜多心的我 若你被旁人奪去 今世怎過 明明很珍惜你 力度總是較錯 著緊變作導火 repeat (*) 狂戀的感覺 好比兇器 盲目也鋒利 揚起這雙臂 再驅趕你 還扮護衛你 口中句句愛你那麼正氣 但我卻已錯到這種田地 hu...... repeat # 17-1-2007 - 給草妹的話草妹....
睇到你個blog先至知道你有一番話講比我知。
其實每個人都會有矛盾既時候, 等於喺度等奇蹟出現既時候, 總會有說不盡既挫折, 令你放棄去等呢一個奇蹟, 但到最後, 你都係唔會放棄去等架?!?! 仲記得我地有一日send sms你同我講過咩嘛, 你話感情唔係去分輸贏, 係問自己值唔值得嘛.....?!?! 只要你覺得值得, 咁你做既所有野都唔會後悔喇~~由你識我既一刻到而家, 你見我都係執迷不悔架....!?! 或者你會覺得我好傻, 點解仲要去等呢一個可能永遠都唔會出現既奇蹟, 人...就係咁架喇....!?! 永遠都係忠言逆耳....haha......不過我好開心有你呢個朋友, 我既二妹支持我........
講番轉頭, 其實係我自己有好多野放唔低, 我以為我可以做得到, 但事實可能係根本做唔到........
或者, 有d野的確事實擺左眼前, 永遠永遠都唔會再發生, 但係有d野我係控制唔到亞輝既, 所以我都係好怕, 就係好怕會失去.......
13-1-2007 - 只因喜歡你(茵) 只因喜歡你 你要我點都可以 只因喜歡你 偶有過失都不理 碰見你以後 我眼裏只得你 (峰) 只因喜歡你 你要我點都可以 只因喜歡你 那介意睇邊出戲 世界縱再大 我眼裏只得你 (合) 早午晚上 有了你心間空間載滿了趣味 風霜雨霧 我替你擔當抵擋那會退避 只需於一起 天色陰晴都美 (茵) 只因喜歡你 會偶爾吞聲忍氣 只因喜歡你 縱抱怨不敢生氣 你笑我幼稚 縱錯了因喜歡你 (合) 早午晚上 有了你心間空間載滿了趣味 風霜雨霧 我替你擔當抵擋那會退避 只需於一起 天色陰晴都美 (峰) 只因喜歡你 會偶爾吞聲忍氣 只因喜歡你 縱抱怨不敢生氣 你笑我幼稚 縱錯了因喜歡你 (茵) 只因喜歡你....... (峰) 只因喜歡你....... (茵) 只因喜歡你....... (峰) 只因喜歡你....... (合) 只因喜歡你....... January 20 11-1-2007 - 一個不平凡的生日今日照舊番工, 前晚又同老公嗌交
一心諗住今個生日會過得唔開心
我所有既好朋友, 都好想同我過生日
但係.....我就真係冇心情去搞喇
因為人大左就係咁, 個個都你有你既生活, 我有我既忙碌
今日一早收到我既生日禮物喇
就係草妹送比我既westwood披肩....好開心呀, 好多謝你呀....草妹
一直都唔知今晚有咩節目, 但係亞tif就係咁約我出黎
最後, 老公同我講, 今晚冇節目要番屋企喎......
放工過去搵老公, 因為一心諗住同佢番屋企嘛
等左好耐都唔見佢, 打比佢, 佢就話要交底d手尾, 因為佢聽日開始同我放假嘛
我同佢一齊放三日假呀~~~~
跟住我諗住打比hello啦, 佢又話佢走左喎, 因為佢話佢激嬲左大頭, 要買野氹番佢喎
然後, 我就繼續等老公番黎喇......奇怪....?!?!點解hello會同佢一齊出現呢
呢個時候我都覺得奇怪喇~~原來老公已經計劃好, 佢諗住帶我去一個神秘既地方食飯呀
我地三個人去攞車, 喺車車度老公送左一份好得意既小禮物比我
就係一個晴天公仔既麵包呀...好得意架..(但係食左落肚lu~~~), 所以影左張相
其實, 果隻好似馬又好似驢既公仔, 都係老公送架
跟住我地就去左九龍灣等大頭, 等左佢好耐呀......佢覺得唔係咁好意思, 要我地三個一齊等佢咁耐呀
老公原來帶我去食我最鍾意食既上海野呀.....我真係好鍾意食架
最初, 就係因為咁~~~佢以為我係上海妹呀....嘻嘻
食呢餐飯, 仲有一個神秘嘉賓呀......佢就係turbo叔喇~~~
差唔多食飽, 我一個好朋友亞欣又打黎.........約我去飲野喎
佢話好耐冇見, 就當約出黎聚下喎, 飲野喎....我梗係想啦....老公就話我大晒
我想去邊佢都會同我去喎!!!
結果差唔多十一點去到太子, 但係呢一刻有一個不愉快經歷呀
因為我同老公既車車出事喇......佢要離開我地喇
但係我諗最唔開心既應該會係老公喇
但係佢都陪我去玩.......今晚有hello, 大頭, 我老友tif, 亞欣同小強陪我
仲飲到嘔呀..........好多謝你地呀.....多謝亞tif送比我既hello kitty
特別多謝我老公.....!!!!
January 17 6-1-2007 - 回程lu~~~ 今日係第二日既行程一早又要起身喇, 今日係八點半
真係好辛苦呀..........參加旅行團就係有呢度唔好喇
上次同老公去泰國, 可以訓到幾點都得.....
一早起身, 執好晒野, 就要去食早餐喇
我係第一次唔係食自助早餐架咋
同行d團友都好不滿, 因為實在太過~~~唉~~~
唔係食左好多野, 因為個人都未回魂又點食呢
跟住就上車去景點喇.......又係訓訓訓
我地去左一個農業部既地方, 睇到好多蘭花呀
仲有一隻媽咪好鍾意用黎煲靈芝既植物叫<石斛>
我都好留心咁聽住人地講解, 因為佢會介紹你點煲先至對骨痛好
我仲錄低左, 諗住話番比媽咪聽架..........
我地仲飲左一盅好好味既燉湯,
 百厭既老公仲突登落多d石斛粉落d湯度呀~~~~第二站係帶我地去買手信架........照舊我地4個都係唔會買
但係就有好多人圍住我地囉, 差唔多一對一啦, 好辛苦呀......
最後都係頂唔順, 落左樓下, 但係一落樓, 我地就發現新大陸喇
就係hello話好好味既石灣菠蘿呀, 我同老公一人一個, 好開心呀
最不幸既事出現左, 就係我食到最尾既時候, 我個菠蘿跌左落地呀......shit!!!!!
 跟住就去左一個蜜蜂養殖場, 都係果句啦, 又係買野
有團友又好串咁話, 今日又係shopping團呀, 咁又真喎, 去到邊都有人"圍"既
我地4個又照舊唔買啦.......
有得食飯喇......今餐食石歧乳鴿, 但係隻乳鴿好明顯係bb黎既
一人仲要得一舊添, 不過算啦......團餐呢餐算最好架喇
食飽飽又要上路喇
去左一個叫做客家奇緣既地方呀......睇人娶老婆喎.....
成車人個個都訓覺, 都冇人聽過果度d人介紹.....
睇完就上車喇, 我地提議過去中山既吉之島, 但係遭受導遊惡意拒絕
所以我地只好乖乖到碼頭...等.....
七點幾番到香港, 但係我地仲有行程喎, 就係去還相機比翟師傅同食飯喇
我地4個人, 喺沙角打邊爐......超值$49位+$40湯底...yeah
仲要任飲任食喎, 食埋就番屋企喇, 因為又凍又攰呀~~~~  5-1-2007 - 出發喇今日係我, 老公輝輝, Hello同大頭出發去旅行既大日子
 一早就約左Hello喺火車站等
真係好早呀.......六點去到火車站喇
個天都未光, 又凍喎........
跟住我地三個就去到尖東站落車, 再轉接駁巴士去中港城碼頭
去到碼頭, 上去搵領隊, 但係未見人
所以去老麥嘆個早餐先
冇幾耐, 大頭就到喇.......佢好似唔係好開心咁(但係唔記得左咩事)
食飽飽我地早餐, 領隊打黎叫我地攞船飛喇
衝衝咁落船........喺船上面又玩下訓覺呀, 又玩下偷影呀
個零鐘頭, 就到左我地既第一站順德喇
第一個地方係去一個牌坊, 但係唔記得左係咩牌坊lu
只係知道又係咁影相, 影相再影相.....因為我同輝輝都開始鍾意玩單鏡反光機
但係我就比輝輝更早識玩單鏡反光機, 一有機會就影, 係咁影
 出事喇~~~唔知點解hello同大頭嗌交喇大頭仲扁晒咀添......點算呀~~~我同輝輝分開安慰, 好辛苦先至叫到hello留低
到左下一個景點喇...就係<清暉園>, 係一間古時大宅黎架, 好犀利呀~~~~~
個工人去個小姐間房呀, 都要行橋架.....我同大頭好細心咁聽住<清暉園>入面既導遊姐姐講解
果兩隻野, 又自己走左去影相喇.......(都可以理解既, 風頭火勢
 ), 就係因為咁, 我地4個都冇合照過到左食飯時間喇, 兩小無猜又雨過天清喇, 好在多得買手信既時候, 做就左機會
但係呢餐午飯就.......唉........超難食, 又冇野食囉~~~~~
之後我地又要去其他景點喇!!! 我地既導遊呢個時候就問我地同唔同佢食飯喇
因為晚餐係自費既, 我地有小中山地膽hello哥哥喺度, 梗係唔跟啦, 個導遊好似唔係好like咁
因為同行有成十幾人唔去, 仲對住我地4個黑面,
 好似搞到我地喺到搞事咁囉~~~~ 去左摘我最鍾意食既士多啤梨呀........任摘任食架......hello仲喺士多啤梨園幫大頭影左一張佢認為咁耐以黎最滿意既相喎.......唉~~~~服左佢喇!!! 老公, 又唔食喎, 只有我一個食...好似唔知點咁, 佢話怕士多啤梨酸喎!!!
最後一個景點, 比魚魚食腳皮呀.....好得意架
 ........好似比電電咁架.......又係例牌要屈你地比錢按下摩呀......但係我地4個就走左去睇4D電影呀, 香港海洋公園都有, 仲好似好好多添....
不過, 都梗係要比人屈下, 唔係一陣又黑面喇
跟住就番酒店攞房....間酒店好靚架, 因為係香格里拉黎架......
但係老公就話, 我地上次住澳門果間靚d喎~~~~
我地再集合所有唔跟導遊去食飯既團友, 一齊去左一間叫做<王子飯店>既地方食飯.....
每人都係$40, 又飽又有野飲.....真係好呀
導遊仲話帶我地去食八餸一湯喎......我地今晚食左十八個餸呀..........
January 10 4-1-2007 - 番埋今日就放假喇好野!!! 番埋今日就放假喇
因為係一早安排好既節目
其實自從上次hello同大頭去完玩之後
我地4個就一直都想搵一個地方可以一齊玩既地方
結果, 我地揀到冇得揀之下, 報左一個中旅既順德中山兩日一夜團
今日放工都仲有好多野要做
都係果句, 要做好晒d野先至可以收工
結果六點八先至走, 因為草妹要去我地屋企
解決一個關於佢終身幸福既問題, 所以佢同輝輝老公番屋企先
佢地話等埋我先至食野
我好快咁搭地鐵轉82M番屋企
因為想快d見到老公呀............
草妹同佢已經喺屋企等緊我食野喇
我地今晚食pizza.......輝輝老公食完野之後又發揮佢爛訓豬既本色
我同草妹喺度睇<軟硬Long Time No See演唱會>, 佢喺度訓
訓到草妹走左, 都係訓, 聽日去旅行既野又唔執
真係火鬼滾呀, 咪發脾氣囉.......執完野訓喇
都兩點喇....唔鬼理佢.......  January 08 3-1-2007 - 和好如初我同輝輝係好傳奇既一對呀
因為就算我地點嗌交, 結果都係一樣, 就係第二日就會
大家都會當冇事發生, 又係咁開開心心又過一日
或者草妹講得啱, 開心又過一日, 唔開心又過一日
最緊要係自己揀咩生活方式去做人啫~~~~
今日正式踏入工作正軌
做左好多野, 又要做filing, 又要做珠寶既野
因為今日有客上黎
所以我好晏先至放工呀
今日放工, 輝輝要去翟師傅度整電腦
其實我叫佢自己去架, 因為唔想佢地等我
但係佢就話有地方一定要一齊去
今日大頭發生左d事, 搞到佢嬲左hello呀, 我地3個都好擔心佢
因為一直都搵唔到佢呀
我地好早就番到屋企, 因為琴晚冇咩點訓呀
今晚要早日訓喇~~~~~~
2-1-2007 - 估唔到新年第二日...估唔到新年既第二日就開年......
今日又同輝輝鬧不和
其實都係我一直同佢既隱憂, 再加上佢同我講
佢聽晚又晏番, 晏番既原因係佢要去夜總會呀.....
係呀, 係夜總會呀.........我梗係唔鍾意啦
有邊個女朋友係可以容許自己男朋友去夜總會先得架
再大方都唔可以無動於衷架.......
但係佢話唔係想去架, 係因為果間"舞檯"果老細
請佢地管理處個老細, 工程部老細同tommy仲有佢去
唉~~~~咁我唯有打比草妹求救啦.....
草妹話都有d擔心, 但係冇辦法, 因為皇命難違喎
今晚要番學, 其實心情好差
連亞耀打黎叫我食飯, 我都唔去, 因為唔想見到佢
我一個人番左屋企, 佢都可以一個電話都冇
實在太唔開心喇.......
佢兩點半先至番到黎
我地又嘈, 咩都嘈.....我好嬲呀...我真係好嬲呀
佢知道咩事架喇..... 1-1-2007 - 2007的第一天新年快樂呀.......
 新一年.....新開始.....有好多野都希望今年有個新開始同好既開始
因為輝輝要OT, 琴晚好夜先至訓得著
因為打電話比佢既時候
聽到佢身邊有好多聲音
又聽到有人嘈交, 好擔心佢
訓下, 醒下......結果十二點就起左身
因為今日有好多野要安排
因為有個舊同事新舖開張
我同佢感情都算好架, 所以想比一個驚喜佢
我一早扮到唔知佢舖頭喺邊, 問佢舖頭既地址
其實係想訂一個花籃比佢, 佢都好有心, 琴日就打電話黎
邀請我同輝輝今日去佢舖頭開張
我大概四點鐘到.......仲幫襯佢買左一條蜜蠟比輝輝添.....
好似話可以幫助事業同強化肝功能架......
之後我地就番屋企, 本來諗住同爸爸媽媽食飯
但係佢地兩個去左行工展, 叫我地自己食喎
結果, 輝輝訓死左, 我要自己一個整麵食
激死我喇~~~~~~~~ January 03 31-12-2006 - 2006年的最後一天今日踏入2006年既最後一日
人人都會問我今晚去邊度倒數, 我答案都係一個
就係陪輝輝番文華倒數
點解??? 因為舊年佢都係要做野
我地唔可以一齊倒數, 呢個咁重要既日子
好想佢可以喺身邊, 縱使佢要番工, 我都想陪佢過果一刻
今日起身, 又係例牌, 即係又係落樓下間<小蜜蜂>食野囉
都唔駛諗去邊度食, 因為輝輝一向都唔鍾意諗食咩
佢又唔係太鍾意食其他野, 所以都係去呢度食....(Simon, 你下次知道去邊度搵我啦)
食完野, 番上屋企坐一陣, 又要準備出去喇
因為今晚要去亞sir度打邊爐....好多人呀
我同輝輝差唔多六點出門口
大頭, hello, 萍姐, cabio, tommy同草妹就搭馬鐵
我地約左喺頌安等, hello本來諗住未咁快食飯
諗住帶我同大頭去<冒險樂園>冒險架, 但係一來要趕住食飯
二來, 頌安<冒險樂園>執左呀....咁我地就乖乖咁上去亞sir度
草妹送左一個怪怪hello kitty&mimmy比我, 點解係怪怪, 因為hello kitty後面係佢個妹mimmy黎架
你話係咪好怪呢....hehe.......到左, 發現亞sir屋企有隻好得意既芝娃娃, 佢個名叫"豆豆"呀
我當然唔會放過呢個玩狗既機會啦............
冇耐, 衡哥同大妹就到, 然後就係大麥生, 即係衡哥個daddy
之後, 有一個叫johnny既人同佢太太, 仲有佢個好可愛既仔仔matthaw
見到大妹, 有種好奇怪既感覺, 好似生疏左咁
或者, 呢個正正係友誼既考驗啦........其實事實都證明左
見得多d, 係比較親密d........
打完邊爐, 佢地玩左一陣"三公", 我就抱左好耐狗
"豆豆"好癡我呀.....haha
差唔多十點三, 我地就要出發番文華喇
沿路都好多人, 因為個個都出去倒數
我一直坐喺管理處, 到左人地倒數一刻我都唔知
結果, 要等輝輝入黎, 黎左一個深情錫錫先至知道到左新年
Happy New Year!!!!
30-12-2006 - 放假呀今日係新曆新年假既第一日
仲有兩日2006年就正式結束喇
 輝輝都放假喎.........佢聽日都係放假
但係聽晚佢就要番去OT喇
我地一覺訓到今日下晝差唔多一點鐘
就落街食野, 同攞衫喇
期間大頭打過黎, 問我用落相機400D有條線, 放落腳架都可以影既野喺邊度有得賣
(
大家一定唔知佢講緊咩哩~~其實佢係想買Remote呀)....haha佢今日一早就起身, 打電話黎問我呢個問題
結果, 輝輝幫佢問到一個喺永成做既朋友
之後, 我地就番上樓, 因為要等大頭呢個漏氣公主囉
佢話出門口打比我地, 結果我地睇晒一隻<軟硬演唱會>佢都未打黎
都係要我打電話去催佢.....
我同輝輝差唔多五點出到去
但係大頭打黎先至話我地知佢啱啱出門口...(又真係幾漏氣)
我同輝輝去睇車車用品, 因為要為車車買多一個新香精呀
之後, 大頭終於搭的士趕到
我同輝輝就帶佢過永成搵輝輝個朋友, 原來呢個人都係hello個朋友黎架
果一刻我話比大頭聽, 佢都覺得好搞笑呀.....
買完之後, 又要趕番沙田, 因為hello等緊喇
我仲買左美珍香豬肉乾比輝輝食
之後, 我地又去行下啦, 睇下團啦......之後, 我地仲去左越棧食野
傾下計.....冇耐我地又要走喇
因為要番屋企攞車出街, 去左一個叫做<大尾篤燒烤王>既地方燒烤(
唔係卦??? 又食!!!)係呀....因為輝輝約左朋友, 好多人呀.....有turbo啦, 陳志偉啦, 余旦啦, 嘉豪同佢女朋友啦
何b, 超人同亞毛..........本來亞wing都話黎, 但係因為佢實在收工收得太晏喇
我地好早都走左, 因為turbo第二日要開工, 我地要車番佢出黎
但係turbo有心事, 我地喺車度同佢傾左一陣
之後, 兩點幾差唔多三點先至番屋企
沖埋涼, 四點先至訓呀~~~~~
January 02 29-12-2006 - 巴士難民今日係2006年最後一個工作天
大家都係懷住放假既心情番工
比起好多人, 我相信我比較幸運
因為我地同政府一樣, 五天工作週
大家懷住快樂既心情放工
今日既節目安排係同爸爸媽媽打邊爐
好多時候我都想為輝輝一家安排一d家庭節目
因為輝輝好少, 應該可以話冇....同佢屋企人有太多家庭聚會
所以一有機會, 我都好想佢地可以一聚天倫
因為晏左走, 所以叫輝輝唔駛等我
各自番屋企, 我都因為咁選擇坐182番屋企
一來可以聽下收音機, 二來可以訓下
正當我想訓覺既時候, 聽到一把女人聲講電話
仲越講越激動, 越講越大聲......發生咩事呢.....?!?!?!
原來又係一個傻人, 究竟香港人係咪真係咁大壓力呢???
佢一面係咁話自己係英國人, 又話自己有五十年美國簽証
又話我地係難民, 個個都食緊英國, 美國同共產黨錢
又話陳馮富珍唔係姓馮, 又話范太唔知玩咩玩到老公都死左
又話曾特首上京述職幫中國男人爭光
去到紅磡首先有一位阿姐頂佢唔順, 落樓下同司機投訴
司機上黎叫呢位女仕細聲d, 話有人投訴, 佢就反鬧番個司機
叫佢落番去渣車, 佢話邊度有人投訴喎, 冇人出街, 仲問係唔係冇人權
唔比佢喺巴士度講電話, 呢個時候又有一個男人頂佢唔住
有純正既香港粗口問候佢, 仲話自己比左錢坐車, 想佢靜一靜, 唔係就掟佢落車
呢位阿姐就話呢位先生犯刑事喇~~~之後全車人都因為咁起鬨
當然包括我呢位豬事丁啦........大家當玩咁玩呢位阿姐, 但係佢又好認真咁同我地對答喎
成個過程都有位熱心市民拍底左, 希望佢可以快d放上網比我地睇下笑下啦.......
輕鬆d啦.....香港人!!!!! |
|
|
'%3a+January%2c+2007&referrer=){kind=small}
